Blinde oë, Nuwe hoop

G’n idee

Ek staan by die
Deur van jou hart
Ek klop liewe wêreld
Liewe mensdom kan jy My hoor?

Hoekom hou jy aan sê nee
Wil Abba weet
Liefste kinders julle het nie ‘n idee
Waarvoor julle nee sê

Hoekom is dit so
Wil Abba Vader weet
Hoekom laat jy toe dat die vyand
Jou soveel leuens oor My bly voer

Liefste wêreld
Julle is verkeerd
Julle glo verkeerd oor My
Julle het nie ‘n idee

As julle kon sien hoe verkeerd julle oor My is
Sou julle dit skaars kon glo
Hoe het ons tot hier gekom
Dit sal julle kreet wees

Liefste wêreld, liefste kinders
Julle glo verkeerd oor My
Ek wil hê julle moet kom
Sodat Ek julle reg kan leer

Asseblief hou op sê Nee
Asseblief hou op sê jy wil nie kom
Liefste kind asseblief luister
Ek sê vir jou jy weet nie waarop jy jou rug draai

‘n God wat jou liefhet
Met alles in My
‘n God wat jou bemin
‘n Seun wat Sy alles gegee het vir jou

Sal julle asseblief glo
In die dood van My Seun
Sal julle glo Hy leef
Hy het die dood, graf en hel vir ewig oorwin!

My liefste kinders
Deur die dood en bloed van My Seun
Kan jy kom
Sal jy Hom asseblief aanneem?

Ek is die Weg
Die Waarheid
En die Lewe
Sê die Seun

Ek is die Weg
Na My Vader se hart
As jy na Hom wil kom
Moet jy deur My kom

Verlossing is deur My
Sê die Seun
Verlossing vir die mensdom
Dit lê slegs in My

Dis al vir jare wat julle
Bly wegdraai van My
Wanneer gaan julle kom
My toelaat om julle lewens om te draai

Hoekom wil julle
In die sleg bly wandel
As daar soveel goed
In en rondom julle is

My liefste kinders
Verstaan julle nie
Ek het julle gemaak
Ek weet hoe om die mooi in julle na vore te bring

Liefste Koning
Ons wil ja sê
Ons wil aanhou vra dat U
Die tuine van ons hart sal bewerk

Abba-God U is God
U is goed
En wat U doen en vra
Doen en vra U omdat U weet wat die beste vir ons is

Abba ek wil kom en ek wil meer geloof
Oor die harte van die mensekinders kom bid
Abba sal U ons asseblief help
Om waarlik te glo

Abba sal U ons asseblief leer
Wat die waarheid is
Sal U U hart vir ons oopmaak
Vir ons wys wat daarbinne lê

Abba ek wil bid
Dat elke mens U sal leer ken
Dat elke mens hul hart voor U sal ontbloot
U waarlik sal innooi

Liefste God, ons God
U is goed
U is God
Ons sê baie, baie dankie daarvoor

Halleluja, Amen.

Advertisements

Een gedagte oor “G’n idee”

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s