'n Seer hart, Byt vas, Nuwe hoop

Raad vir ‘n swaar hart

Dit bly my hart verstom
Die mooiheid van wie U is
Dankie Abba, dankie
Dat U opreg omgee

Dat U mooi liefde is
Pappa dankie, dankie
My hart wil bly sing
Omdat U altyd so goed en wonderlik is

Daar is geen swaarte of las
Op my skouers of my hart
Wat U met U warm omgee, liefde
Nie kan beter maak

Pappa ek wil net dankie sê
Aan U alleen
Groot lof en dankbaarheid toebring
U is die Waardige Een

Laste word so lig
In U teenwoordigheid
Ek wens almal wou dit glo
Dit rerig kom probeer

Liefste kinders van die wêreld
Kinders van My hart
Julle kan die swaar in julle hart
Gerus met My kom deel

Kom gee al die laste vir My
Kom maak My deel daarvan
Liefste kinders
Weet Ek gee rerig om

Meer as wat julle
Dikwels glo
Baie meer as wat julle
Dikwels dink

My hart kry ook seer
Wanneer julle seer het
Hoekom wil julle dit nie glo
My raad kom probeer

My raad is gee oor
Maak My deel daarvan
Sê vir My jou hart is seer
En kan Ek asseblief iets daarmee maak

Liefste kinders
My hart is altyd
Om dinge vir julle
Beter te maak

Hoekom wil so min dit glo
My rerig deel maak
Van die swaar en laste
Wat op hierdie aarde hulle deel raak

Liefste kinders
Asseblief hoor My hart
Daar is NIKS wat Ek nie
Met My warm liefde en omgee kan beter maak

Kom gee My
Liefste kind
Asseblief ‘n kans
Om vir jou te wys

Ek glo in julle harte
Al was dit seer
Al is dit stukkend
Ek kan genees

Kom word net bly in My
Kom vind jou vreugde in wie Ek is
En jy liefste kind
Jy sal sien

Dis so maklik
Sê Abba Vader
Om met al die laste van die wêreld
Julle oë van My te bly afhaal

Liefste kinders
Julle moet dit nie meer doen
Hoe gouer jy jou fokus op My plaas
Hou gouer sal jy uit die swart gat klim

Want Ek weet sê Abba
Dis hoe dit vir julle voel
Dis hoe dit vir julle raak
As julle kyk na als wat om julle aangaan

Liefste kinders asseblief
Julle moet altyd onthou
Om verder te kyk, verder
Na My, in geloof

Liefste kinders
Sal julle asseblief altyd sien
Altyd glo
Ek is groter

Ek is groter
As enige storm
Wat julle op hierdie aarde
Wil baasraak

Kinders dit sal nie gebeur
Die storm sal nie wen
Solank as wat jy na My bly kyk
Jou hoop en vreugde in My vind

Dis wanneer mense dit doen
Sê Abba
Wanneer hulle My hulle fokus in die storm maak
Dat My shalom kan neerdaal

My liefste kinders
Die vrede wat Ek gee is nie soos die van die wêreld nie
Dis groter
Dis soveel beter

Hou asseblief op
Vra Abba Vader
Om altyd julle vrede
In die wêreld en haar manier te probeer vind

Liefste kinders
Ek is groter
Onthou dit altyd
As jy ‘n diep donker situasie in die oë staar

Dis deur My die fokus te maak
En te hou
Deur die Donker Nag
Dat die Lig kan deurbreek

Verbly julle altyd in My
Sê Abba Vader
Ja selfs en veral
Wanneer julle die minste so voel

Kinders dis wanneer julle dit doen
Dat Ek kan deurbreek
Met oorwinning in My vleuels
Dit oor julle kan trek

Liefste kinders
Maak julle fokus asseblief altyd My
Deur die seer, deur die swaar
Ervaar dan hoe Ek alles beter maak

Ek is altyd waardig om geprys te word
My liefste kinders
En julle sal sien hoeveel genesing deurbreek in julle harte
Wanneer julle net kies om dit te doen

Moenie net julle oë op My hou
In die moeilike tye nie
My liefste kinders
Julle moet dit nooit afhaal

Liefste kinders
Ek verstaan julle seer
Die diep lyding daarbinne
Die kere wat julle wonder ‘gaan ek dit rerig maak’

My liefste kinders
Ek voel die seer saam met julle
Ek wil hê julle moet weet ek is nie vêr daarvaan
Ek is inteendeel baie naby

Ek wil julle altyd naby My hê
Naby My hou
Liefste kinders
Daar is niks wat vir My beter is

Hou jou oë in die storm
Asseblief op My
Besing My grootheid
Die waardigheid van wie Ek is

Alle ander dinge
Sal dan wegsweef
Omdat jy verstaan
Ek groter is, altyd in beheer

Liefste kinders
Als sal uitwerk soos dit moet
Hou julle oë net op My
Bly naby

Naby aan My hart
Naby aan My plan vir julle lewens
Moenie wegdwaal nie liefste kinders
Hou vaster aan My

Ek weet waarmee Ek besig is
Liefste kinders
Om julle vlerke te gee
Waarmee julle saam met My kan sweef

Oor aardse probleme
Struikelblokke
Al die vrae
Al die seer

Kinders Ek gaan julle help
Ek wil julle help
Altyd-altyd sal Ek
As julle My net deelmaak

Liefste kinders
Van My hart en die ander
Hou moed, moenie opgee
Weet dat Ek altyd groter as elke storm is

Dankie Abba-Heer
Vir genade groot
Dat U hier by ons is
Daar U waarlik-waarlik omgee

Amen.

Advertisements

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s