Lofprysing

Ewige Mooi Een

U vul my hart
Met vreugde ongehoord
Ek is so bly
Ek het U na binne genooi

Ek is so bly
So dankbaar
Dat U die Een is wat daarbinne woon
Abba hoe kan ek dankie sê

Abba dankie dat U vergeef
Meer as wat gewoon is
Dankie dat U verstaan
Dankie dat U in my woon

Vader ek wil dankie sê
Want U is goed
Vir U sal en wil my hart
Lofliedere bly sing

Abba-God liefste God
Dankie dat U so goed is
Dankie dat U so mooi is
Vir my bly U wonderskoon

U Naam is die soetste naam
Wat hierdie wêreld ooit sal bewoon
Abba daar is net niemand soos U
En ons wil dankie sê

Dankie dat daar nie ooit
‘n God soos U sal wees
Dankie dat U trots is op ons
Dankie dat U ons waarlik liefhet

Abba ons harte kan nie
Genoeg dankie sê
Eintlik is al wat ons wil vra
Dat U asseblief altyd in ons sal bly

Vader moet ons asseblief nie ooit verlaat
Hou ons vas
Hou ons naby
Ek is so bly U het alreeds ja gesê hiervoor

U Woord beloof
U sal ons nooit begewe
Of verlaat
En dit is Vader waarop ons bly staan

Dankie dat U ons vergeef
Dankie dat U lewe
Dat daar by U altyd ‘n nuwe bladjie is
Altyd ‘n nuwe begin

Liefste Koning Abba-God
Ek wil dankie sê
Ek wil aan U al die lof en eer bring
U die Een wat rerig verstaan

Abba-God sal U ons asseblief
Nader trek aan U hart
Sal U ons asseblief vergeef
Die kere wat ons bly wegtrek

Abba ons wil nie hê
Dat dit so moet wees
Ons wil U met oorgawe liefhê
Ons wil U met oorgawe dien

Abba sal U asseblief
Ons harte hoor
Ons harte versterk
Vir wat voorlê

Vader sonder U kan ons
Geen donker nag betrek
Vader U alleen is die Een
Wat ons staande hou

Abba bereik dan asseblief
U doel
In my hart, in my lewe
In ons land

Vader ons harte smag
Na dieper verhouding
Dieper intimiteit met U
Abba sal U dit asseblief vir ons gee

Sal U ons wys dat dit moontlik is
Om U vir die onmoontlike te vertrou
Abba sal U ons asseblief wys
U is die Ewige Ek Is

U is die Stewige Rots
Waarop ons, ons huis kan bou
U is die Een wat verstaan
U is die Een wat ons lief het

Vader vergewe ons asseblief
Vir al die kere wat ons van U bly wegdraai
Die kere wat ons nie verstaan
Dat U Abba net goed is

Vader ons verstaan baie goed
In hierdie wêreld nie
En ons sal seker ook nie
Nie totdat U ons kom haal

Vader tog weet ons
U het ons vergeef
In die bloed van U Seun
Vir ons ‘n nuwe kans kom gee

Liefste Abba
Hoe kan ons dan nie vir U dankie sê
Hoe kan ons nie lewens leef
Wat U Naam bo alles eer

Abba-God U is so goed
U is Lewe
Hoe wens ek daar was meer
Wat hierdie eenvoudige boodskap wou glo

Daar is so baie leuens
In hierdie wêreld
Soveel leuens wat mense bo U glo
Vader ek vra asseblief maak ons oë oop

Help ons om die Lig te begin raaksien
Help ons Abba om U te sien
Om U te begin glo
Om aan U oor te gee

Abba
Lewe lê op een plek
En dit is by U
U is die Een wat Ware Lewe gee

Vader ek roep verlorenes
In U Koninkryk in
Abba ek bid dat hulle sal begin sien
U is die Een waaroor ons nog altyd droom

Vader ek wens en ek bid
Dat hierdie wêreld
U nie meer met minagting sal bejeen
Want U is veels te mooi daarvoor

U is die Ewige Lewe
U is die Mooiste Lied
U is die Een waaroor ons sing
Die Ewige Mooi Een

Abba-God liefste God
Ons nooi U diep in ons harte
Ons vra vergifnis
Ons wil oor-begin

Sal U ons asseblief help Abba
Om U Naam hoog te hou
Sal U ons help Abba
Om ook aan ander die kans te gee

Vader wie U is, is vêr bo ons verstand
U is Lewe
U is Lag
Ons sê in Jesus Christus baie dankie daarvoor

Ons Koning
Die Rede
Ons Hoop
Ons alles in een

Halleluja groot Koning
Aan U Naam alleen
Al die eer
Ons huppel en ons sing

U
U is die waardige een
Die Een wat dit so baie
Oor en oor verdien

Amen.

Advertisements

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s