Blinde oë, Nuwe hoop

Mooiste Lig

My hart is stil
Hy wag op U
Hy wil getuig
Altyd meer van U vertel

Dankie Abba-God
Dat U so wonderlik is
Dat U van ons weet elk een
Dat U ons name ken

U weet wie ons is
U weet wat ons wegsteek
Vader ons wil nie hê dat dit meer so sal wees
Ons wil U Lig bewoon

Vader Abba God
Help ons asseblief
Om elke dag ‘n bietjie nader
Aan U en wonderlike liefde te beweeg

Vader daar is niks beter
Of mooier
As U liefde
As U Lig wat in my woon

Vader ek wil bid
Ons wil vra
Elke dag
Asseblief ‘n bietjie meer

Skyn U glorie-lig Abba
Op die donker plekke in my siel
Die plekke van seer
Daar waar ons diep eina het

Vader ons wil vra
Ons wil bid
Neem weg die struikelblokke
Wat van U warm liefde skei

Vader ons wil meer weet
Ons wil elke dag groei
In U wonderlike genesing
Sal U ons asseblief help daarmee

Sal U ons harte asseblief
Sag maak vir U Lig
Dat dit inwonend sal wees
Met ons elkeen se toestemming

Vader ons wil U hart
Van liefde en genesing
Nie uithou
Ons wil U Lig heelhartig innooi

Vader sal U ons asseblief help daarmee
Om U en U wonderlike Lig
Elke dag ‘n bietjie meer te vertrou
Dankie dat U by ons is

Ons harte wil oorloop Abba-Vader
Van dankbaarheid teenoor U
Wie U is elke dag
Vir elkeen

Vader Abba God
Dankie dat U sonder gelyke is
U liefde is breed
Baie breër en blinker as die son se strale

Vader help ons asseblief
Elke dag
Om U liefde ‘n bietjie meer
In ons harte te nooi

Vader ons wil
Ons wil U deel maak
Van die diepste deel van ons
Want ons weet dis waar ons lewe kry

Vader help ons asseblief
Elke liewe dag
Meer en meer
Om U te vertrou

Om te besef
Hemelse Vader
Dat daar niks beter is
As om juis dit te doen

Om oop te maak
Om te vertrou
Om te weet
Dat U sag met ons harte werk

Geen een mens is daar ooit
Wat ons meer kan vertrou
As U die Een wat die sagste
Met die mensehart werk

Vader ek wil vertroue kom bid
Oor elkeen van die mensekinders
Wat hier lees en wonder
Sal ek ‘n kans waag

Vader asseblief
Gee vir ons genade
Om te besef en te weet
Dit is vir ons elkeen

Vader asseblief
Wys vir ons
Hoe te vertrou
U waarlik is

Vader daar is niemand soos U
Vader en ek bid dat elke mens
U waarlik ‘n kans sal gee
Om U liefde te wys

Help ons elkeen Abba
Om te begin oopmaak
Diep
Tree vir tree

U verwag nooit die onmoontlike nie
U vra net ‘n begin
‘n Hart wat oopmaak
U met ‘n skrefie innooi

Vader ek bid vir hulle
Elkeen wat U Lig nou betree
Gee hulle hoop Vader
Gee asseblief genade om aan U vas te hou

Vader dit wat U begin
Dit maak U altyd klaar
Vader dit gee ons harte hoop
Dit maak dat ons nog meer glo

Dankie Abba-Vader
Dat U ‘n waarmaker is van U Woord
Dat niks tussenin kan beweeg
U is die Ware Een

Vader help ons asseblief
Elkeen
Om die pad saam met U te loop
Tot die einde en weer

Vader dis U wat alles sin gee
Betekenis
Doel en waarde
Aan hierdie lewe

Mag elke verlore siel U vind
Mag hulle ontdek Vader
Voordat dit te laat is
Dat U opreg liefde is

Vader genade asseblief
Hoop om aan vas te hou
Nou en elke dag
Terwyl ons hier op aarde is

Amen.

Advertisements

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s