Blinde oë, Liefde so groot, Nuwe hoop

Wonder-wêreld

Kinders asseblief kom ‘n bietjie nader
Aan My julle Pappa-God
Die Een wat julle so baie liefhet
Die Een wat in julle glo

Het julle geweet
Kleintjies van My hart
Dat daar niks is wat julle nie saam met My kan bereik
Al wat julle moet doen is glo

Ja sê Abba-Vader
Ek is baie groter as julle vrese
Twyfel en onsekerhede
Glo net My kind, glo soos ‘n kind 🙂

‘n Wonder-wêreld van moontlikhede
Wil Ek voor jou laat oopgaan
Ek wil hê jy moet
Saam met My kom droom

Die moontlikhede is groot
My kinders
Die opsies
Wyd en syd

Kom kinders
Kom en kom sien
Hoe die wêreld in My hart
Daarna uitsien

Kinders asseblief
Julle moenie ophou om te droom
Die moontlikhede is ontelbaar
Kom vind ‘n plekkie in My hart

Hierdie wêreld kan ons so mooi inkleur
Optower met al die diamante in My hart
Kinders julle moet net altyd onthou
Julle is gemaak vir meer

Julle is nie geskep en formeer
Net vir die ordinêr
Nee My liefste kinders
Julle is gemaak om te droom

Droom groot My kinders
Droom groot saam met My
Daar is soveel wense in My kinders se harte
Wat Ek kan waarmaak as julle net wou vra

My kinders
Ek is so lief vir julle
En dit bly vir My so lekker
Om te weet julle wil in My hart woon

Dis die beste plek
My liefste kinders
Daar kan ons die mooiste drome op-droom
En werk daaraan om hulle ‘n realiteit te maak op planeet aarde

Ag kinders
Is dit nie net wonderlik om te weet
Julle is Abba-God se kinders
En Ek glo in julle

Julle is wonderlik verby
Dis so lekker om julle naby My hart te hê
Julle was gemaak daarvoor
Om in My hart rus te kom vind

Dankie dat julle gekom het
Dankie dat julle die wêreld in My hart
Ophelder met julle teenwoordigheid
Die opsies is waarlik eindeloos

Sê asseblief ja vir My
Meer en meer
My kinders
Nooi My diep sodat ons saam een kan wees

Een in hierdie reis
Van die onmoontlike
Een in die manier
Hoe ons saamdroom

Amen.

Advertisements

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

w

Connecting to %s