Blinde oë, Liefde so groot, Nuwe hoop

Waarlik-wil

Saggies praat U
So saggies
Partykeer hoor ek U
Partykeer glad nie

Dis asof U stem
My bly ontwyk
Hoe werk dit Daddy
Kan ons U rerig nie somtyds hoor?

Daar’s soveel vrede Pappa
Soveel vrede in U te vind
Selfs al hoor ek U nie altyd
Kan ek so gereeld U vrede om my voel vou

Dankie Pappa
Daarvoor
Dat U in die stilte en rustigheid is
Wat ons in die wêreld vind

Partykeer mis ons dit
Boetie, sussie
So gereeld wat dit gebeur
Dat ons nie ‘n tydjie vir stil-sit het

Dis iets wat ons so gaan moet leer
Ons gaan gewoond daaraan moet raak
Want dis al hoe ons Pappa se stem
Waarlik sal hoor

Daar’s soveel stemme
Kind van Abba-God
Wat baie kere in hierdie wêreld
Met ons praat

Partykeer verloor ons dit
Ons verloor ware rigting
Omdat ons na die verkeerde stemme luister
Omdat ons nie ag gee op wat Daddy sê

Oe Pappa se kinders
Regtig-egtig
Ons sal moet begin stil-word
Ons sal moet begin om stilte lief te kry

Vir my was dit vir jare
Net so baie vreemd
Ek wou net aanhou weghardloop
As iets vir my wou sê dis tyd vir stil-raak

Ek weet nie
Ek weet nie
Dalk is dit omdat ons nie van introspeksie hou
Ja om onsself waarlik in die oë te kyk

Daar’s baie dinge
Sê Daddy-God
Wat die wêreld se mense
Bly jaag

Liefde vir hulself
Bo die van vir ander mense
Daar’s min mense wat hulself en hulle verkeerd-doen
In die oë kan kyk

Mense is besig sê Daddy-God
Want die wêreld leer hulle so
Nooit is daar tyd vir stil-raak
Kom ons hoor wil God dalk iets sê

Liefste kinders
Van Pappa se hart
Kan Ek net vir julle sê
Daar is soveel vrede by My te vind

Liefste-liefste kinders
Sê Daddy-God sag
Kom net nader aan My
Asseblief kom vind waarvan Ek praat

Dis so gereeld
Sê Daddy-God
Dat julle die wêreld toelaat
Om julle te verveel

So dikwels sê Pappa-God
Ek kan sien
Vertel sy vir jou oor en oor
Doen dieselfde ding

Oe kinders van Pappa
Liefste-liefste kinders
Hoekom is dit so
Hoekom verloor julle julself so gou in wat sy vir julle sê?

Julle is so verkeerd
Liefste kinders
Pappa wil dit graag vir julle sê
Kom vind asseblief uit dat Ek waarheid is

My hart is sag
Liefste dogter, liewe seun
Maar hoe, hoe gaan julle dit vind
As julle nie nader aan My kom

Die wêreld leer julle kinders
Bly vêr weg van God
Hy wil nie met julle praat
Julle is nie goed genoeg vir Hom

Liefste kinders
Sê Daddy-God
Ek weet, Ek kan sien
Julle is so bang vir My

Baie van julle My liefste-liefste kinders
Sit met diep-gewortelde vrees
Vrees oor wie Ek is
Vrees oor of Ek jou rerig liefhet

Oe Pappa se kinders
Kinders van My hart
Daar’s soveel mure van vrees om julle harte gebou
Vrese wat My uithou

Ek wil net vandag vir julle kom vertel
Kinders Ek wil julle kom herinner
Pappa-God
Is so baie lief vir julle

So baie lief vir julle
So baie lief
Ek wens Ek kon julle meer vertel
Ek wens Ek kon julle kry om dit waarlik te glo

Dis iets wat julle so so maklik sê
Sê Pappa-God
Maar dis iets wat julle
So min glo

Kinders
As julle waarlik geglo het
Pappa-God is vir julle
Hoekom is dit so swaar om stil te raak, om My stem te hoor?

Oe liefste kinders
Sê Daddy-God
Ek nooi julle om rerig te kom hoor
Hoe God oor julle voel

My hart vir julle
Swel van trots sê Pappa
So baie sê Daddy
So baie

Oe Pappa se kinders
Julle is goed genoeg
Net soos julle is
Sommer so sonder voorgee

Julle vergeet so gereeld
Sê Daddy-God
Dat julle nie voor My ‘n prentjie hoef op te sit
Ek weet wie elkeen diep binne is

Daddy-God se kinders
Myne
Kom asseblief nader aan My
Kom laat Ek jou vertel hoe Ek oor jou voel

My hart swel
Liefste kinders
Swel so groot
As Ek net sien julle wil My leer ken

Baie kere sê Pappa-God
Wat die wêreld julle verkeerd wil leer
Maar julle net aanhou om te sê
Nee ons sal Pappa self vind

Vir elkeen van julle
Liefste kinders
Sê Daddy-God
Wil Ek vandag diep dankie sê

Dankie, dankie
Daddy se kinders
Vir nie moed-opgee
Wanneer Daddy so van julle vra

Dis nog iets sê Daddy-God
Wat My hart so diep bly maak
Julle wat kom uitvind wie Ek is
En dit dan met die wêreld deel

Oe ja-nee sê Pappa
Daar’s min dinge wat My blyer maak
As jy wat jou liggie
Vir God se Koninkryk laat skyn

Min dinge sê Daddy
Min dinge wat My blyer maak
Dit beteken vir My so so baie
As ons nog kinders deel van My Koninkryk kan kry

Want dis mos maar al wat gebeur
Sê Daddy-God
Wanneer mense jou liggie sien wat so mooi skyn
Dit nooi hulle nader aan My

Ek wil ook hê
Liefste kinders
Dat julle altyd sal weet
Pappa sien julle

Pappa sien julle waarlik
Liefste kinders
So gereeld
Oor-en-oor

Dis iets sê Pappa
Waaroor julle eintlik nooit hoef te wonder
Net omdat julle My nie almal sien of ervaar
Beteken nie dat Ek nie naby is

Ek wens mense kon sien
Sê Daddy-God
Ek wens hulle kon rerig ervaar
Hoe baie Ek omgee

Daar’s mense sê Pappa-God
So baie mense
Wat so baie gereeld
Hieraan twyfel

Oe Pappa se kinders
Ek nooi julle
Ek nooi julle waarlik
Kom vind My

Mense sê Daddy-God
Wat al My nabyheid by hulle ervaar het
Hulle weet dat daar niks beter is
Hulle wil net meer en meer en meer daarvan hê

Dit is soos
Hulle wil dit konstant indrink
Hulle wil daarin swem
Hulle wil My ken

Oe Pappa-God se kinders
Die vra kom diep uit My hart
Sal julle My asseblief
Groot asseblief liewer kry

Ek vra die kleinste treëtjies sê Daddy-God
Die kleinste fynste treëtjies
Wys My asseblief net
Dat julle waarlik wil

Ja-nee sê Daddy-God
Dit is so
Daar is iets aan waarlik-wil
Daar is iets aan jy wat dit bedoel

Oe Pappa se kinders
Dit is maar die vra van My hart
Sal julle nader beweeg
Sodat ook julle konstant van My teenwoordigheid bewus kan wees?

Pappa-God se kinders
Asseblief luister vir my
Vir my was dit ook jare so
Ek was nooit van God se nabyheid bewus

Vir jare en jare het Satan ook vir my
So alleen laat voel
So alleen en verlore
In hierdie groot plek wat ons die aarde noem

Vir jare was ek ook nie bewus
Dat God nader as my asemhaling aan my was
Dis iets wat my hartseer maak soos ek terugdink daaraan
Dis iets waarvoor ek vandag so dankbaar is

Ek het nooit-ooit geweet
Kind van Pappa-God
Dat Daddy die woorde hoor
Wat ek nog net in my gedagtes dink

Ek het nooit geweet
Dat Hy omgee daaroor
Ek het nooit geweet
Dat Hy so graag verhouding tussen ons twee se harte wou bou

Vir jare was ek soos ‘n bootjie
Wat op die groot waters van die lewe
Ronddobber
Sonder enige ware anker in die lewe

Ek weet dat baie van julle
Liewe boetie en sussie
Ken waarvan ek nou praat
Julle weet want dis ook hoe baie van julle nou al vir jare voel

Ag ek wou maar net
Sê Daddy se kind
Vir julle met hierdie woorde
Hoop kom gee

Dankie Daddy se kinders
Vir julle wat weet
Iewers daarbinne … daar is meer
Dat julle nader kom

Vertel My jou hart
Sê Daddy-God
So gereeld
Is dit Sy vra

Het julle geweet
Kinders van God
Het julle dit al gevind
Dat ons alles maar alles met God kan deel?

Dis nog iets sê Daddy
Nog iets
Wat My hart so verskriklik bly maak
Wanneer My kinders My hart begin vertrou met dit wat vir hulle saak-maak

Nooit-ooit sê Pappa-God se kind
Het ek dit geweet of geglo
Dat Daddy mens se laste
So lig kan maak soos wat Hy doen

So deur die jare
Boetie en sussie
Kon ek al leer
Dis so goud, so goud om my alles met Hom te deel

Ja sê Pappa se kind
Veral die goed
Veral die goed waaroor ek die skaamste kry
Waaroor Satan my die slegste laat voel

Vir jare sê Daddy se kind
Kon ek dit nie deel
Ek kon nie openhartig met Daddy daaroor praat
Want ek het so skaam daarvoor gekry

Dis nou die slegte punte
Kind van God
Dis nou die slegte punte in my en jou
Waarvan ek praat

Ek kon nie my swak punte met Hom deel
Ek het so skaam gekry
Ek wou perfek wees, als reg doen
Dan sou ek beter voel om in Sy teenwoordigheid te kom

Vir jare was dit so
Vir my beslis
Ek kon my net nie kry
Om waarlik Sy liefde en volle aanvaarding van My te glo

Ja dit is mos maar so
Boetie, sussie, kind van God
Ons voel darem ‘n bietjie beter oor onsself
As ons ‘n paar dinge baie mooi regkry

Ag ek weet nie
Sê Daddy se kind
Ek weet nie hoekom dit so is
Ek is net so bly ek kon al bietjie vryheid in hierdie area vind

Ek is so bly
Ek is so bly
Sê Daddy se kind
Dat Daddy-God se liefde sonder vereistes van performance is

Want ek weet nie
Ek dink nie
Ek dink nie ons sou ooit
Daar naby kon kom

Nie sonder Jesus
In my en jou nie
O nee dit is beslis
Ek wonder of mense dit weet

Soos in rerig weet
Rerig glo
Vir my was dit net woorde
Ja vir baie jare

Dis soos
Ons soek die geregtigheid wat in God is
Maar ook die wat in onsself is
Ja dis nou die kere wat ons goed voel oor als wat ons regkry

Kind van Pappa-God
Ek sê nie ons moenie trots voel
Op Daddy-God en Sy groei in ons nie
Ek sê ons moenie groot-koppie kry nie

Want ja-nee sê Pappa
Dit gebeur gereeld
Mense wat so goed voel oor wat hulle regkry saam met My
Dat hulle op ander mense begin neerkyk

Onthou net altyd
Liefste boetie en sussie in Jesus
Deur genade is ons gered
Dis deur genade wat ons bly staan

Partykeer sê Daddy
Partykeer
Raak julle so vol oor wat julle saam My regkry
Dat julle genade vir mense maar baie flou is

Liefste kinders
Sê Pappa
Liefste kinders
Asseblief wees mercy aan die mense wat om jou is

Wees maar eerder mense
Wat bemoedig en opbou
Meer as wat julle mense is
Wat net kritiseer en fout-soek

Dis mos maar hoe mense weet
Sê Daddy-God
Dat julle aan My behoort
As ons lewens dieselfde eienskappe dra

Ek sê nie jy gaan dit altyd regkry nie
Kind maar Ek vra
Maak dit die diep begeerte in jou hart
Om soos Ek te wil wees

Oe ja kind
Oe ja sê Daddy
Dit is nog iets wat My hart
So baie bly maak

Jy wat My glo
Baie meer as wat jy die wêreld glo
Dis ‘n journey kind
Een waarop Ek jou graag wil neem

Dieper en meer
Liefste kinders
Sê Daddy
Dis altyd My hart om julle geloof in My te laat groei

Vir baie sê Daddy
Begin dit klein, baie klein
Soos met ‘n mosterdsaad
Maar het jy al gesien kind hoe groot boom word daai saad

Pappa se kinders
My vra is dit
Asseblief leer My ken
Beter as wat jy nog ooit het

Boetie en sussie
Baie dinge het in my lewe gebeur
Baie dinge vandat ek Jesus ingenooi het
En waarlik ‘n pad met Hom begin stap het

Nie speel nie
Kinders van Abba
Kinders van die wêreld
Maar die real deal

Dis hoekom ek in die ding is
Boetie en sussie
Dis hoekom ek tot en met vandag nog waarlik glo
Want ek het gevind hoe eg God waarlik is

Ek dink sê Pappa se kind
Dis hoekom baie mense nog godsdiens speel
Kerk-kerk
Of is dit Christenskap

Boetie en sussie
Ek weet nie
Ek weet net daar is nog baie boeties en sussies in Christus
Wat Daddy se goedheid nog waarlik moet proe

Vir jare en jare was dit ook ek
Boetie en sussie
Lou vir ‘n vale
Lou vir ‘n vale

Tot Daddy op ‘n dag vir my kom fluister
Is Ek waarlik die liefling van jou siel?
Koud-koud
Het ek my op daardie dag geskrik

Sien sê Daddy se kind
Want tot op daai dag was woorde net woorde
Ek het nie eers meer besef of bedoel
Die woorde wat ek sing

Vir baie van ons
Boetie en sussie
Is dit presies net so
Wat ons glo het ‘n rympie geword wat ons oor en oor opsê

Die betekenis
Het ons of lank terug verloor
Of ons het dit
Nooit rerig besit

Oe Pappa se kinders
Ek weet nie, ek weet nie
Waar ek ooit sonder Jesus sou wees
My hart wil nie daaraan dink

Vandag wil ek jou bemoedig
Boetie en sussie in Christus
Ek en die Heilige Gees
Leer God ken

Kom vind uit
Kinders van Pappa-God
Net presies hoe eg
Hierdie wonderlike God van ons is

Hy is die mooiste woorde
Saamgebind en asem ingeblaas
Die mooiste woorde
Wat lewe kry

Pappa my hart is dankbaar
So so dankbaar
Vir U liefde
Wat my kom haal het en my vandag steeds so mooi oppas

Pappa ek wil net
U kind wees
Nou en veraltyd
Ek wil net vir altyd naby aan U wees

Dankie Daddy
Dat dit ook U diepste hartsbegeerte is
Om nooit op te gee
Om aan te hou probeer

Pappa se kind
Net soos Daddy daai jare
Aan my hart kom klop het
Doen Hy tot en met vandag steeds dieselfde

Asseblief boetie en sussie
Sal julle Hom nader nooi
Die wat Hom ken van weet
Die wat Hom glad nie ken

Sal julle Hom asseblief
Net nader nooi
Sal julle begin sien
Dat Hy waarlik so baie mooi is

Asseblief Pappa se kinders
Asseblief die wat Hom nie ken
Gee Hom net ‘n kans
Asseblief begin Hom dieper nooi

Hy is so mooi
Liefste kinders van Pappa
Die van die wêreld
Jy kan my woord daarvoor vat

Julle harte
Sou Hy verstom
As julle Hom
Net ‘n ware kans wou gee

Amen.

Laat weet gerus as hierdie posstukkie met jou hart gepraat het. Ek hoor graag van jou! ~Letitia

Advertisements

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

w

Connecting to %s