Die instrument

Liewe vriende,

Laat ek begin deur te sê baie welkom by Anker van Hoop!

‘n Bietjie meer oor my … ek is Letitia Pienewald, gebore en getoë in Gauteng, sonnige Suid-Afrika.  Ek is in my 30’s en vanaf kindsdae verskriklik lief vir skryf.  Na matriek, toe die groot-mens-lewe begin en die kreatiwiteit nie wil vloei met die inskrywing aan ‘n skryfkompetisie nie het ek gedink dis neusie verby en besluit om te fokus op dit wat rerig saak maak.  Werk, eet en slaap.  Goed-goed met ‘n hele paar wonderlike dinge tussenin!

Aan die einde van 2012 het ons Hemelse Vader met ‘n belofte Sy Woorde in my hart kom oopsluit.  Ek deel dit met julle want ek glo dat dit Sy wil is.  (Johannes 16:13-15).  Jesus wil so graag hê julle moet weet … Hy is die enigste ware bron van hoop.  Sy goedheid sal nooit wankel nie, Sy genade en liefde is sonder end.  Mag die woorde julle harte seën.  Dit is my hart om die liggaam van Christus te dien en die Here te verheerlik met my gawe.  Julle is welkom om die blog se woorde te toets aan God se Woord en deur Sy Heilige Gees.  (1 Johannes 4:1).  My grootste gebed is dat dit altyd die opregste eerlikste Gees-woorde sal wees maar wees tog bewus ek is mens en kan dit verkeerd-kry.  Hierdie blog is nie die alfa en omega, Jesus is.  Sy verhouding met jou en jou verhouding met Hom, dit is prioriteit. 🙂

Daar is ‘n padjie gestap om uit te kom by die blog en die storie wat Abba deur hom wil skryf.  Ek is so dankbaar dat ek hierdie reis saam met julle kan onderneem.  Graag wil ek julle aanmoedig om self ook Pappa-God se hart na te spoor. Een oggend, so twee jaar terug gesels ek een oggend met Abba en ek vra vir Hom … Daddy hoe is dit moontlik, hoe het U hierdie al so lank terug instoor vir my gehad.  Rerig het ek stom-verbaas gevra.  Hy antwoord toe ja liefste kind dit is so.  Abba het ‘n spesifieke plan en doel met jou lewe maar Ek wil jou vra om die goeie nuus ook met jou boeties en sussies in My te deel.  Vertel vir hulle kind dat ook hulle kan hê wat Ek en jy het.  Vertel vir hulle dat hulle ook self van My kan hoor.  Ek wil graag hê dat hulle ook op My skoot sal kom sit.  Ek het Sy diep verlange, Sy warm uitnodiging aan alle mense op aarde so ervaar.  Hy het my ook gevra om vir julle te sê dat dit vir almal is, nie net ‘n gekose paar.  Almal wat sal vra vir meer.  Sien dis die verskil.  Dis al wat ek gedoen het boetie en sussie.  Ek het gevra vir meer van Hom.  Sal julle asseblief ook dieselfde doen in die tye wat julle met Abba spandeer?  Vriend, vriendin as jy dit sal doen en standvastig bly in geloof gaan jy so sien! (Ja daar is so paar slaggate en uitdagings waarvan ‘n mens moet bewus wees maar die Here bly getrou.  Ek wil graag soos die Here dit toelaat in die toekoms meer met julle gesels oor lessies wat ek al geleer het.  Ek leer nogsteeds elke dag.  Intussentyd kan jy my ‘n boodskap stuur as jy enige vrae het, ek help graag). 

Dankie vir die voorreg om my hart te deel.  My gebed is dat jy wat nou hier lees die wonder van hartsintimiteit met jou Hemelse Pappa elke dag meer sal ontdek.  Dis so moontlik deur Jesus Christus ons Koning wat seker gemaak het dat die voorhangsel skeur.  Dit was die skeiding tussen ons en God.  Jy is so spesiaal vir Pappa.  Onthou dit altyd.  Hy is lief vir jou en Hy aanvaar jou.  Heeltemal.  Net soos wat jy is.  Moenie eers probeer om jouself te verbeter totdat jy goed genoeg voel.  Nee jy is besig om die wonder onnodig uit te stel.  Begin sommer nou.  Deur Jesus kan ons vrylik, met oorgawe en volle vertroue Sy troon nader.

Baie dankie Hemelse Vader vir elke geskenk van genade uit U hand. Ek bid dat U koninkryk op aarde sal kom net soos in die hemel. Aan U al die lof, eer en aanbidding.  Van nou af tot in ewigheid.  Halleluja.  Amen.

Ek seën jou.

Hope liefde in Jesus ons Koning!

Letitia

‘I am only a worker employed by the Lord,
And great is my gladness and rich my reward
If I can just spread the wonderful story
That God is the answer to eternal glory…
Bringing new hope and comfort and cheer
Telling sad hearts there is nothing to fear,
And what greater joy can there be than to share
The love of God and the power of prayer?’

– Helen Steiner Rice

_DSC2367

Advertisements

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

w

Connecting to %s