Ons krag & verfris stasie

Boetie en sussie,

Gaan vul jy elke dag op wat die wêreld daagliks tap? Hoor wat sê die Woord van ons Pappa-God …

Maar die wat op die Here wag, kry nuwe krag; hulle vaar op met vleuels soos die arende; hulle hardloop en word nie moeg nie, hulle wandel en word nie mat nie.

jesaja 40 vers 31

As jy die lewe van oorvloed wil leef wat Jesus gesterf het om vir ons elkeen te gee is dit essentieel om te doen. Wag op Hom. Tyd saam met Hom.

Die wêreld en sy gejaag-na-wind laat leemtes wat net tyd saam met Jesus werklik na behore en so bekoorlik kan vol maak.

Vrede, stilte, rustigheid … als waarna jou hart eintlik smag, dit rus in Hom.

Gaan vind dit liewe kind van God. Maak en hou sit-by-Hom ‘n daaglikse doelwit.

Jy sal nooit nie spyt kan wees.

Liefde,

Letitia

#DisWatOnsSustain #ItHelpsUsToSurviveAndThrive #daagliks #stiltetyd  #FonteinVanVerfrissing #LewendeWater #DieBybelSêDisVerniet #GaanKoop #GaanDrink #VerhoudingBou #IntimiteitMetGod #BehouKonneksie
#DisWaarJouKragLê #WeesTeenwoordigInSyTeenwoordigheid

Gesels gerus saam:

Hoe verryk of verarm Stilte-tyd jou lewe? Wat beteken dit vir jou? 🙂

Jeremia 17:7-8
Jeremia 2:13
Psalms 36:10
Advertisements

Rescue 1

Liewe vriende,

Desember 2018 lees ek ‘n boek en hy tref my waar dit saak maak, diep binne. Dit vertel die lewensverhaal van Lon, ‘n jong meisie aan die buitewyke van Thailand (platteland) wat deur haar omstandighede basies geforseer is om die sekshandel-bedryf te betree en hoe dit haar lewe beinvloed het. My hart het gepyn op party plekke en ek het gedink … nee daar kan nie regtig duisende jong meisies wees wat daagliks soortgelyk ondervind wat sy het nie.

Kortom meisies uit verskriklike arm gesinne word sodra hulle die ouderdom van ‘n graad 4 of 5 kind bereik enige finansiële ondersteuning vir verdere skoolopleiding van die regering geweier. Tog geld dieselfde nie vir seuns nie. Wat dit moeiliker maak is dat die kultuur van daai geweste boonop vereis dat die oudste dogter van die huisgesin merendeels verantwoordelik is vir die sorg van haar familie. Sodoende het vele geen keuse as om by sekswerk betrokke te raak nie.

Maar … daar is hoop! Ons kan hande vat met mense en organisasies wat kinders soos die onder hulle vlerk neem en dan geleentheid gee om wel skool klaar te maak. Sodoende kan hulle hulself bekwaam en is die kanse vir ‘n ander en beter loopbaankeuse so moontlik. Is dit nie amazing nie? Ek dink ook so!

Hiermee wil ek julle dan graag voorstel aan ‘n organisasie waarvan ek bewus geraak het ‘n rukkie nadat die boek my pad gekruis het. God-gestuur ek sê julle! Hulle streef hierdie presiese doel na. Om meisies wat vasgevang is in hierdie haglike toestand ‘n hoopvolle toekoms te gee. Verseker God se hart vir hulle (Jeremia 29:11 & Johannes 10:10).

Rescue 1

rescue 1 red verlate kinders wat in seks mensehandel vasgevang is vanuit die donkerste plekke in die wêreld. hulle voed nie net honger kinders nie maar verskaf ‘n volsorg ondersteuningsnetwerk vir slagoffers wat verskriklike trauma opgedoen het as gevolg van hulle betrokkenheid by die bedryf. rescue 1 is in ‘n paar lande aktief en ek nooi julle graag om meer oor hulle te wete te kom. Dis so mooi, dit waarvoor hulle hul beywer. hier is hulle webwerf adres: https://rescue1now.com/. die bediening waaruit hierdie organisasie gebore is: https://www.mattsorger.com/.

Dit is ons hart hier by Liefde in Aksie om die wêreld prakties met God se liefde en deernis in te kleur. Ons glo deur by hulle betrokke te raak dit juis regkry. Die kleur van Sy liefde is so mooi!

Ons kan Rescue 1 op die volgende maniere ondersteun:

  1. Donasies
  2. Borgskap ($50 per maand, nadat jy opgeteken het stuur hulle vir jou ‘n foto en naam van die kind wat jou borgskap red en versorg)
  3. Ambassadeur (Dit vereis onder andere dat ek buiten myself nog 5 ander maandelikse borge kry. Daarom hierdie brief! 😉 )

Sal julle dit asseblief oorweeg om betrokke te raak? Bid daaroor. Saam kan ons ‘n verskil maak en verbetering bring in die lewens van baie van Abba se prag-dogters hier op aarde wat nie so bevoorreg is nie.

Dankie vir julle omgee, ook vir elke donateur wat hierdie bediening ondersteun. Julle het dit vir ons moontlik gemaak om onlangs R400 aan Rescue 1 te skenk ten bate van hulle Spesiale Onderwys Fonds.

Ek hou duime vir sponsors wat my wil join! Saam is ons sterker! 🙂 Laat weet my seblief.

So baie seën vir julle.

Liefde,

Letitia

From a child runaway, to a top earner in Thailand’s prolific sex industry, comes the true story of a little girl from an impoverished land where girls aren’t valuable enough to educate, yet are expected to become the primary income earners–responsible for the basic needs and welfare of their families. By the time Lon was 18, she had been responsible for the sole support of her family for five years. After suffering a childhood filled with beatings, blamed for her fathers death, and denied further education at the age of 12, she ran away and soon sold the only item of value she possessed–her young and supple body. The more she earned by agreeing to the most perverted and degrading acts demanded by her foreign customers, the more money her mother demanded. An abortion at 15, followed by a suicide attempt, hundreds upon hundreds of clients, and the discovery and loss of her first love–all before she was 18–are only a part of her story. Her relentless determination to save her sisters from the same fate gave her the strength to endure, and to tell the unknowing world how the “Daughters of Isaan” must honor their family obligations, regardless of the cost to themselves.

Hoe lyk jou Stiltetyd-plantjie?

Liewe vriende,

Voordat jy verder wonder laat ek verduidelik.

Ek’s onlangs besig om ‘n oog te hou by familie se huis terwyl hulle op ‘n wegbreek is en daar is pragtige blommekinders om te versorg.

Soos ek besig is om ‘n plant wat elke dag moet water kry, sodat hy sterk en mooi kan bly, benat … tref iets my. Veronderstel jou Stiltetyd is so ‘n plantjie. Daagliks het hy liefde en aandag nodig anders sal hy uitdroog, begin swaar trek of uiteindelik dood gaan.

Daar’s te veel van ons wat die sorg van ons plantjies nalaat, wat nie besef of weet die integrale deel wat dit vorm of behoort te vorm in die lewe van elke Christen wat in verhouding met God wil leef.

Elke dag se stil-sit-en-word-by-Hom. Dis waar Christenskap waarlik lekker raak.  

Jy begin dalk benoude hartkloppings kry en dink ek ken dit nie. Jy begin wonder … hoe gaan ek dit oorleef om vir ‘n paar minute elke dag stoksielalleen te wees saam met God?

Prontuit wil ek vir jou sê … jy gaan piekfyn wees. Dit is moontlik. Regtig. Vat dit van iemand wat al daar was en nie gesterf het nie. Byna maar darem. Nee kyk, nou terg ek heerlik maar die beginsel waarheid bly dieselfde.

Geen kind van God kan sonder wortels en voeding hom of haarself eintlik ‘n Christen bly noem as hulle nie daagliks die nutriente wat nodig is om te oorleef en te floreer inneem nie.

En dit is wat daaglikse Stiltetyd in die lewe van elke Christen deponeer. Koninklike konneksie. Bomenslike vrede en vermoë. Rus en rigting van Bo.

Daar is soveel waarde wat sit-by-God inhou maar hiermee wil ek vandag veral een bo alle ander uitsonder.

As jy intimiteit met God wil ondervind. As jy honger is vir die dieper dinge van God. As jy wil uitkom by dit wat Abba vir ons voorberei het op aarde. Dan wil ek net sê … maak elke-dag-kuier-saam-met-God ‘n not-negotiable. Jou hele lewe deur.

Hierdie blog is ‘n rukkie terug ook op Finesse se Voelgoedwerf gepubliseer. Het julle al vir hierdie platform gaan kuier? Dis vol inspirasie vir die vrou. Hulle dek die volgende kategorieë: Geloof, Huwelik, Ouerskap, Self, Gesondheid. Gaan loer gerus in! Hier volg die skakel: https://voelgoed.co.za/blogs/

Baie liefde, geniet die res van julle week.

Letitia

Jesus sê in Johannes 10:10 Hy het gekom sodat ons die LEWE in oorvloed
kan ondervind. Dis hoe dit deurvloei na ons boetie en sussie,
wanneer ons konneksie met die hemel (Abba) hou!

Terugvoer: Royal Family Kids Kamp

Hallo vriende!

Dis vir my so lekker om bietjie terugvoer te gee oor die kamp wat ek in Junie bygewoon het. Weet dis nou al ‘n rukkie terug maar dink tog dit sal goed wees om met julle te deel.

Hier onder is ‘n groepfoto van die vrywilligers wat hulle beskikbaar gestel het die week wat ons weg was. Ek kan eerlik sê op albei kampe wat ek bygewoon het is daar ‘n enorme opgewondenheid wat heers voor en tydens kamp.

Hierdie mense se harte is vol omgee vir die kinders, om die kamp vir hulle onvergeetlik te maak is fokus nommer een. Dalk wil jy dit oorweeg om betrokke te raak? Jy is baie welkom. Ek weet van een wat oppad is. Dit is in Desember, die Benoni groep se jaarlikse kamp.

Hierbo is ek en Kemi, my mede ‘counsellor’ vir die week besig om ons kamer te versier en verwelkomend te maak voordat die kinders met wie ons die kamer gedeel het tydens die kamp arriveer. Ons tema vir die week was ‘The Lord is my Shepherd’ daarom die skapies!

Seker dit is geen verrassing maar die dogterjies wat ons kamer gedeel het, het hulle kamer gelove!

Die kinders is gedurende die week geseën met pragtige geskenkies soos byvoorbeeld by hulle onderste-bo agterste-voor verjaarsdag-partytjie, het my kop daai dag gespin. Die Woord van Abba is nie nagelaat. Elke oggend was daar ook Bible Club, poppespel en al!

Die week is tjok en blok met aktiwiteite wat wonderlike herinneringe skep om saam terug te neem en altyd te koester. ‘n Hindernisbaan en handwerk-stasies het hulle onder andere gehelp om soos-hulle-gemaklik-voel en aangemoedig-word struikelblokke en vrese te oorwin.

Hier kry ek en Kemi ‘n vinnige kans om ook deel te neem aan pyl-en-boog-skiet, een van die aktiwiteite wat die kinders baie geniet het. En daar skiet Kemi toe wragtie ‘n bullseye!

Ek onthou op een van die dae het ons ‘n dagstap gaan doen in die berge. Watter wonderlike geleentheid het Abba my toe gegee om prakties te kan uitbeeld wat dit beteken om die leiding van ons Hemelse Herder te vertrou.

Ek het een van die dogtertjies saam met wie ek ‘n kamer gedeel het se hand geneem en vasgehou soos ons begin stap het. Meer in ‘n poging om haar naby my te probeer hou want sy was nogals ‘n rats een en baie gereeld vinnig onder my oë uit.

Soos ons stap besef ek dis ‘n gulde geleentheid vir ‘n teachable moment en ek sê toe vir haar dat Jesus ons ook so mooi wil lei soos wat sy my lei. Ek kon sommer sien hoe die aanmoedigende woorde presies doen waarvoor dit gestuur is. Sy het elke nou en dan ‘n watch out laat hoor en so deeglik en versigtig te werk gegaan om my veilig te hou. Dit was so kosbaar vir my en ek bid dat sy dit vir altyd sal onthou.

Ons het ook ‘n kampliedjie wat hope pret en dans beteken. Die kinders en grootmense wikkel daai heupe dan lekkerrr.

Daar was ook ‘n cowboy aand en hoe het die kinders die op-dress met hoed en serpie geniet. Hulle het nie daardie spesifieke aand enige aanmoediging nodig gehad om aangetrek te kom!

Met die terugkeer is mens dalk fisies en emosioneel meer moeg as vroeër die week maar die harte is propvol. Selfs ons, die volwassenes, groet met heimweë en prag-herinneringe. Ons sien dalk nie maklik weer die kinders nie maar in ons gedagtes en gebede bly hulle voortleef.

Hierdie kampe het nogals rerig kom nes skrop in my hart. Ek glo in hulle. Abba gebruik hulle om stukkende kinderlewens op te beur en hoop te kom plant. As jy meer informasie benodig, kontak my gerus of sommer direk vir die span. Hulle webtuiste is: https://www.i-c-y.co.za of https://rfk.org/.

Baie dankie vir elkeen van julle wat deel was van die kamp, of dit nou met gebede of finansies was. Julle deel in die vrug wat voortkom! Elke kindjie wat op die kamp was is dankbaar. As julle hulle totsiens-briefies of -gesiggies kon lees sou julle saamstem.

Hoop julle het die kiekies en nuus van die kamp geniet.

Liefde en goed-gaan vriende.

Letitia

Nota:

As jy weet van enige projekte of waardige sake wat Liefde in Aksie – ons praktiese omgee been hier by die blog – kan ondersteun laat weet gerus. Ek sal graag wil weet daarvan of selfs net bewusmaking wil skep soos Abba lei. Dankies!