Goue tyd & geloofshuise (Nog ‘n woord in seisoen)

Hierdie is ‘n seisoen om God se rus in te gaan. Om ons harte stil te maak en nie te sê … Here gee U nie om dat ons vergaan?

Julle vergaan nie
Die storm sal julle nie sink
Hou julle oë op My kleintjies
Ek is die Een wat die storm in julle stilmaak
Die een om julle ook


Dis ‘n gulde geleentheid, ‘n goue een om God se rus te vind. Wil jy nie ook hê, beleef, die vrede wat alle verstand te bowe gaan?

Vriend, vriendin trek nader, trek nader aan Abba in hierdie lockdown tyd.

Julle sal nie, julle sal nie vergaan nie
As als om julle skud
Nee, julle besef nou net eers die gevaar!

Sien vir baie lank was dit Abba wat gesê het … aan ons, die wêreld, die kinders van Hom wat slaap in die kerk…

Word wakker!
Kinders word wakker!
Die wêreld vergaan!
Julle sien nie, julle let nie op!

Oe Pappa sê
Kinders gee julle nie om dat julle vergaan?
Julle slaap My kinders
Die boot is besig om te sink


Sien baie mense
Se lewensbote is besig om te sink
Ek die een wat besig is om te sê
Word wakker, word wakker, jy gaan verdrink!

Kind
Jy is dan net so min gepla
Soos wat jy dink Ek is gepla
Noudat jy die storm om jou begin oplet

Sien sê Abba
Al wat besig is om te gebeur in hierdie tyd
Is dat julle besig is om te besef
Die gevaar waarin julle verkeer

Ja julle oë is net besig om oop te gaan
Julle is besig om te besef
Hoe Ek al die tyd gevoel het
As Ek benoud aan die wêreld skree:


Word wakker!
Word wakker!
Die tyd raak laat!
Die tyd raak min!


Dis al wat besig is om te gebeur
Ek begin julle net al meer bewus maak
Van die sinkende situasie

Waarin julle verkeer

Bekeer My liefste kinders
Begin net op julle knieë gaan
En sê dankie
Sê dankie vir My genade wat so baie omgee


Dis ‘n bedekte seën
Wat besig is om tans te gebeur
Ek weet julle sien dit nie, Ek weet julle wil nie
Maar wat besig is om te gebeur is goud


Dis goue tyd wat Ek hierdie wêreld gee
Om te besin, om te glo
Om te weet, om te evalueer
Glo ek reg oor God? Waar is ek in verhouding met Hom?


Sien daar is net te min mense wat rerig bemoeienis maak met hierdie vrae
Nee hulle gaan veel eerder ongesteurd aan, min gepla
Net soos Ek op die see van Galilea
Toe My dissipels aan My die vraag vra


Natuurlik gee Ek om My liefste kinders
Dis hoekom sê Pappa
Ek julle bewus maak van die situasie waarin julle verkeer
Julle moet julle Pappa begin raaksien


Sy liefde is altyd om te dissiplineer
Om reg te help, om te beveilig
Om elke hoek en kant van die skaap-kraal toe te maak
Sodat die wolf Satan nie kan kom steel, slag en verwoes

Oe kleintjies
Dis goue tyd, dit wat Ek julle nou gee
Ja dit was nodig
Nodig dat die wêreld se oë net weer bietjie oopgemaak word


Dis nooit
Om seer te maak
Dis altyd
Om bewus te maak


Ja soveel mense het al in hierdie Corona-virus-seisoen
Geliefdes aan die dood afgestaan
Mense het seer, hulle het groot eina
Bevrees en bevange is soveel


Maar kan Ek julle kom rustig maak
Asseblief geliefdes onthou
Hulle wat treur
Hulle sal vertroos word


Dit is die Woord se belofte
Asseblief kom gee vir My jou seer
Laat Ek saam met jou dra
En ligter maak die groot eina


Oe My kinders dood is oorwin
Vir altyd en ewig
Is dit nie wat julle My geredde kinders
Vandag en hierdie week vier?


Die Opgestane Heer
Dit is Ek My liefste kinders
Die Pasga Lam
Geslag vir julle sonde en seer


Julle is veronderstel geliefdes
Om soveel vrede in julle harte te hê hieroor
Dood moes lankal nie meer ‘n houvas op julle hê
Ek leef, julle leef in My!


Kinders dis die vrede en hoop waarvan Ek praat
Geliefdes sê Abba
Vir hulle wat glo in My Seun Jesus Christus
Is dood net die drumpel na die Ewige Lewe


Ja daar waar als sag en soet is
Daar waar My liefdevolle teenwoordigheid
Elke stukkie van die hemel vul
Ek wil hê julle moet altyd dat dit julle gedagtes vul


Die lewe na die dood
Die Ewige saam met My
As dit is liefstes waar julle fondasie lê

Sal dit nie so maklik raak om bang te raak wanneer aardse fondasies begin val

Ek sê al eeue en eeue lank vir die wêreld se mense
Kom in My Koninkryk in
Leer My ken
Laat dit vir julle vrede, rustigheid en hoop bring


Die ding is net
So min mense wil dit glo
Selfs van My eie kinders
Dien My met selfsugtige gemak


Ja so lank as wat dinge op hulle terme kan bly gebeur
Is hulle baie maklik en baie tevrede om dit te bly doen
Begin julleself eerder afvra My liefste liefste kinders
Sal julle My bly dien as meer ongemaklikheid aan julle deur begin klop?


Sien sê Abba
Dis al wat besig is om te gebeur met hierdie Corona-virus
Dis besig om julle goed-gemesselde planne omvêr te werp
Ja julle begin sê: Nee a nou raak dit ongemaklik


Die hele ding begin krap waar dit nie nodig was om te begin krap
Dis mos iets wat julle gereeld kwytraak … Hoekom krap as iets nie pla?
Kinders dit bring ons terug op dieselfde plek
Vanuit watter spektrum bekyk julle die situasie? Die ewige of nou?


Ja Ek weet sê Pappa
Dit is haatlik
Dis nie ‘n situasie waarvan julle hou
Maar wat as dit is wat Ek kan ek wil gebruik om mense se oë meer op My te vestig?


Kan julle julself daarby berus?
Kan julle sê…
Ja Vader, ja ek hou niks daarvan maar ek weet
Ek weet U planne is beter en meer as myne en daarby sal ek my neerlê


My liefstes, My kinders
Julle is Myne
Ewig is die Rots waarop julle bou
Word net rustig by My in hierdie seisoen


Begin nader trek en weet
Ek is die eintlike Rus waarna jy verlang
Dit lê nie in jou bank rekeninge nie
Dit lê nie in die plekke waar julle sekuriteite opbou


Dit lê in My
Die Ewige Ek Is
Ek is in julle midde My kinders
Ek het julle nie verlaat


Kom sit by My
Asseblief
Meer as wat julle ooit het
Kom raak rustig by My


Kom leer op ‘n dieper manier ken dat Ek slaap in julle lewensbote
Nie omdat Ek nie omgee maar omdat Ek so so seker is
Ek weet My kinders, Ek weet wie Ek is
En Ek wil so graag hê elkeen van julle moet ook in daai sekerheid inbeweeg


Ja dis taai
Ja julle het dit nie beplan
Maar kan julle kom rus
Sal julle kom rus by My?


As daar fondasies is wat moet val in die tyd
Laat hulle val My kind
En laat toe dat Ek en jy saam
Sterker aan daai geloof-fondasie van jou bou


Die is ‘n uitnodiging na groei My liefste kinders
Dieper en meer saam met My
Laat ons begin messel
Begin bou aan daai fondasie van jou geloofshuisie


Ja van hulle staan vas
Gebou op die Rots van die Eeue
Maar kind daai huisie van jou…
Hy is verrineweer


Soveel herstelwerk het hy nodig
Nuwe lae verf, gebreekte vensters moet vervang word
Uitvee, mop, skoonmaak … dis wat baie van julle huise nodig het

Opknappingswerk

Ja sê Pappa
Ja Ek weet
Baie van julle kyk na hierdie ekstra tyd wat Corona julle gee en dink…
Nou kan ek doen waarvoor ek nooit tyd kry


Maar kan Ek vra
Pappa se kinders
Sal julle in hierdie tyd ook seker maak
Dat die opknappingswerk van julle geloofshuise geskied?


Ja vra julleself vandag…
Asseblief
In watter kondisie is my huis van geloof
Watter onderhoudingswerk moes ek al lankal aan hom aanbring?


Kinders hoe lyk julle tye van aanbidding?
Hoe lyk die tye wat julle saam met My spandeer?
Persoonlike tyd, nie net daai vinnige gebede

Wat julle saam met julle mans, vrouens en kinders in die oggende bid

Hoe lyk die herstelwerk van jou geloofshuis?
Begin arbei My kinders…
Daaraan
Begin Heilige Gees vra..
.

Wys my, wys my asseblief … waar kort my huisie werk?
Dis al wat Ek in hierdie dag van julle vra … sal julle?
Sal julle toelaat dat hierdie tyd van isolasie
‘n Tyd van enorme seën vir My en jou se verhouding word?


‘n Vernouing
‘n Verdieping
‘n Een-word tussen ons

Meer as vantevore

Julle kan en julle gaan deurtrek
Hou julle oë net op My
Stewig en sterk, onbeweegbaar en vas
Dit is die fondasie waarop julle bou
.

Tydens die neerskryf van hierdie woorde het ek so duidelik die toneel van Markus 4:35-41 gesien afspeel. Gaan lees dit asseblief. En as julle nog nie die blog wat ek vroeer die week gelaai het gelees het nie moedig ek julle aan om dit ook te gaan lees. Dit sluit mooi aan by hierdie een. Dankie Heilige Gees. Abba dankie dat U ken die onstuimigheid wat ons harte in hierdie tyd besoek. Sal U dit asseblief rustig maak en ons dieper bly trek met die liefdevolle herinnering van wie U is. Mag hierdie ‘n tyd van praggroei saam met U wees, vir U elke kind. In Jesus se Naam.

Amen.

Draadjie-van-Hoop

Ken jy
God se hartklop
Het jy Sy stem
Al vir jouself gehoor?

Ons Pappa-God
Wil so graag kinders hê
Wat nie net aan tradisie
Se rokspante vashou

Ons Pappa wil so graag hê
Ons moet na dieper en meer begin vra
Alles wat Hy in die Gees
Vir ons voorberei het

Dikwels sê Daddy
Is dit vir julle My kinders
Moeilik om te verstaan
Dis wat Ek so graag wil hê

Hoekom vra Pappa
Hoekom
Verhinder so baie van julle
Die Gees se werkinge in julle lewens

Liefstes sê Daddy-God
Dit gebeur so gou
En so gereeld
Ek kry dikwels nie kans om te doen wat Ek graag wou

Julle verhinder My sê Daddy
Om te beweeg in jou lewe
Omdat jy nie vir My Gees se werkinge in jou lewe
Ja sê

Liefste sê Pappa
Dit pla My so baie
So geweldig
Dis asof daar die heeltyd struikelblokke opgerig word tussen My en jou

Liefste sê Pappa
Liefste-liefste kind
Pappa wil jou vra
Sal jy My asseblief net bietjie meer vryheid in jou lewe gee

Ek word so gereeld
Sê Daddy-God
Aan bande gelê
Met wat Ek mag en wat Ek nie mag doen in My kinders se lewens nie

Daddy U mag dit doen
En dat
Maar Daddy asseblief
Dit mag nie so gebeur

Oe ja-nee
Baie kere
Liefstes sê Daddy
Word Ek vertel hoe ‘n ding mag of nie mag gebeur

Ek word vertel
Sê Pappa
Ja regtig
Baie kere

Ek weet dis nou nie jy
Sê Pappa
Ja-nee Ek weet 😉
Dis nie jy, dis al die ander

Ja sê ons liefste Daddy
Ek is goed
Ek is mooi
Ek weet wat Ek van julle vra

Julle is so verkeerd
My liefstes sê Daddy
As julle My wil voorskryf
Oor hoe iets moet gebeur

Dis nie hoe dit moet wees
Liefste kind van My hart
Wag op My
Doen wat Daddy jou vra

Ja sê Daddy
Daar is party kere
Wat ‘n duidelike ja of nee van My nie nodig is
Maar dan is daar ander kere wat dit noodsaaklik is

Liefstes sê Daddy
Ek wil net vra
Vertrou, vertrou My
Met alles wat jy het

Ja sê Daddy, ja
Jy kan altyd weet dat Ek van beter weet
My liefste kind
Dis beter so

Daar’s te min mense sê Abba-God
Wat verkeerd-glo hieroor
Hulle dink of weet nie
Hulle kan My raad vra oor enige iets

Liefstes sê Abba
Kom net nader
Nader aan My
Laat Ek jou wys hoe dit werk

Ja sê Daddy
Ja
Daar is so baie
Wat Ek julle op hierdie pad van Lig kan wys en leer

Kinders
Daddy vra net
Kom en word wys
Kom leer van My

Julle hoef nie al die besluite van julle lewens
Self te neem
Rerig julle kan oorgee
En My veel eerder vertrou

Ek sal julle
Die regte pad wys
Die een wat lewe
Die een van oorvloed

Oe liefstes
Sê Daddy
Dis te min
Dis te min dat julle My waarlik vertrou

Laat My voorloop
Liefstes
Asseblief altyd
Vra ons Pappa-God

Julle vra te min
Daddy loop voor
Wys my die pad
Waarheen, waarheen nie

Daar is hoogstes liefstes
In My
Wat julle net sal bereik
As julle vra daarna

Ja liefstes
Sê Daddy
Daar is soveel meer
Maar dit gaan vat dat julle saam met My op water loop

Ja liefstes
Sê Daddy
Dit gaan partykeer geweldig diep lyk
Maar julle gaan My moet vertrou

Ek hou vir julle net die beste instoor
Net die mooiste
Ek het kinders nodig
Wat dit saam met My sal glo

Ja sê Daddy
Liefstes
Dis wat julle moet doen
Wanneer die moeilike donker twyfel-dae kom

Vertrou My diep
Dieper
Diepste
Dis wat Ek vir My kinders wil sê

Julle moet vertrou
Julle moet glo
Julle moenie opgee
Wanneer Ek voorloop

Sien kind sê Daddy
Dis altyd die gedagtes
Wat Satan kom plant
Gedagtes wat twyfel bring

Moenie ooit toelaat
Sê Daddy
Dat Satan julle vertroue in My
Verhinder om te groei

Ja hy gaan altyd probeer
Sê Abba
Maar wees bewus
Kyk die kat goed uit die boom

Dis sy hart sê Pappa
Dat Ek en jy
Nooit nader aan mekaar groei
Dis wat hy altyd probeer verhoed

Kom ons knielhalter
Bietjie sy planne
Sê Abba
Kom ons ry dit net ‘n bietjie in die wiele

Ja deur jy liefste kind
Wat jou vertroue in My plaas
En ja sê
As Ek jou in ‘n sekere rigting wil lei

Moenie net altyd wil vasskop
Liefstes van My hart
Abba s’n
As Ek jou vra om in ‘n sekere rigting te beweeg

Ja sê Daddy, ja
Jy het die stappe dalk nie so geantisipeer
Maar kind sê Abba
Ek is nogsteeds in beheer

Raak rustig sê Abba
Ja rustig in julle hart
Vertrou My altyd-deur
Laat toe dat Ek voorloop

My genade is altyd genoeg
Sê ons liefste Pappa
En wanneer Ek julle iets vra
Weet dat Ek julle die vermoë sal gee om dit reg te kry

Ja julle hoef nie altyd
Sê Daddy
In ‘n frenzie te gaan
Te sê dinge moenie so gebeur

Ja sê Daddy
Ja
Dit gaan dalk ‘n klein bietjie anders gebeur
Maar Ek weet hoekom Ek vra

Vertrou My net altyd veel eerder
Sê Pappa
Vertrou My
Doen wat Ek vra

Wanneer Ek in ‘n rigting lei sê Abba
Wat jy nie rerig verstaan
Moet jy weet dis nie altyd nodig om eers te verstaan
Voor jy doen wat Ek vra

Geloof is glo
Sê Abba
Geloof is om te doen
Wat Ek vra

Ja liefste sê Abba
Wanneer Ek vra
Doen asseblief
Dis hoe Ek weet dat julle glo

Moenie net doen
Tot daar waar dit vir julle gemaklik is
Nee kind
Doen dit asseblief end-uit

Ja alles wat Ek vra
Loop asseblief die pad
Van volle gehoorsaamheid
Tot die einde toe

Julle liefde is mooi
Sê Abba
Ek wil net vra
Kan julle My help deur meer te groei?

Meer te groei in julle liefde
Sodat julle My
Alhoemeer kan vertrou
Dis hoe dit makliker raak

Ja dit is so liefstes
Hoe meer julle My ken
Hoe makliker sal dit wees
Om My waarlik te vertrou

Ek wil nie net hê
Liefstes
Sê Daddy
Dat dit wat tussen ons is leë hol woorde bly

Moet asseblief nie sê
Sê Abba-Vader
Dat julle My vertrou
As julle nie bereid is om ‘n tree te gee as Ek vra

Nee liefstes
Asseblief
Pappa vra veel eerder
Vertrou My asseblief, rerig

Ja diep en uit julle hart
Leer My ken
Rerig-rerig erig
Leer My ken

Diep
En uit My hart
Wil Ek jou ook vra
Sal jy My dieper vertrou

Sal jy leer uitsien
Na dit wat Ek verborge hou
Selfs al kan jy dit nog nie lekker sien
Sal jy asseblief, groot asseblief

Ja sê Daddy
Ek weet
Kinders vra ook so as hulle iets graag wil hê
Mamma, pappa groot asseblief kan ek dit kry?

Liefste sê Daddy
Dit is Pappa se vra vandag
Groot asseblief
Sal jy My liewer kry?

Daar is ‘n liedjie
Sê Abba
Diep en mooi is hy
Dalk het julle hom al gehoor

Oceans
Oceans is sy naam en hy sê
Take me deeper than my feet could ever wander
And my faith will be made stronger in the presence of My Savior

Dit is hoe dit is
My liefste kinders
Pappa wil julle na veel verder plekke vat
As wat julle ooit alleen sal kan bereik

Ek wil julle op My skouers tel en sê
Kinders kom nou
Kom ons gaan verken
Kom Ek wys julle wat is moontlik by My

Julle geloof is maar dikwels klein
Sê Abba
Dikwels so klein
Wanneer dit by My en vertrou My kom

Oe liefste sê Abba
Oe liefstes
Kom net nader
Kom sien daar is soveel wat ons saam kan bereik

My liefde vir julle
Is so groot en so mooi
So grênd
Sou kinders ook sê

Kinders kom sê Pappa
Kom asseblief
Ek wil julle wys en leer
Ek is God van die onmoontlike

Ek wil julle aantrek
Sê Pappa-God
So graag
Met die potensiaal van die hemele

Ek wil julle aantrek
Met groter vermoë
Groter doelgerigtheid
Om julle drome te bereik

Oe liefstes
Sê Abba
Kom, kom laat Ek julle wys
Daar is drome wat hierdie wêreld nog nie bereik het nie

Ja-nee kyk kinders
Sê Abba
By My is groter en dieper en mooier
Altyd nog ‘n opsie

Asseblief kinders
Asseblief
Kom glo Pappa
Die horisonne in My hart is breed

So onbereikbaar groot
Is die visie in My hart
Ek hou van groot-droom sê Abba
Ek is baie lief daarvoor

Ek weet sê Daddy
Dat Ek baie kere, baie van My kinders se harte
In hulle kele laat klop
Met die goed wat Ek vra

Ek weet dit sê Pappa
Ek weet
Dit laat hulle bene bewe
Dit laat hulle baie bewerig voel

Oe liefstes sê Daddy
Ek weet
Ek weet dis baie groot
Om baie kere die gewig van hemelse drome te dra

Dis te groot
Dis te groot sê My kinders dan
Ek kan nie, ek kan nie
Dis te veel vir my

Dis net, kind
Seun en dogter sê Pappa
Ek wat jou vra om saam met My
‘n Hemelse droom waar te maak

Liefstes sê Daddy-God
Dit moet ‘n droom wees
Te groot vir jou
Anders is dit mos nie ‘n hemelse droom 🙂

Drome groter as hierdie wêreld s’n
Dit is die tipe drome
Wat Ek love om waar te maak
Deur My kinders op aarde wat saam met My werk

Liefstes sê Daddy
Sien
Sien dis net hemelse drome
Wat op aarde ‘n weg moet kry om te gebeur

Dis hoekom Ek altyd-altyd vra
Kinders asseblief
Vertrou Pappa veel eerder
Met dinge wat Ek vra

Ja dis nie altyd maklik
Maar dit is altyd moontlik
As julle My net altyd sal toelaat
Om die voor-loop te doen

Ja sê Daddy-God
Ja dit is so My kinders
My hemelse drome kan baie kere
Net gestalte deur mense kry

Ja mense wat sê
Okay
Goed Pappa, goed
Kom ons wys hierdie wêreld ‘n ding of twee

‘n Ding
Wat hulle nog nie beleef of ervaar het nie
Kind
‘n Ding baie groot

Sien, sien sê Pappa
Ek hou van duplikate ook
Ek hou van dinge doen wat Ek lankal terug reeds al gedoen het
Ek hou daarvan as dit mense nogsteeds in stom-verwondering laat

Tog hou Ek net so baie daarvan
As Ek hierdie wêreld
Iets kraakvars en splinternuut kan bied
Iets nog nooit gesien of ervaar

Dis hoekom Ek partymaal sê Daddy
Verspotte goeters van julle vra
En mense dan sê
Ag jy is mal

Mal sê Daddy
Net soos wat mense vir Noag gesê het
Toe hy vir jare en jare
Gehoorsaam aan die ark bou

Hoeveel jare lank
Sê Abba
Het mense met hom die spot gedryf
Voordat die dag van reënval finaal aanbreek

Oe kinders sê Daddy
Ek wil hê julle moet verstaan
Mense gaan dikwels en baie kere
Die hemelse drome in julle harte afkraak

Ja hulle gaan ook sê
Hy of sy het nou finaal
Al hulle varkies verloor
Maar kind dis net omdat hulle nog nie kan sien

Hulle kan nog nie sien
Sê Abba
Die reën wat alreeds in jou gees geval het
En besig is om nat te maak

Oe liefstes sê Pappa
Asseblief onthou net
Ek is vir julle
Altyd-deur

Ja, ja
Dit gaan nie altyd maklik wees
Die lewe is moelik
Maar hemelse drome is moontlik saam met My

Sal julle asseblief saam met My werk
Kinders asseblief
Julle wat met hemelse drome sit
Julle wat weet dit gaan net met God se hulp gebeur

Ja sê Daddy, ja
Julle weet
Julle sit al jare met hierdie swaar gewig op julle skouers
Hoe, wat, waar, wanneer?

Oe kinders sê Pappa
Ek sal julle help
Elke tree
Hoe om hierdie hemelse plan tot uitvoer te bring

Ja sê Daddy, ja
Vertrou net My hart
Weet
Dat Ek besig is

Julle vra so gereeld
Here wys my
Waarnatoe
Wanneer

Kind Ek sal
Ek sal
Ek belowe
Hou jy jou ore net wawyd oop

Sodat wanneer Ek spreek
Jy dadelik sal hoor
Net soos Samuel sal jy dan antwoord
Spreek Here, U dienskneg luister

Oe
Ore ingestel op die Koning
Vir verdere instruksies en leiding
Hoe baie mooi is dit vir My

Julle
Julle geliefdes van My hart
Sê Abba
Ek is altyd vir julle

Hou net daaraan vas
Sê Abba
Die dae wanneer die lewe moeilik is
En mense nie altyd verstaan

Ja sê Pappa, ja
Mense gaan nie altyd jou journey verstaan nie
En jy nie ‘n ander s’n
Want julle is op verskillende plekke van julle journey

Oe My kinders, liefstes sê Daddy
Altyd sal Ek poog, altyd
Om mense in jou lewe te bring wat jou journey verstaan
Wat die pad saam met jou kan loop

Ja vriende en familie
Sê Daddy
Naastes
Is dikwels nodig vir jou om jou pad te loop

Ek is die Een sê Daddy
Wat dikwels verbintenisse skep
Mense jou pad laat kruis
Met wie jy ‘n padjie gaan loop

Ja dis Ek sê Pappa
Dikwels Ek
Wat maak dat julle nuwe en vreemde mense ontmoet
Wees op die uitkyk daarvoor

Dis omdat Ek net weet liefstes
Die een is nodig vir die volgende seisoen
Waarin My kind beweeg
Ek sal onderskraging stuur

Oe My kind
Dis maar hoe Ek werk
Altyd op die uitkyk
Vir jou My kosbare kind

Daarom sê Daddy
Volgende keer as julle paaie met iemand nuuts kruis
Weet dit is heel moontlik
Iets wat Ek in die mou voer 😉

Oe ag kind
Ek terg jou net
Ek wil net hê jy moet weet
Ek is maar altyd besig met goed wat jy nie aldag kan sien

Ja kind, ja sê Pappa
Altyd besig met ietsie in die lewens van My kinders
Dis vir My so mooi
So mooi as julle My net vertrou

Kom vra maar altyd
Sê Abba
Net ‘n stukkie nuwe wysheid
‘n Stukkie van waarmee Ek in jou lewe besig is

Ek sal jou altyd wys kind
Ek sal jou altyd lei
Pappa is vir jou
En altyd besig agter die skerms

Ja sê Abba
Ja dit is so
Julle sien dit baie dikwels
Eers vele-vele jare later

Oe dit is hoekom dinge so uitgewerk het
Dit is hoekom dinge so moes gebeur
Nou verstaan ek
Vir die eerste keer

Oe ja-nee sê Abba
Oe ja-nee
Dis maar hoe Ek baie kere
My hemelse planne laat uitwerk

Julle dink partykeer
Dinge is maar niksvermoedend so
Oe nee kinders, oe nee
Pappa is altyd besig met ‘n plan

Altyd maar altyd
Het Ek ‘n plan waarvolgens Ek werk
Ek sal nou nie sê
Ek kry als reg wat Ek graag wil hê moet gebeur maar Ek probeer

Ja Ek probeer altyd
Om dinge beter te maak
Om dinge te laat uitwerk
Vir My kinders

Ja, ja
Partykeer is daar stampe en stote
Ja partykeer is daar hobbels waaroor ons moet oor
Maar dis asof hulle die reis net alte mooi maak

Ja dis nie altyd lekker
Maar kinders
Ek het die vermoë
Om selfs die slegste sleg mooi te maak

Ja dis maar net wie Ek is
Dis maar net wat Ek kan doen
Ek twyfel
Sal mens ooit beter kry?

Ek is die beste-beste God
Waarvoor hierdie wêreld ooit kon vra
Party mense betwyfel dit nogsteeds baie sterk
Maar dit is so

Liefliker as lieflik
Mooier as mooi
Liefstes sê Daddy
Dit is Ek die ewige God

Ek is God
Die ander is gode
Ek wil net graag vir julle sê
Ek is die enigste god wat met ‘n hoofletter-g geskryf kan word

Ja-nee sê Pappa-God
Ja-nee
Die ander is spring-chickens teenoor My
Ek is die real deal

Die realest truest deal
Wat enige iemand ooit kan kry
Dit is Ek
Die ewige God

Kom nader wêreld
Kom leer My ken
Toe-nou kom
Toe-nou kom

Ek paai en mooi-praat
Van julle nou al vir jare
Tog nogsteeds
Tog wil julle harte hard hou

Ag Ek verstaan nie
Sê Abba
Ek verstaan nie hoekom
Jy jouself so hardkoppig wil hou

Wat het dit jou in die sak gebring
Sê Abba
Wat het dit jou al ooit in die sak gebring
Behalwe ‘n hengse hoofpyn?

Ja Ek weet sê Abba
Ek weet
Julle kry hulle gereeld
Migraines dis mos wat julle hulle noem

Migraines sê Abba
Het al half-pad van die mensdom opgeeët
Met al sy migraine fixes
Sal apteke nooit uit besigheid gaan

Oe nee sê Abba
Oe nee
Dis een van hulle beste verkopers
Julle het seker al gesien

Liefstes sê Abba
Die van die wêreld ook
Ek wil net sê hierdie briefie skryf Ek
Sodat ook daardie hoofpyn ligter teen jou slape sal begin klop

Ja sê Pappa-God, ja
Ek verstaan
Die fisiologie van die mensdom
Ek het julle aanmekaar gesit

Ja sê Pappa
Daar in die tuin van Eden
Toe Ek die asem van lewe
In jou longe inblaas

Soos ‘n wafferse dokter of homeopaat
Kan Ek ook My vinger
Op die presiese probleem-area sit
Ek weet waar die probleem lê

Oe kind sê Daddy
Oe kind
Ek kan net sê
Heelwat van die oorsaak is jy wat nie jou vertroue in My belê

Ja mense van die wêreld
Dokters en so
Hulle sal nie baie maklik
Dit as rede vir jou uitwys

Oe nee sê Pappa
Oe nee
Dit is mos maar nou so
Baie van hulle probeer julle mos oortuig dat Ek nie rerig is

Ja ‘n fabrikasie van mense se gedagte-wêreld
Goeie en sterk verbeelding
Ek kry daai een nogals dikwels 😉
Of is dit hulle kort ‘n kruk om deur die lewe te gaan

Ek weet nie
Of julle al gesien het
Maar My kinders se “kruk”
Werk nogals baie heerlik 😉

Oe ja
Die lekkerste wandelpadjies het ons al saam beloop
Die wonderlikstes
Die waarvan die hemel droom

Wil julle nie bietjie saam met ons kom sit
Julle verlorenes van hart
En saam met ons
Hemelse drome begin te droom?

Oe hulle is te lieflik
Of te grys
Soos die ouer mense soms sê
Ek wonder weet die jonges van dae wat daai woord beteken?

Gaan vra julle oumas en oupas
Sê Abba
Hulle sal vir julle vertel
Dis wanneer iets baie oulik is

Oe liefstes sê Daddy
Oe liefstes van My hart
Hoor asseblief
Ek gee om

Ek gee om vir julle
So so baie
Ek wil julle vertel
Verlorenes, julle ook

Julle dink genoeg kere
Ek gee nie om
Sê gereeld
God, Hy sal nie belangstel in ons

Oe kinders van die wêreld
Kan julle hemelse Vader net vir julle sê
Julle is so verkeerd
Ashoop, dis waar Ek meeste van My kinders gaan haal

Daai plek waar hulle so skuldig is
Daai plek waar hulle so skuldig voel
Dis dan wat Ek steeds kom en sê
Kind Ek is goed en Ek wil jou hê

Mense verstaan nie My goedheid nie
Sê Abba
As Ek julle kon sê op ‘n skaal wat julle verstaan sou Ek sê
200% net goed

Daar kan nie ooit meer goed as Ek
In hierdie wêreld of enige ander plek bestaan
Ek is die ware betekenis
Van alles wat goed en mooi is

Dis so moeilik sê Abba
So moeilik
Om dikwels vir julle te verduidelik
Want julle dink dat dit net woorde is

Ek is nie net mooi woorde nie
Sê Abba
Nie, nie, nie
Nooit nie

Julle liefde vir My is so flou
Sê Abba-Vader
Want julle ken My nie
Nie voorwaar nie

Daar’s te veel voorwaardes
Sê Pappa-God
Baie kere
Gekoppel aan wie Ek is en wat Ek kan doen

God is goed
As Hy vir my deurkom
God kan ek vertrou
As Hy doen wat ek vir Hom sê

Liewe ouers kinders
Liewe ouers
Ek dink dat dit verskriklik narrow-minded is
Ek dink dat julle beslis nie die groter prentjie sien

As julle My net vertrou en liefhet
As Ek volgens julle pype dans
Liefste kinders
Is julle liefde vir My voorwaar baie vlak

Ek wil julle by die plek uitbring
Sê Jesus Christus, die Seun
Waar julle liefde vir My
Voorwaar so diep en eg is

Was die Kruis van Golgota
Nie genoeg sê Hy
Nie genoeg om te bewys hoe diep kosbaar en spesiaal jy vir My is
Was My prys nie duur genoeg?

Kinders sê Abba
Dis tyd dat julle na die Kruis begin kyk
Dis tyd dat julle begin onthou
Hoekom is dit nie genoeg vir jou om te weet Ek is net goed

Ek weet nie sê Abba-Vader
Van enige ander koning
Wat sy seun vrywillig sou opgee
Om die sondige afvallige mense van sy koninkryk te red

Mense doen nie sulke goeters nie kinders
Ek weet nie
Het julle al gesien?
Dalk, dalk net vir iemand vir wie hulle baie lief is

Ja dan sal mense
Hulle lewens opgee
Dan sal hulle sê
Dit is die moeite werd

Oe geliefde sê Abba
Die hele wêreld
Julle was vir My genoeg
Dis hoekom Ek My-Seun-het-gestuur

Ja Ek het dit gedoen
Sê Abba
Om julle te bevry van sonde
Sodat julle nooit ooit weer haar slaaf hoef te wees

Party mense kies dit vandag nog
Steeds vrywillig
Ek weet nie
Seker omdat hulle nog nie die dodelike effek daarvaan gesmaak het

Ja
Sonde lei net na een plek
Eers donkerte in jou siel
En dan die donkerte wat die ewigheid inhou

Ons noem dit die tweede dood
Of is dit ewige hel
Daarnatoe sal gaan almal wat hulle rûe op God
En Sy verlossingsplan gedraai het

Ja mens kan dit so sê
Sê Abba
Of mens kan sê
Hulle wat nie My offer van liefde en genade wou aanneem

Sien daar was ‘n prys
Aan die Kruis van Golgota betaal
‘n Prys om jou siel vry te koop
Omdat jy vir sonde gesê het ja

Jy moes met jou lewe daarvoor boet
Elke liewe mens wat sonde gepleeg het
Toe sê Ek nee wag
Ek sal My Seun in hulle plek stuur

Wie wil hulle hê het Satan gesê
Geskel hulle het jou verlaat
Hulle sal weer
Moet hulle nie ‘n kans gee!

Ek hoop nie sê Daddy
Ek het My kanse verspeel
Ek hoop nie so maar toe sê Ek ja
Ja! Ek sal hulle nog ‘n kans gee

Ek kon net nie sê Abba
Op julle My kosbare skepping opgee
Ek het net nie geweet hoe
Toe gee Ek maar Myself as offer vir jou sonde

Ja Ek kon nie, Ek kan nie
Nou-nog nie
Ek weet nie hoe om van daai draadjie-van-hoop tussen ons te laat gaan
Hoe sny Ek hom vir altyd flenters

As julle My net kon wys hoe
Sou Ek dit dalk doen
Dis partymaal so moeilik
So seer om aan daai stukkie hoop vas te hou

Ek hou vas
Maar al wat Ek kry is skoppe, vuishoue en slae
Van almal wat in hierdie wêreld glo
Dat Ek die grootste vark is wat op twee bene loop

Mense verafsku My
Hulle vloek My
Hulle jou My uit
En al wat Ek doen is, Ek kan nie op HOOP opgee

Hoekom, hoekom nie
Hoekom kan Ek nie laat gaan
Daddy hulle maak so seer
Kan U nie sien?!!

Dis die Heilige Gees se stem
Dis Sy wat so gereeld vir My sê
Hulle wil nie
Hulle wil nie terugkeer

Hulle wil nie glo
Dat jy ewig mooi is nie
Hulle wil die Waarheid nie leer ken
Hulle wil blind bly

Oe magtie
As Ek net kon opgee
As Ek net nie meer kon glo
Daar is nog hoop

Dit is so verdomp moeilik
So moeilik om te bly glo
Als gaan nog uitwerk
Als gaan draai vir goed

Dis so moeilik
Want alles sê nee
Alles sê
Gee maar op!

Dis so so moeilik
Ek wens net Ek kon laat gaan
Ek wens dit was nie ‘n issue
Ek wens Ek kon die wêreld los om verlore te gaan

Ja-nee sê Daddy
Ja-nee
Dit sou soveel van My probleme
Eensklaps oplos

Dis mos wat die wêreld wil hê
Woeps-waps
Als verby
Nou kan hulle maar in die hel brand, wat gee Ek tog om

Dit lyk My sê Abba
Dis My omgee wat die groot probleem is
Help My om te laat gaan
En Ek doen dit met graagte

Sien sê Abba, sien
Ek het ook hulp nodig
Ek wil so graag hê julle moet sien
Ek sukkel so baie om op te gee op julle

Hierdie verlore-gaande wêreld
Het nogsteeds
Net so ‘n spesiale plekkie in My hart
Hoe kan dit wees?

Ek dink sê Abba
Dis omdat Ek weet
As mense net die Waarheid kon begin sien
Sou hulle opreg-opreg dankbaar wees Ek het nie opgegee

Soos soveel ander
Alreeds ontdek het
Dit is so
Dit is baie waar

Oe geliefdes
Geliefdes van My hart
Wanneer gaan julle sien
Ek is net goed

Net-net goed
Geen sleg kan in My woon
Dit is net nie moontlik nie
Nie ooit

Amen.

Mooi leë woordjies

Daddy-God se hart is sag
So so sag
Ek wonder of jy dit weet
Het jy dit al gevind?

Boetie, sussie
My hart smelt
Smelt
As ek in God se teenwoordigheid bly sit

Ek wil net meer hê
Meer en meer
Van Sy wonderlik-wees
Meer en meer van wie Hy nog altyd is

Die skatte is so diep
Liefste kinders
Sê Pappa
Daar is soveel-soveel meer

Onuitgeput sê Daddy
Is die skatte in My hart
Nooit sal niemand alles kan opspoor
Daar is net te veel

Goddelik
Goddelik-mooi is my Pappa se hart
Ek weet nie hoe anders om dit te sê
Geen wonder Hy is God

Oe liefste wêreld
Kinders daarbinne
Julle mis so uit
Alles omdat julle nie wil naderkom

God se kinders, Myne
Julle wat so sê
Julle is in vlak waters kinders
Julle is in vlak waters

Kom dieper in
Kom swem uit
Kom verdwaal liefste kinders
Kom raak verlore in wie God is

Oe My wonderlik-wees
Sê Abba
Het nog nie genoeg mense gevind
Hulle weet nie, hulle weet nie hoe goed Ek waarlik is

Oe hulle dink so
Hulle dink rerig so
Maar kinders sê Pappa-God
Julle het nog nie gevind

Kom dieper
Kom vra na meer
Kom verdwaal kinders
Ek vra weer, in My wonderlik-wees

Genade-groot
Is so My Naam
Liefde-diep
Dit ook

Oe kinders sê Pappa
Asseblief
Begin honger raak
Begin honger raak vir meer van My

Julle is tevrede
Liefste kinders
Sê Daddy
Met vlak water, hoekom is dit so?

Genoeg sê Daddy
Genoeg
Dit is wat die wêreld dikwels sê
Julle weet genoeg van My

Oe kinders
Ek wens sê Daddy
Ek wens julle kon die dieptes in My sien
Hulle is onbereikbaar vêr

Ek vra julle weer
Liefstes
Kom klop aan My deur
Dieper en meer, vra daarna

Daar is soveeel meer
Sê Abba-God
Wat Ek in hierdie tyd aan julle wil gee
Soveel, soveel meer

Het julle geweet
Abba se kinders
Ek vertel julle graag
Hoe diep My liefde vir julle elkeen lê

Diep genoeg
Sê Abba-God
Sodat jy nooit ooit die einde daarvan sal kan vind
Net soos die wondermooi skatte in julle God se hart

Julle soek nie na My nie
Sê Abba-God
Julle smag nie na wat Ek vir julle wil gee
Dit is die probleem

Liefstes van My hart
Sê Daddy
Kleintjies
Dit is die probleem

Julle vra nooit nie
Julle wonder nooit nie
Pappa is daar meer
Meer van U wat ek kan en wil hê

Oe God se kinders
Sê ons liefste Pappa
Hoekom smag julle nie meer na My
Soos ‘n hert in die liedjie wat julle sing

Kinders
Sê Daddy-God
Julle sing dit uit gewoonte
Julle sing dit lankal nie meer omdat julle dit bedoel

Hoekom sê Daddy
Hoekom is dit so
Julle vertel gereeld vir mense Ek is wonderlik
Maar julle bedoel dit nie rerig diep vanuit julle hart

Ek dink sê Daddy-God
Dit is waar die grootste probleem lê
Ek het vir baie van My mense
Net ‘n afgesaagde mooi roetine geword

Ja sê Abba-God
Selfs en veral
Soos daai tradisies
Waaraan julle vasklou

Dit dra glad nie meer waarde nie
Geliefdes van My hart
Glad nie meer sê Pappa
As julle nie bedoel wat julle sê

Ek wil so graag
Sê Daddy
‘n Veel dieper betekenisvolle iets saam met jou hê
Ek wil so graag verhouding met jou bou

Liefste seun
Dogter van My hart
Sê Pappa
Kom asselief net nader aan My

Veel veel nader
Sê Daddy
Veel veel nader
As wat jy nou is

Liefde-diep kinders
Genade-groot
Hulle roep julle naam
Hulle sê kom soek meer van My

Daar’s altyd ruimte vir groei
Sê Daddy-God
By My
Altyd en altyd en altyd

Ek weet sê Pappa
Baie van julle ken dit nie
Baie van julle wil nie meer weet
Maar Ek vra julle, is julle seker?

Is julle doodseker
Sê Pappa
Baie beslis in julle besluit
Dat julle nie meer van My wil hê?

Oe geliefdes
Sê Daddy-God
Julle moet baie seker maak
Dit is wat julle wil hê

Julle is so so besig
Sê Daddy-God
Om te verloor, op groot skaal
Omdat julle bly nee sê

Asseblief doen dit meer
Asseblief laat My toe sê Pappa
Om vir julle te vertel hoe groot, diep en onbereikbaar vêr
Die skatte in My hart lê

Vertel My meer
Sê Abba
Vertel My kind asseblief
Daar is soveel meer wat Ek julle wil gee

As julle net daarna wou begin vra
Sê Pappa
Soveel groot mooi skatte
Kan Ek dan by jou deur kom aflaai

Oe kinders
Sê Daddy
Begin net vra
Asseblief, groot asseblief

As hierdie wêreld
Sê Daddy-God
Net anders oor My wou begin glo
Sou dinge soveel-soveel anders kon wees

Ek is meer
Sê Daddy-God
Meer as wat julle ooit sou kon glo
Selfs al sou julle reg glo

Ek wil hê julle moet begin verstaan liefstes
Daar is meer en dieper
In My hart
Maar Ek kry hulle net nie uitgedeel

Ek is soos konstant besig
Sê Daddy-God
Om te vra, om te probeer
Sal iemand hulle hart dieper vir My oopmaak?

Begin net vra sê Daddy-God
Asseblief My liefste kinders
Vra net opreg-eerlik
Daddy asseblief gee my meer

Daar’s te veel mense
Sê Daddy-God
Wat hierdie verhouding-met-My-sake
Nie ernstig genoeg opneem

Hoekom, hoekom is dit so?
Julle vertel so gereeld eintlik wil ons
Maar kinders sê Daddy
Julle is net besig om My te bedrieg

Mooi woordjies
Sê Daddy-God
Mooi woordjies
Het Ek al baie gehoor

Mooi leë woordjies
Sê Abba
Baie
Mooi en leë woordjies

Mense bedoel nie altyd wat hulle sê
Kinders sê Daddy
Het julle hulle al gesien
Mense wat net hou van leë woordjies vertel

Mense sê Daddy-God
Lieg oor die algemeen
Dis al so deel van julle bestaan
Julle bevraagteken dit nie eens meer

Oe nee kinders
Sê Daddy-God
Daar word nie eens meer
‘n Wenkbrou skeef getrek

Dit is maar die norm
Dit is maar hoe dit deesdae gebeur
Dis eintlik so teleurstellend sê Abba
Inbors is nie iets wat ‘n mens meer gereeld kry

Oe sê Daddy
Kan Ek julle vertel
Daar is meer
Soveel, soveel meer as wat julle ken

Kinders sê Daddy-God
Asseblief
Asseblief sal julle mense van integriteit wees
Mense wat bedoel wat hulle sê

Kinders sê Daddy-God
‘n Ware voorbeeld
Van opregte menswees
Dit is waarop integriteit in die mens dui

Kinders
Vra Pappa-God
Asseblief
Sal julle begin om My liewer te kry

Liewer sê Daddy
Soveel, soveel liewer
As wat jy My nou
Op hierdie oomblik liefhet

Kinders sê Daddy-God
So so gereeld wat Ek dit vra
Raak liewer vir My
Leer My beter ken

Baie mense
Sê Daddy-God
Even van My eie kinders
Wat hierdie uitnodiging die hand bly wys

Gaan verby o God
O nee nie nou
Nou is nie ‘n gunstige tyd
Dit sal op ‘n ander geleentheid moet gebeur

Ek wonder maar net altyd
Sê Pappa
Wanneer julle hierdie dinge vir My sê
Gaan die tyd ooit gunstig wees?

Oe sê Pappa-God
Oe liefstes
Julle bly My wegwys
Maar julle besef nie die tyd stap aan

Kinders sê Daddy-God
Kinders
Sê julle nie ook gereeld
Tyd wag vir niemand nie

Ek wil hê
Liefstes van My hart
Dat julle sal begin besef
Tyd is ‘n baie kosbare kommoditeit

Asseblief moenie met hom mors nie
Sê Abba-God
Asseblief begin hom oppas
Begin om hom na waarde te waardeer

Oe liefstes sê Daddy
Geliefdes, geliefdes van My hart
Sal julle by My kom leer
Watter groot geskenk die voorreg van lewe is

Soveel van julle
Sê Pappa
Wat dit net as vanselfsprekend aanvaar
Dis nou maar net hoe dit is en moet wees

Oe kinders sê Daddy-God
Die tyd stap aan
Vir geen-een van julle
Sal daar veraltyd kans wees

Nee liefste kinders
Asseblief
Die gunstige tyd om My te leer ken
Dit is nou

Vertel My sê Pappa
Asseblief
Vertel My
Julle hoor My hart

Ek beteken vir baie van julle heelwat
Sê Pappa-God
Ek weet
Ek kan sien

Dis vir My so kosbaar
Sê Daddy-God
So so kosbaar
Dit wat Ek met elkeen van My kinders het

Oe sê Daddy-God
Dit vertel en wys vir My so baie
Daai opregte liefde vir My
Veilig genestel in jou hart

Dit sê so baie
Dit sê so baie
Dit vertel van storms oorwin
Dit vertel van nooit-laat-gaan

Dis mos maar
Wat ware liefde ook sê My kinders
Is dit nie so?
Is dit nie so?

Oe ja sê Dadda-God
Dit is so
Dit is wat Ek so graag met elkeen van My kinders wil hê
‘n Wedersydse liefde wat nooit op mekaar opgee

Met so ‘n liefde
Sê Daddy-God
Kan Ek soveel vermag
Soveel mee uitrig

Oe dis vir My kosbaar
So so mooi
Wanneer julle bly sê kind van God
Pappa ek sal die pad met U bly loop

Net soos met ‘n aardse huwelik
Liefste kinders
Dit is presies
Dieselfde

Oe kinders sê Daddy-God
Oe kinders
Kan julle verstaan
Verstaan julle wat Ek sê

Net soos met aardse verbond
Liefste kinders
Is dit presies dieselfde
Tussen My en jou

Ja Ek wil ook hê
Sê Daddy
Dat mense My vir die regte redes trou
Ek wil ook hê hulle moet dit opreg bedoel

Ek dink baie mense
Sê Daddy-God
Trou My net
Omdat hulle dink nou gaan dit net altyd goed gaan

Oe nee sê Daddy
Oe nee
Julle sal verbaas staan
Maar dis nie iets wat aldag gebeur

Mense trou My nie
Sê Daddy-God
Om ewige trou te beloof
Mense trou My net sodat hulle nie swaar hoef te kry

Ek weet dit klink vlak sê Pappa
Maar kinders dis rerig wat gebeur
Baie mense is in verbond met My
Net om te sien wat hulle daaruit kan kry

Oe kinders sê Daddy-God
Dit is so
Rerig-erig
Wat Ek sê is so waar

Julle sal baie van hulle kan herken
Sê Daddy
Aan hoe hulle My loof en prys
Of hulle woorde en dade rerig strek om My te eer

Ag dis maar eenvoudig sê Abba
Maar dis ook maar hoe Ek hulle baie dikwels uitken
Ek sien net swaar en seer
En hulle wat sê oe nee!

Daar’s soveel, soveel mense
Sê Daddy-God
Wat My altyd
Net op hulle terme wil dien en liefhê

Oe dis so verkeerd
Sê Daddy-God
So so verkeerd
Ware liefde kinders is self-opofferend

Dis ‘n groot woord liefstes
Maar hy dra ook groot waarde en betekenis
En is so so mooi
Wanneer julle dit nastreef

Probeer altyd
My liefste kinders
Asseblief
Altyd en altyd om gou te vergeef

Probeer om nie vies te bly
Probeer om nie vir onvergifnis ‘n huisie in jou hart te bou
Kind sê asseblief eerder gereeld
Daddy-God asseblief maak skoon my hart

Liefstes sê Daddy
Ek wil hê julle moet weet en besef
Ek is groter
As enige seer

Ek kan enige en alle seer
So so sag maak
My liefste kinders
So so sag

Pappa vra net weer
Asseblief
Moenie viesbly
Vergeef eerder gou

Ek weet kinders sê Daddy-God
Dis nie altyd maklik om reg te kry
Maar as julle sou vra
Kan Ek julle ook daarmee help

Oe ja kinders
Sê Daddy-God
Ek kan en wil altyd help
Julle moet net vra

Kinders sê Daddy-God
Asseblief, asseblief, asseblief
Kan Ek julle vra
Leer My ken

Leer My ken vir wie Ek is
En nie net vir wat jy van My wil hê
Oe kinders sê Daddy
Asseblief begin dit doen

Ek wil julle vertel
Sê Abba-God
Maar julle weet dit seker
Ek is groter as die heelal

Ja-nee kyk sê Daddy-God
Die grootheid van die heelal
Is niks vir My
Niks sê Daddy, niks

Die palm van My hand
Is groot genoeg
Om die heelal en al sy maats vas te hou
Ek kan hulle daarin toevou

Oe sê Daddy
Oe
En om te dink
Ek moet My teen soveel van die mensekinders op aarde verdedig

Oe sê Daddy-God
Oe
As dit nie liefde is nie liefstes
Dan weet Ek nie lekker nie, wat is?

Oe dis liefde
Sê Pappa
Dis liefde wat gemaak het dat My Seun kom
Dis liefde wat maak dat Ons nog vandag by julle is

Ja-nee sê Daddy
Ja-nee
Ek wil julle graag vertel
Hou asseblief op om na ander gode te kyk

Hou op sê Daddy-God
Asseblief
Ek vra My liefste kinders
Om prioriteite te hê hoër as Ek

Enige iets sê Abba
Enige, enige iets
Wat jy bo My stel kind
Het die vermoë om dit wat mooi tussen ons kan wees te steel

Oe liefstes
Sê Daddy
Oe liefstes
Asseblief luister na My hart

Dis net omdat Ek nie wil hê
Julle moet uitmis
Liewe kinders op die mooi
Die super, super-mooi voorberei vir ons

Kinders sê Daddy-God
Asseblief
Asseblief
Kan ons hierdie pad saamloop?

Kan ons oorbegin
Vra Abba
Aan die wat Hom verlaat het
Maar nou wil nuut begin

Daar is altyd-altyd
‘n Plek en tyd
Vir weer-begin
My kinders dit is rerig so

Ek sal nooit sê Daddy-God
Ooit ‘n hart weg-wys
Wat met opregte berou
Voor My kom buig

Oe nee
Sê Abba-God
Dit sal net nooit-ooit kan gebeur
Ek wil dit net graag vir julle sê

Sal julle asseblief
Styf
Aan hierdie stukkie hoop vashou
Asseblief liefste kind sal jy?

Daar is altyd-altyd
In My hart
Plek vir vergifnis
Plek vir genade wys

Solank as wat die persoon
Sê Daddy-God
Sleg voel oor sy verkeerd
Solank as wat hy rerig sê hy is jammer

Oe dis so mooi
Sê Abba
Dis so so mooi
Die verkeerd-wees wat dan van jou hart afbreek

Dis wat gebeur
Sê Abba
Dis wat maak
Dat My liefde en vryheid kan inbeweeg

Het julle al gevoel
Sê Abba-God
Hoe lig Ek die las van sonde kan maak
Wanneer Ek hom met My Seun se bloed van julle skouers afhaal?

Oe julle sal dit skaars kan glo
Sê Abba-God
Julle wat nou nog nie weet
Hoe dit eintlik proe

So lig maak Ek
Sonde en sy seer
Oe hulle het al baie verwoesting
In hierdie wêreld gesaai

Eintlik sê Daddy
Eintlik is dit maar
Al wat sonde en seer kan doen
Sy maak net dood

Ek wil eintlik ook net vra
Sê Pappa
Dat julle haar nie meer so baie sal toelaat
Om julle seer te maak

Oe kinders sê Pappa
Ek wil herstel, so so graag
In elke mens se lewe
Die vraag is net … sal julle My toelaat

Dis altyd ‘n ope vraag
Sê Abba-God
‘n Vraag wat altyd sal aanhou vra
Kind wil jy nie maar?

Oe kind sê Pappa
Oe kind
As julle net kon verstaan
Ek wil julle so graag heel hê

Daar is mense sê Abba
In hierdie wêreld van julle
Geskok, geskeur en stukkend van binne
Die wêreld en sy seer het al soveel-soveel van hulle kom steel

Oe liefstes sê Abba
Daai mense het nodig om te weet
Ek herstel
Ek wil hulle so graag genees

Oe liefstes sê Abba
Julle wat seer is
Julle wat gesond is
Sal julle altyd asseblief, bly naderkom

Oe sê Daddy
Oe
Dis die vraag
In My diepste hart

Vertel My liefste kinders
Asseblief
Vertel My
Hoor julle wat Ek sê

So groot sê Abba
So groot oop
Is die uitnodiging in My hart
Wat jou nader nooi

Sal jy ja sê?
Sal jy My uitnodiging aanneem
Sal jy weet, sal jy rerig glo
Ek is God en daar is geen ander bo My nie

Gesond kind
Gesond wil Ek jou maak
Van al die wêreld se seer
Van al die swaar wat jy dra

Ek wil dit op My skouers laai
Al daai laste
En Ek wil sê kind
Kom ons probeer net weer

Ek wil voor-loop kind
Asseblief
Ek wil rigting-wys
Ek wil leiding gee

Dis omdat Ek weet
Liefste kinders
Waarheen is ons oppad
Omdat Ek jou veilig daar wil uitbring

Laat My asseblief toe kind
Laat My asseblief toe
Pappa sal jou wys
Pappa sal jou leer

Amen.