Opwindende reis

Vrede-sag
Vou my toe in sy liefdevolle arms
Ek’s so dankbaar Pappa
Ek’s so dankbaar ek kan altyd na U toe hardloop

Daddy U is die vrede
Wat altyd rustigheid
In my swaar
En dikwels chaotiese gemoed bring

U is die een Pappa
Wat vrede ontwerp het
En ek is so dankbaar
So dankbaar dat ek dit altyd by U kan vind

U is die een Abba
By wie ek wil bly wegkruip
U is die een Abba-God
Na wie ek altyd wil bly hardloop

Oe U liefde
Oe U
Is so sag
Altyd

Dis asof dit net altyd Pappa
Die swaar in my hart rustig maak
En kom sê
Kind hou moed

Oe jou Pappa
Is in beheer
Kind van God
Ek Vrede wil dit graag vir jou vertel

Oe ja
Partykeer is daar swaar
Goeters wat nie altyd maklik is
Om op hierdie aarde deur te gaan

Ja liefstes
Pappa weet als daarvan
Ek wil net sê
Ek’s altyd gereed om hand by te sit

Ja liefstes
Van die kleinste probleempies
Tot die grotes
Pappa hou hulle almal se oplossings in My hand

Hierdie wêreld sê Daddy
En haar probleme
Moet nog leer
Nie een van hulle sal ooit vir My ore kan aansit

Oe nee liefstes
Oe nee
Daddy sê nee dit moet nog gebeur
Dit sal nooit gebeur

Ek het ‘n wonderlike hart
Sê Pappa
‘n Wonderlike hart
Altyd wil Ek graag help

Oe dis vir My so lekker
Kinders sê Pappa
Altyd
Om uit te help waar Ek kan

Dit beteken vir My baie
Sê Daddy-God
Regtig-egtig baie
Wanneer daar mense is wat aanhou om My raad te kom probeer

Ek lief dit so gereeld
Sê Pappa-God
Om mense te kry
Op hulle knieë, vraend vir raad

Die nederigheid waarmee julle vra
Seun, dogter
Dis so mooi
Daai ootmoed wat in julle harte lê

Dis nogals ‘n groot woord
Sê Abba-God
Maar Ek dink van julle verstaan
Dis om met sagtheid van hart geklee te wees

Dis daai hart wat sê
En besef
Ek kan verkeerd wees
Kom ek vra eerder vir raad

Dis daai hart wat sê en besef
Ek hoef nie alles reg te hê
My waarde as kind hang nie af daarvan
Ek is kind van God

Dis mense sê Pappa
Dis harte wat hulle feilbaarheid besef
En in plekke van swakhede
Bereid is om My hulp te aanvaar

Oe kinders sê Pappa
Liefstes
Dit beteken vir My waarlik baie
Dat julle bereid is om My raad te vra

Oe die wonder
Sê Pappa-God
Oe die wonder
Van My vra as jy nie weet

Oe kinders sê Pappa-God
Dit gebeur net te gereeld
Te gereeld
Dat julle nie My raad vra

Kinders sê Pappa-God
Liefstes julle hoef nooit skaam te voel daaroor
Julle vra die beste een
Wat daar is om te vra

Dis vir My ‘n groot voorreg
Sê Pappa-God
Om julle harte aan te hoor
Om te sien waar kan Ek help

Dis so broodnodig
Liefstes
Dat julle sal besef
Julle het ‘n Pappa in die hemel wat graag wil

Oe ja My kinders
Ja
Pappa wil
So graag

Julle hoef nooit terug te hou liefstes
Nooit skaam te wees
As Ek naby is
Vra vir hulp, enige tyd

Dis vir My hartseer
Sê Pappa
Baie hartseer
Dat mense My partykeer net wil ken as hulle probleme het

Ja sê Daddy-God
Ek wil so graag hê
Hulle moet besef
Daar is soveel meer wat ons saam kan hê

Ja sê Pappa
Ja
Dit is so
Vele mense wat My net in noodgevalle ken

Soos julle weet kinders
Wanneer mens in intensiewe hoë-sorg lê
Het julle al gesien
Daar is veral dan mense wat baie goed weet hoe om te bid

Dis nie sê Pappa-God
Dat Ek nie julle gebede geniet
Dis net Ek wonder dan veral
Is dit omdat hulle My rerig liefhet?

Ja-nee sê Abba
Ek dink daaraan
Baie gereeld
Hoekom sê mense dat hulle God ken?

Vir baie is dit net
Sê Pappa
Om ‘n lysie af te merk
‘n Regmerkie agter kind van God

Kind sê Pappa
Liefste liefste kind
Ek wil so graag
Soveel meer tussen ons hê

Ja liefstes
Seun
Dogter van My hart
Dit kan so wees

Dit is moontlik
Kind van God
Ek en jy
Kan heelwat nader aan mekaar wees

My liefde is groot
Sê Abba-God
Vir julle
So groot

Genoeg kere
Wat Ek vra
Sê Daddy-God
Julle sê net so min kere ja

Oe kinders kan Ek julle vra
Vra Pappa-God
Kan dit van nou af anders wees
Asseblief

Sal julle My ken
Asseblief
In die goeie
En in die slegte tye van julle lewens

Kinders altyd-deur
Vra Pappa
Dit is so My vra
Kan dit van nou af asseblief anders wees

My hart is vir julle kinders
Altyd-deur
Sê Daddy-God
Ek wil so graag dieper verhouding met jou hart bou

Oe Ek vra dit so gereeld
Sê Daddy-God
So gereeld
Kinders sien julle My vra?

Oor en oor
Oor en oor
Oor en oor
Nooi Ek hierdie wêreld nader aan My

Het julle al gesien kinders
Het julle al gesien
My hart is vir julle
Altyd

Daar’s min mense wat dit altyd glo
So min
Sê Pappa
Veral as moeilike tye kom klop

Vir van die mense op planeet aarde sê Pappa
Is dit nooit ‘n goeie tyd
Om My beter te leer ken
Ek hoop dat dit vir jou anders sal wees

Ja liefste kind
Dit is Pappa se vra
My konstante vra
Sê Daddy-God

Dis net omdat Ek weet
Liefste kinders
Hoe groot en ondeurgrondelik diep My hart se skatte is
Dat Ek vra

Kinders sê Pappa
Julle kan nooit ooit ophou soek
Dit kan net nie gebeur
Nie as julle sien wat nog op julle wag

Horisonne breed kind
Horisonne breed
Dit is My hart
Vir elkeen

Julle kan gerus
Sê Abba-God
Ook begin vra
Na die dieper skatte wat My hart verberg

Dit hoef nie altyd
Sê Pappa-God
By noodgevalle en skietgebedjies te bly
Kind daar’s soveel meer

Soveel meer sê Pappa
Soveel meer
Wat wag om deur jou liewe kind
Ontdek te word

Vra My vir wysheid kinders, liefstes
Vra My vir meer
Vra My om julle te leer
Oor die diep skatte wat in My hart weggesteek lê

Oe kinders
Sê Pappa-God
Hulle wag
Die lessies van wysheid wat My hart vollê

Kom vra My gereeld
Liefstes
Kom vra My altyd
Pappa, meer

Oe die mooi wandelpadjies
Wat wag om geloop te word
Oe die opwindende road-trips
Wat op ons wag

Kinders
Sê Pappa-God
Die lewe saam met My
Is nie vervelig nie

Oe kinders
Sê Pappa-God
Dis net die wat My nie rerig ken
Wat so iets kan sê

Oe dieper
Sê Pappa-God
Kind kom klim dieper in hierdie hart van My
Wat vol goud lê

Oe kinders
Sê Pappa-God
Net soos wat delwers ondergrond vir goud delf
So moet julle dieselfde doen

Kinders sê Pappa
Kinders asseblief
Vra Pappa vir meer
Dis al hoe Ek julle kan wys waar hulle lê

Begin soek liefstes
Begin soek na meer
Vra My sê Pappa-God
Daddy maak my honger vir meer

Ja kinders sê Pappa-God
Partykeer is dit so
Partykeer bly die lus ontbreek
Maar daar is iets wat ons daaraan kan doen

Oe liefste kinders
Sê Pappa-God
Vra My vir meer
Sien wat Ek kan doen

Daddy se kinders
Myne
Liefstes
Met opregte vra kan Ek soveeeel doen

Ja My liefste kinders
Ja dit is so
Julle kan dit gerus glo
Die eerste tree gee

Oe My hart is diep
Onverklaarbaar diep
Ongeewenaar liefstes
Die skatte wat in hom lê

As julle net altyd sal bly vra
Daddy dieper
Daddy meer
Selfs al is jy geseën met mooi alreeds van My hê

Kinders sê Pappa-God
Asseblief julle moet altyd-altyd
Onvergenoegd bly
Met die skatte wat Ek gee

Ja sê Pappa-God
Opreg opgewonde en bly
Maar tog met die duidelike weet
O my word daar is meer!

Ek wil hê julle moet aanhou
Liefste kinders
Asseblief
Om opgewonde oor My te wees

Daar is min mense
Sê Abba
Min mense wat opgewonde raak oor My
Oe dit maak so seer

Ek wil hê julle moet begin besef kinders
Mense soos daai
Het seker nog nie eens 1% oor My ontdek
Al dink hulle gereeld so

Vra My maar nou
Sê Abba
Vra My maar nou
Ek sê jou Ek dink dis die probleem

Mense glo My nie sê Abba
Mense glo My nie
Hulle laat My nie toe
Om hulle lewens met reënboog-kleure te versier

Oe kinders sê Pappa-God
Asseblief luister vir My
Julle wat nie met diep hemelse vrede in julle harte sit
Julle wat dit met groot moeite skaars regkry om te glo

Oe sê Pappa
Oe
Asseblief luister vir My
Luister na wat Ek vir jou sê

Kind sê Daddy-God
Daar is ‘n vreugdevolle fontein van lewende water
Wat Ek wil hê
Moet in jou hart ontspring

Ja-kind sê Daddy-God
Hy is daar
Hy moet net op-borrel
En begin spuit

Oe kind sê Pappa-God
Nou is hy dalk verstop
Nou weet jy nie lekker wat Ek sê
Maar kind glo My jy sal weet wanneer hy oopbreek

Kind sê Daddy-God
Glo vir My
Glo vir My
Dit is so

Daar is soveel mense
Sê Daddy-God
Wat sal kan getuig
Van die waarheid wat Ek nou sê

Baie mense sê Pappa-God
Baie mense
Voel baie kere
200% splinternuut na ‘n ontmoeting met My

Kind sê Daddy-God
Kind
Dit is die wonder
Dit is die mooi van My waarlik ontmoet

Die wêreld se hart vir jou My kind
Is nie eers halfpad so mooi soos Myne vir jou
Kind sê Daddy
Asseblief jy kan My glo

Sy vertel vir jou baie leuens
Sê Daddy-God
Baie gereeld
Oor wie Ek eintlik is

Ja-nee net soos Satan in die tuin van Eden
Hy is altyd besig sê Pappa-God
Om jou te probeer kry
Om My woorde in vertwyfeling te trek

Het God rerig gesê
Is dit rerig so
Oe kinders sê Pappa-God
Julle moet versigtig wees

Sy gaan aanhou sê Daddy-God
Sy gaan aanhou
Die hoer van hierdie wêreld
Om skeiding tussen ons twee te probeer bewerkstellig

Oe kinders sê Pappa-God
Julle moet bewus wees
Altyd bewus
Van die aanvalle wat sy loods

Kind sê Daddy
Geliefde van My hart
Pappa s’n
Asseblief luister na My

Luister gereeld
Luister mooi
Dis wat Ek vra
Dis hoe julle veilig bly

Sy probeer verlei
Mislei
Dis gereeld haar missie
Dis iets wat sy dikwels regkry

Mense sê Pappa-God
Oor die algemeen
Is nie eintlik geroot
In wie Ek rerig is

Oe nee sê Pappa-God
Daar is groot getalle
Groot getalle mense
Wat nie reg oor My glo

Die kat het hulle beslis aan die verkeerde stert beet
Oe nee sê Pappa, beslis
Dis nie Ek van wie hulle praat
Ek weet hulle dink baie maal so, maar oe hulle is so verkeerd

Word wys kinders
Asseblief
Met julle aantuigings
Julle is besig om My goeie naam deur die modder te sleep

Dis hoekom sê Abba
Ek niks van skinderstories hou nie
Dit staan My net nie aan nie
Ek het glad nie ooghare daarvoor nie

Oe kinders
Ek vra weer
Glo reg
Praat reg

Dis gevaarlik
Baie baie gevaarlik sê Pappa
En ook geniepsig
Om stertjies aan stories te las

Oe sê Daddy, oe
Daar is soveel waarheid in hierdie wêreld
Wat geminag word
As gevolg van stories

Vat nou maar My Woord as voorbeeld sê Pappa
Dis die mooiste egste waarheid
Wat ooit kan bestaan
Ja kom ons vat My Woord

My Woord
Kan nie belieg, besteel of beseer
Dis gereeld dat Ek tussen die mooiste bladsye wag
Gereed om jul te leer

Kinders sê Pappa
Asseblief kan Ek vra
Julle moet begin om die stories oor My kort te vat
Met die waarheid wat My Woord bevat

Kinders asseblief
Vra Pappa
Dis al hoe julle bestand gaan wees
Teen die leuens oor My wat die wêreld vollê

Kinders vra Pappa
Gereeld
Asseblief
Begin om jouself die waarheid oor My te voer

As mense die waarheid oor My
Maar net so vinnig verorber het
Soos die leuenstories oor My
Hoe wonderlik sou die verhouding tussen My en aardse mense nie wees

Oe ja
Dit is so
Hierdie wêreld en ons liefde vir mekaar
Sou so wonderlik wees

Die probleem is net
Sê Pappa-God
Daar is soveel van julle
Wat nog aan Satan se leuens oor My wil vashou

Hoekom vra Pappa
Hoekom blyk dit so maklik vir jou te bly
Liefste wêreld
Om die verkeerd oor My aan te hoor en te glo

Ek wil so graag hê
Sê Pappa-God
Dat julle met die grootste bewondering in julle oë na My sal begin kyk
Hoekom kan dit nie so wees?

Kinders van die wêreld
Vra Pappa-God
Kom nader aan My
Asseblief begin om reg van My te glo

Julle is verkeerd
Verkeerd
Verkeerd
En Ek wil so graag hê julle moet reg begin sien

Reg kinders
Sonder die alewige bedrieg van Satan
Wat sy sin kry
Met die stories oor My wat hy saai

Oe kinders
Sê Pappa
Kom vind My
Kom vind die waarheid wat Ek nou praat

Als is waar kind, so so waar
Jy sal dit sien kind
So duidelik
As jy net wou begin glo

Begin glo in God kinders van die wêreld
Begin glo in Sy Seun Jesus Christus
En julle sal sien
Oe julle sal sien en vind wat Ek sê is sooo waar

Amen.

Troontjie van die hart

U is die lewe wat binne my leef
My asem
My hartklop
Ek gee U alleen grote Koning al die eer

Soveel kere Pappa
Sing ons hierdie woorde vir geliefdes
En dis mooi Pappa
Maar hoort dit so?

Ek dink nogals
Gereeld daaraan Pappa
Wat sê U daarvan?
Wat dink U daaroor?

Is dit ‘n goeie ding
Pappa
As ons hartklop en asem
Afhang van ‘n mens?

Pappa dit ontstel my partykeer
Maak my baie bang
Want dan dink ek
Besef die wêreld watter toestemming hulle die duiwel daarmee gee?

Oe Pappa se kinders
Nooit ooit is dit ‘n goeie idee
Om Satan soveel mag te gee
Met die woorde wat jy sing

Julle sing dit vir mekaar
Liewe wêreld
Oor en oor
Keer op keer

Julle moet dit asseblief nie doen
Asseblief
Julle moet begin besef
Dit is so verkeerd

Daai woorde
Liefste kinders van die wêreld
Pappa se kinders
Behoort aan die enigste een wat waarlik waardig is

Ons Pappa in die hemel
Jesus Christus
Dit is hulle alleen
Wat die hoogste bewondering verdien

Ons maak dikwels verkeerd
Liewe vriende
Ons besef nie
God is groot en Hy is ware lewe

Ons sing dikwels
Oor en oor
Vir mense die verkeerde woorde
Woorde wat nie eg of waar kan wees

En ek besef liewe wêreld
Ek besef sê Pappa se kind
Julle sê daar is niks met dit verkeerd
Dit is maar hoe ons liefde wys

Pappa se kinders
Myne, Myne, liefstes
Hoor asseblief wat Pappa sê
Dis verkeerd

Myne
Asseblief sê Pappa-God
Wanneer gaan julle verstaan
Wanneer gaan julle sien God is groot?

Kinders sê Pappa
Dit gebeur net te dikwels
Dat julle mense plaas op die troontjie
Wat eintlik aan My behoort

Julle gee julle geliefdes
Dikwels die eerste plekke in julle harte
Met die woorde wat julle sing
En julle besef nie eers dit is so

Kinders sê Pappa-God
Liefste liefste kinders
Asseblief julle moenie meer so maak
Kom leer van My

Julle harte My liefste kinders
Wil Ek so graag hê
Moet heel eerste aan My behoort
Ek heelbo aan jou prioriteitslysie

Daddy sê dit gebeur gereeld
My liefste kinders
Dat julle tyd saam met My opgee
Om konstant saam met julle geliefdes te wees

Is dit so
My liefste kinders
Is dit so
Pappa wil net vra

Julle weet diep binne
My liefste kinders
Wat die waarheid is
Julle weet of die eerste plekkie in julle hart aan My of ‘n ander behoort

Ek wil graag hê sê Pappa-God
Dat julle sal begin besin
Dat julle sal begin wys raak en julleself vra
Is God rerig heelbo vir My?

Kinders sê Pappa
Vra My
Ek sal julle sê
As dit waarlik so was sou julle moeilik daai woorde kon sing

Ja My liefste kinders
Dit sou onmoontlik wees
Want julle sou diep binne besef
Dis afgodery, dis nie reg

Oe dis so die probleem
Sê Pappa
Daar is soveel-soveel mense
Wat verkeerd doen as dit hierby kom

Oe Pappa se kinders
Myne
Liefstes
Ek vra julle, raak slim

Raak wys dogter, seun
Raak wys met wat julle doen
Wat julle doen
Pappa vra weer

Dit gebeur net te gereeld
Sê Pappa-God
Dit gebeur net te gereeld
En Ek wil dit graag nie meer so hê

Oe Pappa se kinders
Luister asseblief vir My
Niemand kan ooit die hoër plek as Ek
In jou hart besit

Pappa se kinders
Myne, liefstes
Dit kan nie gebeur
Dit mag nie gebeur

Julle kan dit nie toelaat
Liefstes
Dis so gevaarlik
Dis hoe julle ‘n oop deur vir die vyand gee

Om love-songs liefste kind
Vir jou man of vrou te sing
Dit bly mooi, Ek stem
Wees net versigtig met die woorde en die mag wat julle Satan daardeur gee

Sien kinders
Sê Pappa-God
Julle is besig om glaskastele te bou
Hoop wat kan vergaan as die verhoudings nie standvastig bly

En sien
Sê Pappa
Dit is waar die probleem lê
Met die tipe liedjies wat julle sing

Oe Daddy-God se kinders
Dit is die probleem
Julle wat moed-verloor met die lewe en nie meer wil aangaan daarmee
Wanneer die verhoudings skipbreuk ly

Lees meer hier…

Lees meer

Prag van gebed

Diep, diep, diep mooi is God se hart
Wow!
Het jy dit al ontdek
Boetie, sussie in God

Ek weet nie of ek ooit
Genoeg daarvan sal kan kry
Dis so mooi!
God is mooi!

Wow ek weet nie
Ek weet nie of woorde kan verwoord
Hoe ek diep binne voel
‘n God wat so baie omgee

Om ons meer oor Hom te kom leer
Om ons te kom vertel
Hoe algeheel wonderlik Hy is
Om ons verkeerde glo oor Hom ore te kom aansit

Ek’s so dankbaar
So dankbaar ek kon God
Op ‘n dieper manier vind
Sy hart naspoor

Dis ‘n voorreg wat deur Sy Seun
Jesus Christus aan almal behoort
Dis nie net my beskore
Maar elkeen!

Ek wonder, sal meer mense
Die mantel van voorreg en geniet optel
En om hulle skouers gooi
Sal hulle vra vir meer?

Kinders van Abba
Kinders van die wêreld
Dis al wat ons nodig het om te doen
Ons moet net nader aan Hom beweeg

Ons kan nie bekostig
Mense van die wêreld
Om nie God se hart na te spoor
Nee Hy is wonderlik mooi!

Dit sal so groot verlies wees
Vir elkeen
Wat met hierdie offer in hulle hand staan
En dit dan van die hand wys

Oe ja-nee kyk
Ek weet nie
Ek weet nie
Hoe kan julle dit regkry

Die God van hemel en aarde
Die ewige mooi Een
Hy staan voor ons en sê leer My ken
En ons sê nee?

Tog, tog is dit iets
Wat ons so gereeld bly doen
Ons wys God die deur
Omdat ons plastiek in ons lewens wil hê

Ja dis nou maar
Wat ek al daai vals gode noem
Wat so met God
Vir ons tyd en aandag kompeteer

Oe hoe hartseer is dit tog
Dat ons God dit moet doen
Hy moet probeer om kers vas te hou, in ons harte
Teenoor dit wat glad nie kompetisie is vir Hom

Maar ja
Dis wat ons Hom dwing om te doen
Ons dwing Hom
Om vir ‘n plekkie in ons hart mee te ding

Dalk het ons ‘n openbaring van God
En Sy grootheid nodig
Dalk het ons nodig om te besef
Hoe eintlik absurd dit is

Ja-nee want kyk
Om ons Pappa-God
Met die ander gode in hierdie wêreld te vergelyk
Maak net nie eintlik sin

Dis nie dat ons God
Groter is as hulle nie
Dis net die feit dat Hy bestaan
En hulle eintlik nie

Ja by hulle is daar net geen hartklop te vind
Maak nie saak hoe ons probeer
Die enigste een wat waarlik lewe in hulle kan blaas
Is ons God

Ja dit is ‘n bietjie vreemd om so daaraan te dink
Maar glo vir my
As die grootste buddha op aarde kon opstaan en leef
Sou selfs hy op sy knieë neerval en ons God aanbid

Oe ja hy sou verlief wees op ons God
Net soos ek nou is
Wanneer ek aan my God
Se grootheid en almag dink

Ja Buddha is mos ‘n wyse man
‘n Baie wyse man met baie wyse sê-goed
Ek is seker hy sou dadelik die Waarheid herken
As hy sy oë sou kon oopmaak

Dalk Abba, dalk is dit waarvoor ons moet bid
Dat Buddha sal begin leef
En dat hy sommer dan self
Vir sy volgelinge die waarheid sal vertel

Oe Abba ek weet nie
Ek weet net
U is groter as hy, soveel groter
En U leef waarlik Heer

Oe Abba ek wens
Ek wens en ek hoop
Eintlik moet ek ook bid
Dat sy volgelinge se oë sal oopgaan

Abba daar’s te veel mense
Te veel mense op aarde
Wat in die verkeerde god glo
Hulle oë het so nodig om oop te gaan

Ja Abba, ja dit is so
U weet dit
U weet van al die wierook
Wat elke dag voor dooie gode se neus opgaan

U ruik dit Abba
En vir U stink dit
Net soos vrot vleis
Want U is die een wat alle lof en prys verdien

Daddy ek dink
Ek probeer dink hoe dit vir U voel
U wat elke mens se Skepper is
Tog is daar soveel wat U nie erken

Dit is so Abba
Daar is baie mense wat nie weet
Wat nog nie gehoor het
U is hulle Skepper-God

Ja Abba vir baie van hulle wat so glo
Is dit oorleweringe
Wat al vir jare saam met hulle kom
Oorleweringe waaraan hulle nou nog vashou

Abba elke mens
Het die begeerte om iets te aanbid
En as dit nie U is
Sal dit iets anders wees

Tog wil ons vandag vra Abba
Tog wil ons dink aan almal
Wat nie glo in U as hulle enigste God
Abba sal U asseblief hulle harte nader aan U trek?

Abba ons weet dat dit ook U begeerte is
Ons weet dat U so graag wil hê
Hulle moet by U uitkom
Hulle moet U erken as Verlosser en Heer

Soveel mense Abba
Het Jesus nog nie ontmoet
Soveel mense weet nie
Hy is die deur na U huis en U hart

Oe Abba U is so groot
En U is so goed
Die blote feit dat U nie opgee op verlore mense
Is vir my so mooi

U is altyd besig
Om hulle te bearbei
U is altyd besig
Om saad van hoop in Christus in hulle harte te saai

Oe Abba mag hulle vind
Elkeen wat nie in U en Jesus glo
Mag hulle vind
Dat net U die ware lewe is

Abba dis hartseer
Dis hartseer as mens sien
Hulle is besig om die verkeerde god
Met soveel passie te dien

Oe Abba sê Daddy se kind
Dis so hartseer
Ek wens ek kon hulle help
Om U te sien, om U te vind

Oe Abba se kinders
Sal julle saam met my bid
Vir die verlore siele
Wat nog nie rus in ons God kon vind

Ons gebede kan hulle inbring
God se kinders
Ons gebede kan ‘n groot verskil
In hulle lewens maak

Oe ons moet nooit ophou bid
Nooit nie
Ons moet die mense wat nie in Christus glo
Altyd in gebed onthou

Ons gebede kan hulle inbring
Ons gebede kan hulle red
Hou aan bid boetie, sussie
Moenie ooit daarmee ophou

Ons hoef nie by hulle te wees
Om vir hulle in te tree
Dis die prag van gebed
Dit werk oor grense heen

Ja-nee kyk
Geen gebed is sonder krag
Veral nie as hy eerlik, opreg
En tot God gerig word

Ons Abba kan soveel doen
Hy kan soveel-soveel doen
Met die gebede wat ons bid
Vir die mense waarvoor ons intree

Oe Abba se kinders
Nooit ooit moet ons ophou
Ons Vader is op die troon
En kan-enige-iets-doen is Sy tweede Naam

Vir vervolgde Christene
Moet ons ook bly bid
Ons boeties en sussies wat so swaarkry en ly
Alles omdat hulle die Naam van Christus bely

Oe boeties, sussies
Die verskil wat ons op aarde kan maak
As ons bly bid
En nooit daarmee ophou nie

Ek dink nie ons sal ooit op aarde
Die volle impak van ons gebede sien
Tog moet ons aanhou daarmee
Nie ooit ophou

Die vrugte wat dit
In geloof voortbring
Oe dit is so mooi
Dit is waarlik-waarlik mooi

Hou aan daarmee
Kinders van God
Hou aan daarmee
Dit is waarlik-waarlik nodig

So nodig
So mooi
Wanneer julle bid vir julle boeties en sussies in My
Raak dit rerig My hart

Hulle het julle nodig
Liefste kinders
Elkeen van julle boeties en sussies
Wat swaar ly vir My Naam en Koninkryk

Hulle het nodig
Liefste kinders
Dat iemand hulle voor My troon sal onthou
Dat iemand vir hulle sal intree

Oe die wêreld is donker sê Abba
So, so donker
Steeds is daar hoop
Hoop dat als kan beter raak

Hou aan liefste kinders
Hou net aan
Om julle gebede vir hulle
Voor God te bring

Elkeen antwoord Ek
Sê Abba-God
Geen een van hulle
Gaan onbeantwoord by My verby

Amen.