Byt vas, Liefde so groot

Golgota se oë

U is liefde sag
Pappa so baie dankie daarvoor
Dat U nie ooit veroordeel nie
Dat U bly nader nooi

U gee nooit op nie
Dit gee my soveel krag
Vir aangaan
Vir nie-moed-verloor

Abba so-so dankbaar is ek
Dat U my altyd naby hou
Dat U liefde sag is
Dat U my nooit sal verlaat

Daddy dit beteken so baie vir my
Dis alles-alles
Wat ek nodig het
Rerig net dat U nooit op my sal opgee

Hoe kry U dit reg Abba
Hoe doen U dit
Weet U rerig
Dis my anker

Dis wat my bly dra
Deur die wêreld se seer
Dis wat my elke keer help opstaan
U wat nie opgee

Wow Pappa, wow
Wow wow wow
Hoe sê mens dit genoeg
Kan mens genoeg dankie sê

Ek dink nie ons verstaan Pappa
Nie voldoende nie
Wat dit beteken as U sê
U is lief vir ons

Dit het my krag geword Abba
My alles-alles
My alles
My rede vir aangaan

Omdat U in my glo
Kan ek in myself glo
Dis my rede
As ek deur U oë na myself kyk

Hoe het U sulke mooi oë Abba
Hoe doen U dit
Die bril van die Kruis
Wow dit is so mooi

Dis oë wat sê
Daar is geen veroordeling nie
In Christus
Kan jy net bly groei

Sjoe Pappa
Dit is die mooiste oë
Wow, wow, wow
Om deur U oë na onsself en mense te kyk

Dis oë van genade
Abba
Dis rerig oë van genade
Dit is hoe U kyk

Dis die mooiste oë Abba
En ek wil net dankie sê
Baie baie dankie daarvoor
Die lig van genade in U oë

By God
Is daar geen onreg
Geen sleg of lelik
Kan in Sy aangesig oorleef

Dit is hoekom
Ek deur Jesus gaan
Voor Abba se troon gaan staan ek net
As ek Jesus se bloed aanhet

Ja-nee kyk
Net niks anders
Sal ooit God se Seun
Se plek kan vat

Nee-wat dit werk nie so
In geen niks iets anders
Is daar soveel hoop te vind
As in die Seun

Deur Hom kan ek
Deur Hom kan ek
Met volle vertroue en waardigheid
Abba se troon nader

Wag op My
Sê Hy altyd
Wag op My
Ek wil jou meer leer

Meer van My goedheid
Meer van My genade
Ek wil hê jy moet deur My oë
Na mense om jou begin kyk

Ja dit is so waar
Sê Abba se Seun
Sonder My kan julle nie
Kan julle nie voor Vader se troon kom nie

Dis Ek wat julle wit-was
Al julle sonde weg-was
Ek’s die Enigste Een wat ‘n nuwe lewe en begin gee
Ek die Enigste Een

Dankie, dankie
Kinders van God
Dat julle altyd kom hoor
Altyd by My kom stilsit

Dankie dankie dankie
Vir die tyd saam met My
Julle harte vertel vir My
Die mooiste stories van dankbaarheid

Dankie-dankie
Liefstes van My hart
Sê Abba
Dankie vir als wat julle vir My beteken

Julle harte is so oop
As julle alles met My deel
Alles My kinders
Alles moet oop

Dis julle hartoop
Ek kan sien
Niks wil julle vir My wegsteek
Oe dit is so mooi

Dankie liefste kind
Dankie daarvoor
Die mooiste oop gesprek
Kan ons dan met mekaar voer

Dis vir My so lekker
So lekker as jy niks wegsteek
As jy kom
En net alles met My deel

Dis vir My so mooi
Ek is baie-baie lief daarvoor
Baie-baie lief
Daarvoor

U liefde sag
Abba dit gee soveel-soveel hoop
Elke dag in my hart
Ek wil net dankie sê

Amen.

Advertisements
Blinde oë, Byt vas, Liefde so groot

Donkies & Wortels

Saggies
So saggies
Nooi U my nader
Kom kind daar is soveel meer

Soveel meer stories
Wat wag om geskryf te word
Soveel meer stories
Om te vertel

Kinders daar is meer
Soveel meer as waarvoor julle baie dikwels ja sê
Kom kinders
Kom spring in!

Die diep kant
Sê Pappa-God
Van My genade, liefde en vrede
Is nog nie gevind

Kinders daar is soveel meer!
Soveel meer My liefste kinders
Wag om met julle gedeel te word
Soveel meer, soveel meer!

Kom spring in
Kom swem sê Abba-Vader
In die strome van My seën
En mooiste alwysheid

Baie mense bly blind
Sê Pappa-Vader
Baie blind en horende doof
Vir wat Ek vir hulle wil wys

Kinders sê Pappa
Julle maak dit vir My ongelooflik moeilik
Om julle by die mooiste mooi
Wat hierdie wêreld kan bied uit te bring

Kinders sê Daddy-God
Julle is soos volbloed steeksdonkies
Wat verwoed bly vasskop
As Ek julle met ‘n wortel dieper My goedheid wil in lei

Oe kinders sê Pappa-God
Julle moet asseblief nie so verwoed tee baklei
Nee liefste kinders sê Daddy-God
Nou-nou steek iets onnodiglik vas

Ja kinders
Sê Pappa-God
Soos ‘n pyn in jou been
Van al die gestyf trek

Nee sê Pappa-God
My kinders kom asseblief veel eerder
Nader aan My
Kom sien wat Ek vir julle instoor hou

Hierdie gerondskoppery
En vassteek-ery
Oe kinders sê Pappa-God
Asseblief dis tyd dat julle dit stopsit

Julle verwoede baklei
Sê Pappa
Bring julle net nêrens
Dit laat julle veel eerder verloor

Ja kinders
Sê Pappa-God
Dis dalk ‘n goeie idee
As julle net ‘n bietjie laat los

Ja-nee sê Pappa
Ja-nee
Net ‘n bietjie laat los van die leuens oor My
Waaraan jy so vashou

Oe Pappa se kinders
My liefste kinders
Sal julle asseblief veel eerder luister
Na My hart se opregte deel?

Ek’s lief vir julle
Wêreld
So baie lief
En dis net nie vir My reg dat julle so verlore is

Van die Begin
Sê Abba-God
Het Ek ‘n plan gehad
Om julle terug te bring

Kinders dit was so volledig
Al wat julle moet doen
Is ja sê
My offer van liefde en genade-vergifnis aanneem

Daddy se kinders
Kinders van die wêreld
Kan julle nie sien
Dit is soos die beste aanbod wat enige iemand julle ooit kan bied

Ja sê Pappa-Vader
Dis soos die beste kontrak ooit
Al wat jy moet doen
Is jou kant teken

Ja liefste kinders
Sê Pappa-God
Jou deel van die kontrak sê basies
Dat jy beloof om My liewer te kry, elke dag net ‘n bietjie meer

Ja My liefste kind
Kind van die wêreld
Dit sê ook Ek het nie jou sonde verdien
Maar tog het Ek dit op My geneem

Ja sê Pappa-God se Seun
Om die wêreld en jou te bevry
Van die sonde se seer
Het Ek dit kom doen

Ja-nee sê Pappa se Groot Seun
Vir My was dit verskriklik
Ek kon nie toelaat dat julle vir altyd in sonde se kettings vassit
Toe kies Ek gehoorsaamheid aan Abba se plan

Ja dit was nie aldag maklik
Sê Pappa se Seun
Om in hierdie wêreld en sy probleme vas te loop
Is nie altyd vet pret nie

Ja-nee van julle weet so goed
Waarvan Ek hier en nou praat
Julle weet hoe dit is om swaar te kry
Selfs as julle dit nie verdien

Ja-nee sê Pappa-God se Seun
So verstaan julle dalk ‘n bietjie meer
Oor wat Ek
Hier op aarde moes deurmaak

Partykeer
Sê Daddy-God se Seun
Het dit vir My gevoel Ek verdien die dood
Want mense wou My net die heeltyd veroordeel

Ek het net nie meer tred gehou
Sê Abba se Seun
Ek kon nie
Met als wat hulle gesê Ek het verkeerd gedoen

Oe dit was nie maklik nie
Sê Abba se Seun
Net soos wat Ek seker is
Dis nie altyd vir julle maklik nie

Maar dis so die moeite werd
Sê Abba se Seun
Om deur te druk
Om sterk te wees

Ja sê Daddy-God
Dis dikwels wat julle val
Dis dikwels dat daar kere is
Wat julle net niks verstaan

Oe kinders
Sê Pappa-God
Sal julle verstaan
Dat ook Jesus deur swaar tye en lyding moes gaan

Jesus was dit nie gespaar nie kinders
Nee die wêreld se mense
Het Hom ook hard met hulle woorde geslaan
Oor en oor het hulle bedoel om seer te maak

Kinders julle verstaan dit so
Ek kan sien
Daar is baie kere mense in julle eie lewens, mense na aan julle
Wat julle met hulle woorde slaan

Kinders
Ek verstaan sê Daddy-God
Dit voel baie dikwels vir julle
Soos die sweep-houe wat Jesus moes verduur

Oe kinders
Sê Pappa-God
Ek weet dat dikwels
Mense se woorde julle baie seermaak

Ja kinders, ja Pappa weet
Baie mense gebruik hulle ligtelik
Daar is baie mense wat net te gereeld
Te vinnig praat

Oe kinders sê Pappa-God
Oe kinders
Kan Ek julle vertel
Ek weet hoe dit is

Ek weet hoe dit voel om afgejak te word
Ek weet hoe dit voel
As My en My opinie afgemaak word tot niks
Kinders Ek weet hoe dit voel

Ek weet hoe dit voel
Sê Daddy
Want dis iets wat so baie gereeld
Elke dag met My gebeur

Dis nie maklik nie
Né kinders
Om My in oog te hou
En te sê als is okay

Dis moeilik My kinders
Dis moeilik
Ek weet
Ek verstaan

Ek wil julle tog leer
My liefste kinders
Om julle opinies
Rondom Myne te bou

Ja My liefste kinders
Al wat naderhand vir julle belangrik moet wees
Is Ek
En hoe Ek oor ‘n ding voel

Ja My liefste kinders
Dis belangrik vir julle om te begin besef
Daar is net een opinie
Wat waarlik tel

Ja My liefste kinders
Sê Pappa-God
Ek dink dis makliker om andere se opinies minder te laat tel
As julle weet wat Myne is

Ja sê Pappa
Ja Ek weet
Mense het altyd opinies
Maar dis Myne wat waarlik tel

Ek wil julle ook net leer
My liefste kinders
Ek wil hê julle moet weet
Dat My opinie baie meer as andere s’n tel

Ja sê Daddy
Ja kinders Ek verstaan
Mense gaan nie altyd van julle hou
Maar dis okay

Ja kinders
Ja sê Daddy
Ek verstaan
Maar tog moet ons aanhou om vir Lig te staan

Ons kan nie aanhou kinders
Om weg te trek
En stil te bly
Wanneer verkeerd aan jou deur kom klop

Nee My liefste kinders
Nee
Stilbly is nie altyd die antwoord
Vra My wanneer jy iets moet sê en wanneer nie

Ek weet kinders
Ek weet sê Daddy-God
Die waarheid gaan altyd vir mense ontstel
Maar tog het hulle nodig om dit te weet

Ja My liefste kinders
Ja
Julle het seker al gesien
Baie mense hou nie van die waarheid nie

Kinders sê Pappa
Hulle sê dit maak seer
Kinders sê Pappa dis partymaal nodig
Sodat Ek julle by vryheid kan uitbring

My waarheid val nie altyd sag op die oor nie
Sê Pappa
Baie kere nie
Kinders dit is so

Mense hou maar oor die algemeen
Meer van die donker goed in hulle lewens verdoesel
Hulle wil nie hê die Lig van God moet daarop val
Hulle wil met dit bly wegkruip

Ek wens so mense wou besef sê Pappa
Dat Ek die LEWE is
En die Lig
En dat net alles wat goed en mooi is van My af kom

Julle is so verkeerd
Sê Daddy-God
Julle wat so verkeerd glo
Hoekom wil julle nie na die Lig kom

My hart is baie kere seer
Baie kere as Ek sien
Mense vat die wêreld se opinie
Altyd baie meer as Myne

Dis vir My verskriklik
Sê Daddy
Tog kan Ek nie keer
Dit waarvoor die mense hulle eie wil gebruik

Oe kinders van die wêreld
Sê Pappa
Julle het altyd ‘n keuse
Altyd meer as wat julle besef

Julle besef dikwels nie
Sê Pappa-God
Die waarde van julle woorde
Die krag van julle besluite

Ek wil julle eintlik ook maar net vra
Kinders begin wys word
Met die woorde wat julle sê
Vra julleself is dit nodig, is dit nuttig

Ek weet sê Abba-God
Ek weet daar kom kere
Wat julle begin twyfel
Is Ek net goed?

Daar is party kere
Wat julle rerig daaroor wonder
Wat julle wil begin opgee
Omdat julle nie reg glo

Kinders dit is partykeer moeilik
Dis moeilik om te verstaan hoe Ek te werk gaan
Maar sal julle asseblief weet
Ek weet wat Ek doen

Dis baie kere
Dat julle vergeet
Ek groter is
En dan probeer julle My met julle klein verstaan kleinkry

Oe kinders
Sê Pappa-God
Dit kan nie gebeur
Ek wil dit graag-graag vir julle sê

Wanneer julle iets nie lekker verstaan
Kinders kom vra vir Pappa
Leiding, Goddelike verstaan
En geduld

Oe Pappa se kinders
Myne
Party kere gaan goeters vir julle grieks bly
Tot veel later

Ja party kere sê Pappa-God
Sal ‘n jaar of twee verbygaan
Voordat My Woord in vervulling gaan
Oor iets wat Ek gespreek het

Kinders sê Pappa-God
Dikwels gaan julle ‘n jaar of wat wag
Voordat gebeur
Wat Ek belowe het

Ja liefste kinders
Sê Pappa-God
Baie kere het My beloftes ‘n wag-tydperk
Net soos wat Abraham vir Sy beloofde seun Isak moes wag

Ja sê Pappa-God
Ja
Party gebeur dit dat mense hulle eie planne begin maak
Wanneer die wag-tydperk nie meer ‘n plesier is

Ja-nee sê Pappa-God
Dit gebeur gereeld, baie kere
Dat mense My beloftes aan hulle
Vroeër wil ryp hê

Ja sê Pappa
Dis dan wat eie planne gebeur
Eie planne wat maak
Dat hulle dinge in eie hande neem

Dis nie ‘n plek
Sê Pappa
Waar Ek My kinders wil hê
Nee dit kan gevaarlik raak

Ja kinders
Sê Pappa-God
Net soos Sara se slim plan
Om vir haar en Abraham ‘n seun te verseker

Ja sê Pappa-God
Sien
Dit gebeur baie kere dat mense dink
Ek benodig ‘n bietjie hulp

Ja sê Pappa
Baie kere is mense baie gretig
Om My planne vir hulle lewens aan te help
Ja kinders net soos Sara met haar slavin se seun

Oe kinders sê Pappa-God
Ek wil julle so graag geduld en vertroue in My leer
Geduld wat sê God se tyd is die beste
Vertroue wat sê God se hart is mooi

Geduld en vertroue soos dié
Is maar min te vind sê Abba
Op hierdie aardbol
Baie min

Mense is te gretig
Sê Abba-God
Hulle soek net altyd
Hulle wil en baie gou

Mense sê Daddy
Kan baie kere baie dinge laat gebeur
Tog kom daar kere in elkeen se lewens wat hulle weet
Net God, net God kan nou iets doen

Oe Pappa se kinders
Ek wil julle vra om te leer
God is getrou
En Sy tydsberekening is goud

Ja My liefste kinders
Ja
Pappa sal julle partymaal toelaat om ‘n detour te gaan loop
Voordat Ek julle bring by die plek voorberei

Dis vir My kinders
Om te besluit
Ja sê Pappa-God
Ja dit is so

Partykeer gebeur dit
Sê Pappa
Dat mense vasskop net soos ‘n steeksdonkie
Tog is daar enkeles wat My toelaat om voor te loop

Oe en is dit nie vir My mooi
Daai mense wat sê
Ons het gekies, Here loop voor
Waar U lei sal ons gewillig volg

Kinders Ek weet sê Pappa
Ek weet
Dis nie aldag maklik
Maar dis moontlik saam met My

Dis net omdat Ek julle wil uitbring
Kinders
By die beste bes en mooiste mooi
Voorberei vir julle

So Ek wil dankie sê
Sê ons groot Koning
Vir julle wat altyd glo
God is goed

Ek weet dis baie dikwels kinders
Moeilik om te glo
Moeilik om My te vertrou
As dinge om jou donker lyk

Tog is dit kind
Wanneer jou geloof die nodigste is
Wanneer dit die meeste beteken
Wanneer dit moeilik is

Ek wil julle aanmoedig liefste kinders
Kom nader aan My
Kom sien
Wat is voorberei vir julle

Genoeg wortels sê Daddy-God
Het Ek nou voor jou
Met die steeksdonkie-houding gehou
Nou is dit tyd dat jy volg

Ja kom nou My kind
Verlore kind, in-die-huis-kind
Kom volg My
Kom drink van die waters wat ewige rus beloof

Oe dié waters is so soet kind
So verfrissend
Julle sal dit so geniet
As julle net van die steeksheid wou laat gaaan

Kom nader My liefste kinders
Nader en dieper aan My
Kom swem in die waters diep
Kom geniet jouself

Ek het al gesê My kinders
Dis tyd dat julle saam met My
In die waters van hemelse geluk
Kom baljaar

Kom kinders
Kom nou
Kom gou
Soveel pret kan ons saam hê

My liefde is genoeg kind
Meer as genoeg
Om elke droë en dors stukkie in jou
Te les en te vul

Oe My kinders
Kom
Kom geniet saam met My die voorreg
Van Jesus in jou lewe hê

Kind sê Pappa-God se Seun
Geliefde kind van God
Dit is waarvoor Ek die prys vir jou en die wêreld se sonde betaal het
Sodat julle die vryheid in My kon vind

Lig en fladderend
Soos ‘n voëltjie
Kinders dis Ek
In elke hart wat My gevind het

Kinders sê Pa, die Hemelse Koning
Ek is nie swaar en vol straf
Oe nee sê Abba
Ek is vol LEWE en Lig

Kom geniet die wêreld
My kinders
Deur My oë
Saam met My

Daar is soveel
Soveel mooiheid in hierdie wêreld te vind
Kinders julle moet net begin om saam met My
Hand-aan-hand deur die lewe te stap

Dis Ek
Wat die lewe die moeite werd maak
Dis Ek
Wat soveel mooi in hom sit

Die lewe is ‘n lied
Oe kinders sê Pappa
Saam met My
Die mooiste lied ooit

Kom sing kinders, asseblief
Saam met My die hemelse akkoorde
Wat julle saai en doellose lewens
Optower in iets so vrolik

Die mooiste deuntjie
My kinders
Kan ons met julle lewens neurie
As julle My net wou toelaat

Kom nou kinders, kom nou
Van old school rock tot boere-orkes
Kinders sê Pappa
Ek weet van musiek-maak

Ja sê Pappa, ja
Ek weet baie van julle ken My nie so
Maar kinders asseblief kom vind uit
Dat Ek sit agter alles wat mooi is

Ek is die Skepper en Uitvinder daarvan
Hoe dan anders kind
Dit was eers by My
En toe kom dit deur jou

Ja kinders sê Pappa-God
Dit is hoe baie hemelse geskenke
Op aarde gearriveer het
Deur mense

Ja My liefste kinders
Ek is ook die Een wat sit agter elke ontdekking, uitvindsel
Wat hierdie wêreld al ooit gemaak het
Dis Ek wat die begeerte in mense sit om te ontdek, om te ontwerp

Oe dit is wel vir My so mooi
So mooi sê Abba
Daardie deursettingsvermoë
Waarmee die uitvinders te werk gaan

Oe ja sê Pappa-God, oe ja
Het julle al gesien
Oor en oor kere het hulle gefaal
Tog het hulle bly sê ek gaan nog een keer probeer

Oe kinders sê Pappa
Dit is wat die uitvinders op aarde
Laat verskil van vele ander mense
Daai van ek-gaan-nie-opgee

Dit, dit is vir My so mooi
Ja-nee Ek kan dit maar sê
Kyk net waar het dit hulle gebring
Baie van daai uitvinders se name pryk op die lys van Nobelprys-wenners

Oe dis mooi sê Abba
So mooi
Wat deursettingsvermoë kan regkry
Dit is hoekom My kinders Ek dit in julle ingebou het

Ja-nee sê Abba
Ja-nee
Alle mense besit dit
Net nie almal gebruik dit ewe gretig nie

Dis nog ‘n begeerte in My hart sê Pappa-God
Ek wil so graag hê
So graag hê mense moet besef
Die waarde waarmee hulle gemaak en aarde toe gestuur is

Ja dis vir My belangrik
Sê Abba
So so belangrik dat mense sal besef, elkeen
Hulle is hier met ‘n rede

Oe kinders sê Pappa-God
Oe kinders
Daar is soveel potensiaal in julle opgesluit
Voor die televisie-lê en laat-slaap wil net nie hê julle moet dit weet

Kinders sê Pappa-God
Kan Ek julle net vra
Begin committed raak
Al is dit net met een ding

Begin ‘n stokperdjie bou
Kinders ietsie wat julle kan geniet in stede van leeglê
En sien hoe vêr
Deursettingsvermoë in daardie area jou sal bring

Kinders Ek vra net tydjies
Tydjies om daardie potensiaal en goud in jou te ontgin
Ek wil so graag hê kinders
Die talente wat Ek in julle gesit het moet wakker word

Ja kinders, ja sê Pappa
Soos daai vlindersag soen
Wat die prins op die prinses se lippe laat in ‘n sprokiesverhaal
En sy dan ontwaak

Ja liefste kinders sê Pappa-God
Party van julle se talente sluimer al jare
Julle dink hulle bestaan nie
Al wat moet gebeur is dat julle hulle vind

Ja kinders, ja
Sê Pappa-God
Elkeen van julle het talente
Kyk net na dit wat julle verskriklik baie geniet om te doen

Is dit nou teken of swem
Is dit nou verf of hardloop
Kinders sê Daddy
Elkeen van julle het ‘n talent

Daar is soveel begaafde mense op aarde
Kinders sê Daddy die duiwel sê vir julle hulle is die enigstes met talent
Kinders sê Daddy dis nie so
Hulle het net al ontdek wat hulle talent is en daarmee begin woeker

Kinders sê Pappa
Ek sê weer
Doelgerigtheid en deursettingsvermoë verrig wondere
Probeer dit so keer of wat

Ja kinders, ja
Soveel kan julle op aarde regkry
Glo My
Julle is nie net gemaak om te bestaan

Soveel meer wag vir julle om ontdek te word
Soveel meer
Kom kinders begin hulle oopmaak
Die wonders van die lewe leef!

Oe ja die lewe het Ek gemaak
Sodat julle dit voluit kon leef
Sodat julle dit voluit kon geniet
Sodat julle nie vir ‘n inch minder hoef te settle

Ja sê Daddy, ja
Dit is dikwels dat dit gebeur
Dat mense settle
Sonder om waarlik ooit te leef

Kinders daar is wonderlike goeters
Wat julle op aarde kan ervaar
Wonderlike lieflike goeters
Wat die hart waarlik bly-maak

Hemel-geskenke
Noem Ek hulle sê Pappa
Of dit nou is uit-die-maag-lag
Of ‘n hemelse sonsondergang aanskou

Ek wou julle aandag maar net op dié goedjies begin vestig
Die goeters wat so opreg beeldskoon is
Die ware eg in die lewe
Nie die plastiek of namaaksel daarvan

Soveel opregte pret
My kinders
Kan julle uit hierdie wêreld put
Soveel, soveel opregte pret

As julle sukkel om dit raak te sien
Kinders vra My net
Vra My net
Ek wil julle so graag help

Om die ware mooi in hierdie lewe
Te begin raaksien
Oe hoe mooi is dit
Wonderlik-mooi voorwaar!

Die mooiste geskenk ooit
Is aan hierdie wêreld gegee
Die dag toe Jesus sê ja
Hy sal kom en herstel!

Oe so dankbaar is ek
So so baie dankbaar
Ons God is groot
Hy is waarlik wonderbaar!

Sy blink plan het gewerk
Vandag nogsteeds
Oor en oor
‘n Foolproof plan voorwaar!

Oe kinders van Abba
Kinders van die wêreld
Sal julle saam met my dankie sê
Sal julle saam met my bly vertrou?

Ja Abba-God weet beter
Baie beter as ons
En Sy hart sal ons bly vertrou
Totdat die einde van aardse tyd aanbreek

Ja Sy hemelse aangesig
Sal ons dan vir alle tyd daarna geniet
Sy hemelse aangesig
Wat skyn soos die son!

Amen.

Byt vas, Nuwe hoop

Gebroke drome

Hoor jy hoe Pappa
Aan jou hart se deur klop
Oor en oor vra Hy
Kind asseblief sal jy My na binne nooi

Oe Ek verlang
Sê Daddy-God
Ek verlang na diepe hartsgemeenskap
Met elkeen van My liefste kinders

Partykeer wonder julle
So gereeld
Hoe kan dit wees
Hoe kan God ons mis?

Liefstes dis rerig so
Sê Pappa
Nes ‘n bruidegom sy bruid mis en andersom
So ook met My

Dis omdat julle My liefde besit
Dis omdat My hart reeds aan julle behoort
Dis hoekom dit so swaar is
Vir My om julle net te vergeet

Aan die kruis alreeds sê Pappa
Het Ek dit vir julle kom sê
Ek het daai dag kom sê…
Hier is My hart

Oe hier is My hart kinders
Asseblief moet dit nie vertrap
Ek het dit toe gesê
En Ek sê dit steeds vandag

Party mense sê Pappa
Hulle weet net nie hoe
Om mooi na ‘n ander se hart te kyk
Dis ‘n diep teleurstelling vir My

Ja Ek het daai jare terug
So hard gehoop
Mense sou My ook lief kry
Waarlik ‘n pad met My begin loop

Oe maar soos dit maar partymaal gebeur
Moes ook My hoop verydel word
Moes ook Ek op daai plek kom van besef
Dit gaan nie so gebeur

Ja-nee sê Pappa
Ja-nee
Julle besef
Julle besef wat Ek hier sê

Baie van julle sê Pappa
Het ook al hoë hoop in julle harte gebou
As my kind net die Here wou dien
As my man of vrou tog net my hart wou hoor

Oe kinders sê Pappa
Julle ken dit tog so goed
Daai verlore gevoel
Wanneer jy vir ‘n droom moet baai sê

Ja sê Pappa-God, ja
Baie van julle ken dit
Baie van julle wou nog toekomsdrome saam met ‘n geliefde bou
En toe is hulle net nie meer daar

Oe geliefdes sê Daddy
My liefste-liefste kinders
Julle Pappa in die hemel
Hy ken daai gevoel so goed

As julle net geweet het
Sê Pappa
Op hoeveel van die drome vir My kinders
Ek nog vandag moet opgee

Oe Abba-God se kinders
Dit gebeur net so gereeld
Dat Ek nie My sin kry nie
Maar Satan syne

Oe Ek weet hoe dit voel
Sê`Pappa-God
Ek ken dit so goed
Van oe moet Ek even probeer

Wat help dit
Wat help dit Ek kry My hoop op
Wat help dit
As dit dalk nooit gebeur

Liefstes sê Daddy
Ek wil net vir julle sê
Ons kan nie dat dalk en miskien ons probeer steel
Ons moet aanhou probeer

Ja liefstes
Ja geliefdes van Pappa se hart
Ons moet aanhou probeer
Glo dat daar nog soveel mooi in hierdie wêreld oor is

Ja geliefdes sê Pappa
Ek weet
Ek weet sy steel baie kere
Die probeer wat Ek wil hê ons moet in ons harte hê

Kinders sê Daddy-God
Ons kan nie vir die hoer van hierdie wêreld haar sin gee
Nee ons moet altyd glo
Dinge kan weer beter raak

Daar’s te veel mense
Sê Pappa-God
Te veel mense wat opgee
Omdat hulle nie meer wil glo

Oe kinders
Sê Daddy-God
Ons moet altyd glo
Ons moet altyd weer-probeer

Selfs sê Daddy-God
Selfs al loop dinge nie altyd soos ons wil hê
Kan Ek julle sê
Dit het steeds potensiaal

Ja kinders, ja
Sê Pappa-God
Ek het die vermoë om stukkende stukkies op te raap
En met HOOP daaraan te bou

Sien dit is wat tot en met vandag nogsteeds gebeur
Ja jare terug reeds het mense hulle gesigte van My weggedraai
Met die kruis van Jesus
Tog gee Ek nog tot en met vandag vir almal ‘n kans

Ja My liefste dogter
Ja My liefste seun
Pappa wil net vandag kom sê
Moenie ophou aan jou drome bou selfs al wil ‘n paar nie gebeur

Oe ja nee liefste kinders
Oe ja nee
Dis net nie die moeite werd om op te gee
Op die lewe en die mooi wat sy nog vir jou kan beteken

Ja-nee liefstes
Sê Pappa
Ja-nee
Ek wil so graag hê julle moet dit weet

Ja-nee sê Pappa
Ja-nee
Net soos Ek
Na die dood van My Seun aan die kruis

Ek kon verlore bly voel
Of Ek kon kyk na die Kruis
En die mooi wat dit tog toe vir baie gebring het
Al was dit nou nie almal

Ja-nee sê Pappa-God
Ek kon nie My sin kry met almal
Maar dit het My nie gekeer om te kyk
Na die mooi wat toe steeds vir My oorgebly het

Ja geliefdes sê Pappa
Ja geliefdes van My hart
Daddy wil hê julle moet altyd bly glo
In die mooi wat nog kan wees

Gebroke drome liefstes sê Pappa
Hoef nie die rigting van julle lewens te bepaal
Nee kinders sê Daddy
Daar sal altyd, steeds soveel hoop wees

Ek het dit so gemaak
Sê Pappa
Ek het gemaak dat verlore drome
Nie die einde van julle lewens hoef te wees

Nee liefstes sê Pappa
Altyd het Ek julle die vermoë gegee
Om nuwe drome te droom
Om weer op te staan

Oe liefstes sê Pappa
Oe liefstes kan Ek julle vertel
Selfs in en met seer
Is daar altyd mooi wat steeds kan wees

Ja liefstes sê Pappa-God
Kyk altyd na die mooi in hierdie lewe
Kyk na dit wat nog goed is
Dit is wat julle die vermoë sal gee om aan te hou probeer

Oe liefstes sê Pappa
Selfs al was My hart daai tyd seer
Selfs al is hy nou nog seer
Weet Ek dat daar steeds soveel mooi in hierdie lewe is

Ja sê Pappa
Ja
Ek het dankbaarheid geleer
En hoe om steeds die mooi raak te sien

Pappa se kinders
Myne
Ek wil julle so graag aanmoedig
Daar’s altyd nog ‘n rede vir aangaan

Kyk na die mooi kinders in julle lewe
Kyk na dit wat steeds so mooi vertoon
Is dit nou jou familie
Of die passie waarmee jy leef

Kind sê Daddy-God
Daar’s altyd-altyd rede vir aangaan
Selfs al is dit net Ek en My drome vir jou
Wat Ek wil hê moet nog gebeur

Oe geliefdes sê Pappa
Oe geliefdes asseblief
Ek vra julle
Moet nie dat verlore drome maak dat julle nie weer wil opstaan

Genade-groot dogter, seun
Is My Naam
Pappa kan uit die gebroke stukkies van jou drome
Steeds nuwe drome laat opstaan

Ek moes dit so maak My liefstes
Anders
Hoekom sou ‘n mens nog wou aangaan
Daar sou net nie rede wees

Maar dis omdat sê Pappa
Ek selfs beter drome
Uit jou gebreektes kan waar-maak
Dat Ek hierdie woorde vir julle kan sê

Ek is God van soveel hoop geliefdes
Soveel, soveel hoop
Gebreekte drome
Staan nie ‘n kans in My teenwoordigheid

Oe nee Ek kan hulle ‘n nuwe baadjie aantrek
Selfs al gaan hulle anders lyk
Sal hulle steeds die vermoë hê
Om soveel vreugde en mooi te bring

Ja sien sê Pappa
Ek het dalk nog nie die hele mensdom aan My kant
Maar selfs met dit gesê
Het Ek miljoene wat My wel wil ken

Ja kinders
Selfs al het Ek nog nie die hele mensdom
Het Ek alreeds en nogsteeds
Soveel mooi aan My kant

Ek wil hê julle moet daai deel liefstes
In julle lewens begin raaksien
Daai dele wat vir julle so mooi is
Daar is nog ‘n rede, daar is nog ‘n doel

Bly asseblief gefokus liefstes
Moenie dat Satan jou in ‘n gat van moedeloosheid kry
En dan daar hou
Nee kyk, kyk wat is daar wat waarlik nog so goed en mooi is in jou lewe

Ek weet, Ek weet sê Pappa
Van julle twyfel so sterk
Sê oor en oor
Julle ken nie my lewe nie

Pappa se kinders
Wêreld se kinders
Luister asseblief vir My
Pappa kan die mooiste mooi bring uit die seerste seer

Ja Ek het daardie vermoë
Sê Abba-God
Ek wil net hê julle moet weet
Julle gaan moet glo

Dit is hoe Ek dit dan weer regkry
Om julle te laat sien
Daar is nog soveel mooi
In hierdie lewe

Ja liefste sê Daddy
Selfs in seer kan Ek jou wys
Daar is steeds mooi
Ek kan als draai, nuwe lewe gee

Begin nie opgee kinders
Ja-nee rerig
Begin glo daar is nog ‘n rede
Ek sal weer opstaan

Dis net omdat My kinders
Ek omgee en nie wil hê
Julle moet ooit permanent opgee
Dat Ek hierdie briefie van hoop vir julle stuur

Ja-nee nou weet julle sê Pappa-God
Dit is My hart
Ek is HOOP
Gebroke drome kan weer opstaan

Ja dalk nie in dieselfde vorm nie
Maar op ‘n splinternuwe manier
Kan hulle steeds vir julle
Soveel mooi geluk inhou

Moenie opgee nie kinders
Moenie ooit opgee
Wanneer ‘n verlore droom opdaag
En sê dit is nou dit

Oe nee dit is nie so
Oe nee dit is nie waar
Dit is wat daai verlore droom wil hê jy moet glo
Maar sê vir hom jy sal hom nie sy sin gee

Die lewe gebeur nie aldag kinders
Soos wat ons wil hê
Ja daar is baie kere seer
Seer wat sê ag hoekom probeer jy nog

Nee liefstes, nee nee nee
Verlore drome hoef nie die einde van jou lewe te beteken
Dit kan veel eerder kinders
Die geboorte-plek wees van veel mooier drome

Ja daai geliefde seun of dogter
Word dalk nie nou gered
Maar dit kan nie keer
Dat generasies na hom of haar die Lig gaan liefhê

Jou man of vrou
Sien dinge dalk nie nou soos wat jy wil hê
Maar daai hart word sag en eendag gaan hulle sê
My man of vrou jy was reg

Jou geliefde het dalk totsiens vir die lewe gesê
Dit was onverwags en so bitter seer
Tog het dit vandag gemaak dat julle
Deur sy omgee wat julle lewens aangeraak vir ander bly omgee

Kinders
Daddy wil hê julle moet sien
Dinge, die lewe gebeur nie aldag soos ons wil hê
Maar dit kan steeds-steeds so mooi wees

Ja kinders, ja
Mooi-wees soos in mooi
Mooi soos in steeds die moeite werd
Mooi soos in dit is beter

Dis God se manier liefstes
God se manier wat dit moontlik maak
Daarom bly droom
Bly droom tot dat jy jou ou-dag bereik

Kinders sê Daddy
En ken My
Ken My in al jou weë
En Ek sal jou pad gelyk maak

Als sal altyd uitwerk
Kinders aan die einde sal alles steeds uitwerk
Bly dit bely, bly dit glo
Weet dit Abba is altyd daar

Om saam met jou liefste kind
Vaarwel te sê aan verlore drome
En hallo te sê aan
Ek gaan God bly glo

Ja
Hy kan dinge beter maak
Hy kan seer sag maak
Hy kan nuwe drome geboorte gee

Wys ons Pappa
Wys ons asseblief altyd
Hoe om nie op te hou glo
Maar om altyd aan te hou probeer

Alles sal weer mooi word
Alles kan nog mooi word
Terwyl ons kyk en sien
Daar is steeds soveel mooi om ons!

Leer ons dankbaarheid Pappa
Selfs in die plek van verlore drome
Help ons afskeid neem
Help ons die nuwe môre welkom heet

Ja Pappa
Dat ons dit sal omhels en lief kry
Dat ons hom sal waardeer
Dat ons sal sien
In hom is daar ‘n reënboog van beloftes wat U kan waar-maak

Ja Pappa, ja
U is ons God-Groot
Die Almagtige, die Ewige
Die Een wat ou drome nuwe lewe kan gee in U Seun

Daarom liefstes
Moet nooit opgee
Die einde van een iets
Is dikwels die begin van ‘n nuwe mooi

Hou op terugkyk
Liefstes
Asseblief vra My vir aan-beweeg
Vra My Daddy asseblief help my

Treur en rou
Is ‘n wonderlike ding
My kind dis nodig
Maar dikwels hou dit te lank aan

Rou en treur My liefste kinders
Was vir julle gegee
Om oor ‘n ding te kom
Om genesing te ontvang

Kind, liefste kind
Treur en rou
Is nie ‘n wonderlike ding
Nie as jy vir hom ‘n huisie bou

‘n Geliefde se dood
My liefste kind
Kan vir jou nie die einde beteken
Nie as jy My in jou lewe het

Ek verstaan geliefde
Ek verstaan jou seer
Pappa-God is die enigste een wat dit rerig kan sê
En Ek genees

Ja liefste, ja
Ek kan
Ek kan seer so gesond maak
Dat jy nie eers meer ‘n letsel sal kan sien

Die ding is net
Baie mense wil nie afskeid neem nie
Hulle wil bly sit in die oue
Hulle wil nie die nuwe môre tegemoet loop

Oe liefstes sê Pappa
Oe liefstes
Kyk asseblief saam met My op
Sien, sien daar is ‘n nuwe môre wat jou warm welkom heet

Kom nader kind, kom nader
Kom sien hoe kan God
Hierdie seer deur-die-wêreld aangedoen
‘n Nuwe baadjie aantrek

Ja-nee, ja-nee
‘n Nuwe Begin
Dis wat Ek kan dan doen
As kinders net van die gisters wou laat gaan

Ek sê nie vergeet nie kinders
En dink nooit weer daaraan
Ek sê waardeer
En laat-toe dat ons aanbeweeg

Dis beste kom nog liefstes
Die beste kom nog
Weet dit gerus, weet dit beslis
Watter mooi belofte om aan vas te hou!

Amen.