Draadjie-van-Hoop

Ken jy
God se hartklop
Het jy Sy stem
Al vir jouself gehoor?

Ons Pappa-God
Wil so graag kinders hê
Wat nie net aan tradisie
Se rokspante vashou

Ons Pappa wil so graag hê
Ons moet na dieper en meer begin vra
Alles wat Hy in die Gees
Vir ons voorberei het

Dikwels sê Daddy
Is dit vir julle My kinders
Moeilik om te verstaan
Dis wat Ek so graag wil hê

Hoekom vra Pappa
Hoekom
Verhinder so baie van julle
Die Gees se werkinge in julle lewens

Liefstes sê Daddy-God
Dit gebeur so gou
En so gereeld
Ek kry dikwels nie kans om te doen wat Ek graag wou

Julle verhinder My sê Daddy
Om te beweeg in jou lewe
Omdat jy nie vir My Gees se werkinge in jou lewe
Ja sê

Liefste sê Pappa
Dit pla My so baie
So geweldig
Dis asof daar die heeltyd struikelblokke opgerig word tussen My en jou

Liefste sê Pappa
Liefste-liefste kind
Pappa wil jou vra
Sal jy My asseblief net bietjie meer vryheid in jou lewe gee

Ek word so gereeld
Sê Daddy-God
Aan bande gelê
Met wat Ek mag en wat Ek nie mag doen in My kinders se lewens nie

Daddy U mag dit doen
En dat
Maar Daddy asseblief
Dit mag nie so gebeur

Oe ja-nee
Baie kere
Liefstes sê Daddy
Word Ek vertel hoe ‘n ding mag of nie mag gebeur

Ek word vertel
Sê Pappa
Ja regtig
Baie kere

Ek weet dis nou nie jy
Sê Pappa
Ja-nee Ek weet 😉
Dis nie jy, dis al die ander

Ja sê ons liefste Daddy
Ek is goed
Ek is mooi
Ek weet wat Ek van julle vra

Julle is so verkeerd
My liefstes sê Daddy
As julle My wil voorskryf
Oor hoe iets moet gebeur

Dis nie hoe dit moet wees
Liefste kind van My hart
Wag op My
Doen wat Daddy jou vra

Ja sê Daddy
Daar is party kere
Wat ‘n duidelike ja of nee van My nie nodig is
Maar dan is daar ander kere wat dit noodsaaklik is

Liefstes sê Daddy
Ek wil net vra
Vertrou, vertrou My
Met alles wat jy het

Ja sê Daddy, ja
Jy kan altyd weet dat Ek van beter weet
My liefste kind
Dis beter so

Daar’s te min mense sê Abba-God
Wat verkeerd-glo hieroor
Hulle dink of weet nie
Hulle kan My raad vra oor enige iets

Liefstes sê Abba
Kom net nader
Nader aan My
Laat Ek jou wys hoe dit werk

Ja sê Daddy
Ja
Daar is so baie
Wat Ek julle op hierdie pad van Lig kan wys en leer

Kinders
Daddy vra net
Kom en word wys
Kom leer van My

Julle hoef nie al die besluite van julle lewens
Self te neem
Rerig julle kan oorgee
En My veel eerder vertrou

Ek sal julle
Die regte pad wys
Die een wat lewe
Die een van oorvloed

Oe liefstes
Sê Daddy
Dis te min
Dis te min dat julle My waarlik vertrou

Laat My voorloop
Liefstes
Asseblief altyd
Vra ons Pappa-God

Julle vra te min
Daddy loop voor
Wys my die pad
Waarheen, waarheen nie

Daar is hoogstes liefstes
In My
Wat julle net sal bereik
As julle vra daarna

Ja liefstes
Sê Daddy
Daar is soveel meer
Maar dit gaan vat dat julle saam met My op water loop

Ja liefstes
Sê Daddy
Dit gaan partykeer geweldig diep lyk
Maar julle gaan My moet vertrou

Ek hou vir julle net die beste instoor
Net die mooiste
Ek het kinders nodig
Wat dit saam met My sal glo

Ja sê Daddy
Liefstes
Dis wat julle moet doen
Wanneer die moeilike donker twyfel-dae kom

Vertrou My diep
Dieper
Diepste
Dis wat Ek vir My kinders wil sê

Julle moet vertrou
Julle moet glo
Julle moenie opgee
Wanneer Ek voorloop

Sien kind sê Daddy
Dis altyd die gedagtes
Wat Satan kom plant
Gedagtes wat twyfel bring

Moenie ooit toelaat
Sê Daddy
Dat Satan julle vertroue in My
Verhinder om te groei

Ja hy gaan altyd probeer
Sê Abba
Maar wees bewus
Kyk die kat goed uit die boom

Dis sy hart sê Pappa
Dat Ek en jy
Nooit nader aan mekaar groei
Dis wat hy altyd probeer verhoed

Kom ons knielhalter
Bietjie sy planne
Sê Abba
Kom ons ry dit net ‘n bietjie in die wiele

Ja deur jy liefste kind
Wat jou vertroue in My plaas
En ja sê
As Ek jou in ‘n sekere rigting wil lei

Moenie net altyd wil vasskop
Liefstes van My hart
Abba s’n
As Ek jou vra om in ‘n sekere rigting te beweeg

Ja sê Daddy, ja
Jy het die stappe dalk nie so geantisipeer
Maar kind sê Abba
Ek is nogsteeds in beheer

Raak rustig sê Abba
Ja rustig in julle hart
Vertrou My altyd-deur
Laat toe dat Ek voorloop

My genade is altyd genoeg
Sê ons liefste Pappa
En wanneer Ek julle iets vra
Weet dat Ek julle die vermoë sal gee om dit reg te kry

Ja julle hoef nie altyd
Sê Daddy
In ‘n frenzie te gaan
Te sê dinge moenie so gebeur

Ja sê Daddy
Ja
Dit gaan dalk ‘n klein bietjie anders gebeur
Maar Ek weet hoekom Ek vra

Vertrou My net altyd veel eerder
Sê Pappa
Vertrou My
Doen wat Ek vra

Wanneer Ek in ‘n rigting lei sê Abba
Wat jy nie rerig verstaan
Moet jy weet dis nie altyd nodig om eers te verstaan
Voor jy doen wat Ek vra

Geloof is glo
Sê Abba
Geloof is om te doen
Wat Ek vra

Ja liefste sê Abba
Wanneer Ek vra
Doen asseblief
Dis hoe Ek weet dat julle glo

Moenie net doen
Tot daar waar dit vir julle gemaklik is
Nee kind
Doen dit asseblief end-uit

Ja alles wat Ek vra
Loop asseblief die pad
Van volle gehoorsaamheid
Tot die einde toe

Julle liefde is mooi
Sê Abba
Ek wil net vra
Kan julle My help deur meer te groei?

Meer te groei in julle liefde
Sodat julle My
Alhoemeer kan vertrou
Dis hoe dit makliker raak

Ja dit is so liefstes
Hoe meer julle My ken
Hoe makliker sal dit wees
Om My waarlik te vertrou

Ek wil nie net hê
Liefstes
Sê Daddy
Dat dit wat tussen ons is leë hol woorde bly

Moet asseblief nie sê
Sê Abba-Vader
Dat julle My vertrou
As julle nie bereid is om ‘n tree te gee as Ek vra

Nee liefstes
Asseblief
Pappa vra veel eerder
Vertrou My asseblief, rerig

Ja diep en uit julle hart
Leer My ken
Rerig-rerig erig
Leer My ken

Diep
En uit My hart
Wil Ek jou ook vra
Sal jy My dieper vertrou

Sal jy leer uitsien
Na dit wat Ek verborge hou
Selfs al kan jy dit nog nie lekker sien
Sal jy asseblief, groot asseblief

Ja sê Daddy
Ek weet
Kinders vra ook so as hulle iets graag wil hê
Mamma, pappa groot asseblief kan ek dit kry?

Liefste sê Daddy
Dit is Pappa se vra vandag
Groot asseblief
Sal jy My liewer kry?

Daar is ‘n liedjie
Sê Abba
Diep en mooi is hy
Dalk het julle hom al gehoor

Oceans
Oceans is sy naam en hy sê
Take me deeper than my feet could ever wander
And my faith will be made stronger in the presence of My Savior

Dit is hoe dit is
My liefste kinders
Pappa wil julle na veel verder plekke vat
As wat julle ooit alleen sal kan bereik

Ek wil julle op My skouers tel en sê
Kinders kom nou
Kom ons gaan verken
Kom Ek wys julle wat is moontlik by My

Julle geloof is maar dikwels klein
Sê Abba
Dikwels so klein
Wanneer dit by My en vertrou My kom

Oe liefste sê Abba
Oe liefstes
Kom net nader
Kom sien daar is soveel wat ons saam kan bereik

My liefde vir julle
Is so groot en so mooi
So grênd
Sou kinders ook sê

Kinders kom sê Pappa
Kom asseblief
Ek wil julle wys en leer
Ek is God van die onmoontlike

Ek wil julle aantrek
Sê Pappa-God
So graag
Met die potensiaal van die hemele

Ek wil julle aantrek
Met groter vermoë
Groter doelgerigtheid
Om julle drome te bereik

Oe liefstes
Sê Abba
Kom, kom laat Ek julle wys
Daar is drome wat hierdie wêreld nog nie bereik het nie

Ja-nee kyk kinders
Sê Abba
By My is groter en dieper en mooier
Altyd nog ‘n opsie

Asseblief kinders
Asseblief
Kom glo Pappa
Die horisonne in My hart is breed

So onbereikbaar groot
Is die visie in My hart
Ek hou van groot-droom sê Abba
Ek is baie lief daarvoor

Ek weet sê Daddy
Dat Ek baie kere, baie van My kinders se harte
In hulle kele laat klop
Met die goed wat Ek vra

Ek weet dit sê Pappa
Ek weet
Dit laat hulle bene bewe
Dit laat hulle baie bewerig voel

Oe liefstes sê Daddy
Ek weet
Ek weet dis baie groot
Om baie kere die gewig van hemelse drome te dra

Dis te groot
Dis te groot sê My kinders dan
Ek kan nie, ek kan nie
Dis te veel vir my

Dis net, kind
Seun en dogter sê Pappa
Ek wat jou vra om saam met My
‘n Hemelse droom waar te maak

Liefstes sê Daddy-God
Dit moet ‘n droom wees
Te groot vir jou
Anders is dit mos nie ‘n hemelse droom 🙂

Drome groter as hierdie wêreld s’n
Dit is die tipe drome
Wat Ek love om waar te maak
Deur My kinders op aarde wat saam met My werk

Liefstes sê Daddy
Sien
Sien dis net hemelse drome
Wat op aarde ‘n weg moet kry om te gebeur

Dis hoekom Ek altyd-altyd vra
Kinders asseblief
Vertrou Pappa veel eerder
Met dinge wat Ek vra

Ja dis nie altyd maklik
Maar dit is altyd moontlik
As julle My net altyd sal toelaat
Om die voor-loop te doen

Ja sê Daddy-God
Ja dit is so My kinders
My hemelse drome kan baie kere
Net gestalte deur mense kry

Ja mense wat sê
Okay
Goed Pappa, goed
Kom ons wys hierdie wêreld ‘n ding of twee

‘n Ding
Wat hulle nog nie beleef of ervaar het nie
Kind
‘n Ding baie groot

Sien, sien sê Pappa
Ek hou van duplikate ook
Ek hou van dinge doen wat Ek lankal terug reeds al gedoen het
Ek hou daarvan as dit mense nogsteeds in stom-verwondering laat

Tog hou Ek net so baie daarvan
As Ek hierdie wêreld
Iets kraakvars en splinternuut kan bied
Iets nog nooit gesien of ervaar

Dis hoekom Ek partymaal sê Daddy
Verspotte goeters van julle vra
En mense dan sê
Ag jy is mal

Mal sê Daddy
Net soos wat mense vir Noag gesê het
Toe hy vir jare en jare
Gehoorsaam aan die ark bou

Hoeveel jare lank
Sê Abba
Het mense met hom die spot gedryf
Voordat die dag van reënval finaal aanbreek

Oe kinders sê Daddy
Ek wil hê julle moet verstaan
Mense gaan dikwels en baie kere
Die hemelse drome in julle harte afkraak

Ja hulle gaan ook sê
Hy of sy het nou finaal
Al hulle varkies verloor
Maar kind dis net omdat hulle nog nie kan sien

Hulle kan nog nie sien
Sê Abba
Die reën wat alreeds in jou gees geval het
En besig is om nat te maak

Oe liefstes sê Pappa
Asseblief onthou net
Ek is vir julle
Altyd-deur

Ja, ja
Dit gaan nie altyd maklik wees
Die lewe is moelik
Maar hemelse drome is moontlik saam met My

Sal julle asseblief saam met My werk
Kinders asseblief
Julle wat met hemelse drome sit
Julle wat weet dit gaan net met God se hulp gebeur

Ja sê Daddy, ja
Julle weet
Julle sit al jare met hierdie swaar gewig op julle skouers
Hoe, wat, waar, wanneer?

Oe kinders sê Pappa
Ek sal julle help
Elke tree
Hoe om hierdie hemelse plan tot uitvoer te bring

Ja sê Daddy, ja
Vertrou net My hart
Weet
Dat Ek besig is

Julle vra so gereeld
Here wys my
Waarnatoe
Wanneer

Kind Ek sal
Ek sal
Ek belowe
Hou jy jou ore net wawyd oop

Sodat wanneer Ek spreek
Jy dadelik sal hoor
Net soos Samuel sal jy dan antwoord
Spreek Here, U dienskneg luister

Oe
Ore ingestel op die Koning
Vir verdere instruksies en leiding
Hoe baie mooi is dit vir My

Julle
Julle geliefdes van My hart
Sê Abba
Ek is altyd vir julle

Hou net daaraan vas
Sê Abba
Die dae wanneer die lewe moeilik is
En mense nie altyd verstaan

Ja sê Pappa, ja
Mense gaan nie altyd jou journey verstaan nie
En jy nie ‘n ander s’n
Want julle is op verskillende plekke van julle journey

Oe My kinders, liefstes sê Daddy
Altyd sal Ek poog, altyd
Om mense in jou lewe te bring wat jou journey verstaan
Wat die pad saam met jou kan loop

Ja vriende en familie
Sê Daddy
Naastes
Is dikwels nodig vir jou om jou pad te loop

Ek is die Een sê Daddy
Wat dikwels verbintenisse skep
Mense jou pad laat kruis
Met wie jy ‘n padjie gaan loop

Ja dis Ek sê Pappa
Dikwels Ek
Wat maak dat julle nuwe en vreemde mense ontmoet
Wees op die uitkyk daarvoor

Dis omdat Ek net weet liefstes
Die een is nodig vir die volgende seisoen
Waarin My kind beweeg
Ek sal onderskraging stuur

Oe My kind
Dis maar hoe Ek werk
Altyd op die uitkyk
Vir jou My kosbare kind

Daarom sê Daddy
Volgende keer as julle paaie met iemand nuuts kruis
Weet dit is heel moontlik
Iets wat Ek in die mou voer 😉

Oe ag kind
Ek terg jou net
Ek wil net hê jy moet weet
Ek is maar altyd besig met goed wat jy nie aldag kan sien

Ja kind, ja sê Pappa
Altyd besig met ietsie in die lewens van My kinders
Dis vir My so mooi
So mooi as julle My net vertrou

Kom vra maar altyd
Sê Abba
Net ‘n stukkie nuwe wysheid
‘n Stukkie van waarmee Ek in jou lewe besig is

Ek sal jou altyd wys kind
Ek sal jou altyd lei
Pappa is vir jou
En altyd besig agter die skerms

Ja sê Abba
Ja dit is so
Julle sien dit baie dikwels
Eers vele-vele jare later

Oe dit is hoekom dinge so uitgewerk het
Dit is hoekom dinge so moes gebeur
Nou verstaan ek
Vir die eerste keer

Oe ja-nee sê Abba
Oe ja-nee
Dis maar hoe Ek baie kere
My hemelse planne laat uitwerk

Julle dink partykeer
Dinge is maar niksvermoedend so
Oe nee kinders, oe nee
Pappa is altyd besig met ‘n plan

Altyd maar altyd
Het Ek ‘n plan waarvolgens Ek werk
Ek sal nou nie sê
Ek kry als reg wat Ek graag wil hê moet gebeur maar Ek probeer

Ja Ek probeer altyd
Om dinge beter te maak
Om dinge te laat uitwerk
Vir My kinders

Ja, ja
Partykeer is daar stampe en stote
Ja partykeer is daar hobbels waaroor ons moet oor
Maar dis asof hulle die reis net alte mooi maak

Ja dis nie altyd lekker
Maar kinders
Ek het die vermoë
Om selfs die slegste sleg mooi te maak

Ja dis maar net wie Ek is
Dis maar net wat Ek kan doen
Ek twyfel
Sal mens ooit beter kry?

Ek is die beste-beste God
Waarvoor hierdie wêreld ooit kon vra
Party mense betwyfel dit nogsteeds baie sterk
Maar dit is so

Liefliker as lieflik
Mooier as mooi
Liefstes sê Daddy
Dit is Ek die ewige God

Ek is God
Die ander is gode
Ek wil net graag vir julle sê
Ek is die enigste god wat met ‘n hoofletter-g geskryf kan word

Ja-nee sê Pappa-God
Ja-nee
Die ander is spring-chickens teenoor My
Ek is die real deal

Die realest truest deal
Wat enige iemand ooit kan kry
Dit is Ek
Die ewige God

Kom nader wêreld
Kom leer My ken
Toe-nou kom
Toe-nou kom

Ek paai en mooi-praat
Van julle nou al vir jare
Tog nogsteeds
Tog wil julle harte hard hou

Ag Ek verstaan nie
Sê Abba
Ek verstaan nie hoekom
Jy jouself so hardkoppig wil hou

Wat het dit jou in die sak gebring
Sê Abba
Wat het dit jou al ooit in die sak gebring
Behalwe ‘n hengse hoofpyn?

Ja Ek weet sê Abba
Ek weet
Julle kry hulle gereeld
Migraines dis mos wat julle hulle noem

Migraines sê Abba
Het al half-pad van die mensdom opgeeët
Met al sy migraine fixes
Sal apteke nooit uit besigheid gaan

Oe nee sê Abba
Oe nee
Dis een van hulle beste verkopers
Julle het seker al gesien

Liefstes sê Abba
Die van die wêreld ook
Ek wil net sê hierdie briefie skryf Ek
Sodat ook daardie hoofpyn ligter teen jou slape sal begin klop

Ja sê Pappa-God, ja
Ek verstaan
Die fisiologie van die mensdom
Ek het julle aanmekaar gesit

Ja sê Pappa
Daar in die tuin van Eden
Toe Ek die asem van lewe
In jou longe inblaas

Soos ‘n wafferse dokter of homeopaat
Kan Ek ook My vinger
Op die presiese probleem-area sit
Ek weet waar die probleem lê

Oe kind sê Daddy
Oe kind
Ek kan net sê
Heelwat van die oorsaak is jy wat nie jou vertroue in My belê

Ja mense van die wêreld
Dokters en so
Hulle sal nie baie maklik
Dit as rede vir jou uitwys

Oe nee sê Pappa
Oe nee
Dit is mos maar nou so
Baie van hulle probeer julle mos oortuig dat Ek nie rerig is

Ja ‘n fabrikasie van mense se gedagte-wêreld
Goeie en sterk verbeelding
Ek kry daai een nogals dikwels 😉
Of is dit hulle kort ‘n kruk om deur die lewe te gaan

Ek weet nie
Of julle al gesien het
Maar My kinders se “kruk”
Werk nogals baie heerlik 😉

Oe ja
Die lekkerste wandelpadjies het ons al saam beloop
Die wonderlikstes
Die waarvan die hemel droom

Wil julle nie bietjie saam met ons kom sit
Julle verlorenes van hart
En saam met ons
Hemelse drome begin te droom?

Oe hulle is te lieflik
Of te grys
Soos die ouer mense soms sê
Ek wonder weet die jonges van dae wat daai woord beteken?

Gaan vra julle oumas en oupas
Sê Abba
Hulle sal vir julle vertel
Dis wanneer iets baie oulik is

Oe liefstes sê Daddy
Oe liefstes van My hart
Hoor asseblief
Ek gee om

Ek gee om vir julle
So so baie
Ek wil julle vertel
Verlorenes, julle ook

Julle dink genoeg kere
Ek gee nie om
Sê gereeld
God, Hy sal nie belangstel in ons

Oe kinders van die wêreld
Kan julle hemelse Vader net vir julle sê
Julle is so verkeerd
Ashoop, dis waar Ek meeste van My kinders gaan haal

Daai plek waar hulle so skuldig is
Daai plek waar hulle so skuldig voel
Dis dan wat Ek steeds kom en sê
Kind Ek is goed en Ek wil jou hê

Mense verstaan nie My goedheid nie
Sê Abba
As Ek julle kon sê op ‘n skaal wat julle verstaan sou Ek sê
200% net goed

Daar kan nie ooit meer goed as Ek
In hierdie wêreld of enige ander plek bestaan
Ek is die ware betekenis
Van alles wat goed en mooi is

Dis so moeilik sê Abba
So moeilik
Om dikwels vir julle te verduidelik
Want julle dink dat dit net woorde is

Ek is nie net mooi woorde nie
Sê Abba
Nie, nie, nie
Nooit nie

Julle liefde vir My is so flou
Sê Abba-Vader
Want julle ken My nie
Nie voorwaar nie

Daar’s te veel voorwaardes
Sê Pappa-God
Baie kere
Gekoppel aan wie Ek is en wat Ek kan doen

God is goed
As Hy vir my deurkom
God kan ek vertrou
As Hy doen wat ek vir Hom sê

Liewe ouers kinders
Liewe ouers
Ek dink dat dit verskriklik narrow-minded is
Ek dink dat julle beslis nie die groter prentjie sien

As julle My net vertrou en liefhet
As Ek volgens julle pype dans
Liefste kinders
Is julle liefde vir My voorwaar baie vlak

Ek wil julle by die plek uitbring
Sê Jesus Christus, die Seun
Waar julle liefde vir My
Voorwaar so diep en eg is

Was die Kruis van Golgota
Nie genoeg sê Hy
Nie genoeg om te bewys hoe diep kosbaar en spesiaal jy vir My is
Was My prys nie duur genoeg?

Kinders sê Abba
Dis tyd dat julle na die Kruis begin kyk
Dis tyd dat julle begin onthou
Hoekom is dit nie genoeg vir jou om te weet Ek is net goed

Ek weet nie sê Abba-Vader
Van enige ander koning
Wat sy seun vrywillig sou opgee
Om die sondige afvallige mense van sy koninkryk te red

Mense doen nie sulke goeters nie kinders
Ek weet nie
Het julle al gesien?
Dalk, dalk net vir iemand vir wie hulle baie lief is

Ja dan sal mense
Hulle lewens opgee
Dan sal hulle sê
Dit is die moeite werd

Oe geliefde sê Abba
Die hele wêreld
Julle was vir My genoeg
Dis hoekom Ek My-Seun-het-gestuur

Ja Ek het dit gedoen
Sê Abba
Om julle te bevry van sonde
Sodat julle nooit ooit weer haar slaaf hoef te wees

Party mense kies dit vandag nog
Steeds vrywillig
Ek weet nie
Seker omdat hulle nog nie die dodelike effek daarvaan gesmaak het

Ja
Sonde lei net na een plek
Eers donkerte in jou siel
En dan die donkerte wat die ewigheid inhou

Ons noem dit die tweede dood
Of is dit ewige hel
Daarnatoe sal gaan almal wat hulle rûe op God
En Sy verlossingsplan gedraai het

Ja mens kan dit so sê
Sê Abba
Of mens kan sê
Hulle wat nie My offer van liefde en genade wou aanneem

Sien daar was ‘n prys
Aan die Kruis van Golgota betaal
‘n Prys om jou siel vry te koop
Omdat jy vir sonde gesê het ja

Jy moes met jou lewe daarvoor boet
Elke liewe mens wat sonde gepleeg het
Toe sê Ek nee wag
Ek sal My Seun in hulle plek stuur

Wie wil hulle hê het Satan gesê
Geskel hulle het jou verlaat
Hulle sal weer
Moet hulle nie ‘n kans gee!

Ek hoop nie sê Daddy
Ek het My kanse verspeel
Ek hoop nie so maar toe sê Ek ja
Ja! Ek sal hulle nog ‘n kans gee

Ek kon net nie sê Abba
Op julle My kosbare skepping opgee
Ek het net nie geweet hoe
Toe gee Ek maar Myself as offer vir jou sonde

Ja Ek kon nie, Ek kan nie
Nou-nog nie
Ek weet nie hoe om van daai draadjie-van-hoop tussen ons te laat gaan
Hoe sny Ek hom vir altyd flenters

As julle My net kon wys hoe
Sou Ek dit dalk doen
Dis partymaal so moeilik
So seer om aan daai stukkie hoop vas te hou

Ek hou vas
Maar al wat Ek kry is skoppe, vuishoue en slae
Van almal wat in hierdie wêreld glo
Dat Ek die grootste vark is wat op twee bene loop

Mense verafsku My
Hulle vloek My
Hulle jou My uit
En al wat Ek doen is, Ek kan nie op HOOP opgee

Hoekom, hoekom nie
Hoekom kan Ek nie laat gaan
Daddy hulle maak so seer
Kan U nie sien?!!

Dis die Heilige Gees se stem
Dis Sy wat so gereeld vir My sê
Hulle wil nie
Hulle wil nie terugkeer

Hulle wil nie glo
Dat jy ewig mooi is nie
Hulle wil die Waarheid nie leer ken
Hulle wil blind bly

Oe magtie
As Ek net kon opgee
As Ek net nie meer kon glo
Daar is nog hoop

Dit is so verdomp moeilik
So moeilik om te bly glo
Als gaan nog uitwerk
Als gaan draai vir goed

Dis so moeilik
Want alles sê nee
Alles sê
Gee maar op!

Dis so so moeilik
Ek wens net Ek kon laat gaan
Ek wens dit was nie ‘n issue
Ek wens Ek kon die wêreld los om verlore te gaan

Ja-nee sê Daddy
Ja-nee
Dit sou soveel van My probleme
Eensklaps oplos

Dis mos wat die wêreld wil hê
Woeps-waps
Als verby
Nou kan hulle maar in die hel brand, wat gee Ek tog om

Dit lyk My sê Abba
Dis My omgee wat die groot probleem is
Help My om te laat gaan
En Ek doen dit met graagte

Sien sê Abba, sien
Ek het ook hulp nodig
Ek wil so graag hê julle moet sien
Ek sukkel so baie om op te gee op julle

Hierdie verlore-gaande wêreld
Het nogsteeds
Net so ‘n spesiale plekkie in My hart
Hoe kan dit wees?

Ek dink sê Abba
Dis omdat Ek weet
As mense net die Waarheid kon begin sien
Sou hulle opreg-opreg dankbaar wees Ek het nie opgegee

Soos soveel ander
Alreeds ontdek het
Dit is so
Dit is baie waar

Oe geliefdes
Geliefdes van My hart
Wanneer gaan julle sien
Ek is net goed

Net-net goed
Geen sleg kan in My woon
Dit is net nie moontlik nie
Nie ooit

Amen.

Golgota se oë

U is liefde sag
Pappa so baie dankie daarvoor
Dat U nie ooit veroordeel nie
Dat U bly nader nooi

U gee nooit op nie
Dit gee my soveel krag
Vir aangaan
Vir nie-moed-verloor

Abba so-so dankbaar is ek
Dat U my altyd naby hou
Dat U liefde sag is
Dat U my nooit sal verlaat

Daddy dit beteken so baie vir my
Dis alles-alles
Wat ek nodig het
Rerig net dat U nooit op my sal opgee

Hoe kry U dit reg Abba
Hoe doen U dit
Weet U rerig
Dis my anker

Dis wat my bly dra
Deur die wêreld se seer
Dis wat my elke keer help opstaan
U wat nie opgee

Wow Pappa, wow
Wow wow wow
Hoe sê mens dit genoeg
Kan mens genoeg dankie sê

Ek dink nie ons verstaan Pappa
Nie voldoende nie
Wat dit beteken as U sê
U is lief vir ons

Dit het my krag geword Abba
My alles-alles
My alles
My rede vir aangaan

Omdat U in my glo
Kan ek in myself glo
Dis my rede
As ek deur U oë na myself kyk

Hoe het U sulke mooi oë Abba
Hoe doen U dit
Die bril van die Kruis
Wow dit is so mooi

Dis oë wat sê
Daar is geen veroordeling nie
In Christus
Kan jy net bly groei

Sjoe Pappa
Dit is die mooiste oë
Wow, wow, wow
Om deur U oë na onsself en mense te kyk

Dis oë van genade
Abba
Dis rerig oë van genade
Dit is hoe U kyk

Dis die mooiste oë Abba
En ek wil net dankie sê
Baie baie dankie daarvoor
Die lig van genade in U oë

By God
Is daar geen onreg
Geen sleg of lelik
Kan in Sy aangesig oorleef

Dit is hoekom
Ek deur Jesus gaan
Voor Abba se troon gaan staan ek net
As ek Jesus se bloed aanhet

Ja-nee kyk
Net niks anders
Sal ooit God se Seun
Se plek kan vat

Nee-wat dit werk nie so
In geen niks iets anders
Is daar soveel hoop te vind
As in die Seun

Deur Hom kan ek
Deur Hom kan ek
Met volle vertroue en waardigheid
Abba se troon nader

Wag op My
Sê Hy altyd
Wag op My
Ek wil jou meer leer

Meer van My goedheid
Meer van My genade
Ek wil hê jy moet deur My oë
Na mense om jou begin kyk

Ja dit is so waar
Sê Abba se Seun
Sonder My kan julle nie
Kan julle nie voor Vader se troon kom nie

Dis Ek wat julle wit-was
Al julle sonde weg-was
Ek’s die Enigste Een wat ‘n nuwe lewe en begin gee
Ek die Enigste Een

Dankie, dankie
Kinders van God
Dat julle altyd kom hoor
Altyd by My kom stilsit

Dankie dankie dankie
Vir die tyd saam met My
Julle harte vertel vir My
Die mooiste stories van dankbaarheid

Dankie-dankie
Liefstes van My hart
Sê Abba
Dankie vir als wat julle vir My beteken

Julle harte is so oop
As julle alles met My deel
Alles My kinders
Alles moet oop

Dis julle hartoop
Ek kan sien
Niks wil julle vir My wegsteek
Oe dit is so mooi

Dankie liefste kind
Dankie daarvoor
Die mooiste oop gesprek
Kan ons dan met mekaar voer

Dis vir My so lekker
So lekker as jy niks wegsteek
As jy kom
En net alles met My deel

Dis vir My so mooi
Ek is baie-baie lief daarvoor
Baie-baie lief
Daarvoor

U liefde sag
Abba dit gee soveel-soveel hoop
Elke dag in my hart
Ek wil net dankie sê

Amen.

Donkies & Wortels

Saggies
So saggies
Nooi U my nader
Kom kind daar is soveel meer

Soveel meer stories
Wat wag om geskryf te word
Soveel meer stories
Om te vertel

Kinders daar is meer
Soveel meer as waarvoor julle baie dikwels ja sê
Kom kinders
Kom spring in!

Die diep kant
Sê Pappa-God
Van My genade, liefde en vrede
Is nog nie gevind

Kinders daar is soveel meer!
Soveel meer My liefste kinders
Wag om met julle gedeel te word
Soveel meer, soveel meer!

Kom spring in
Kom swem sê Abba-Vader
In die strome van My seën
En mooiste alwysheid

Baie mense bly blind
Sê Pappa-Vader
Baie blind en horende doof
Vir wat Ek vir hulle wil wys

Kinders sê Pappa
Julle maak dit vir My ongelooflik moeilik
Om julle by die mooiste mooi
Wat hierdie wêreld kan bied uit te bring

Kinders sê Daddy-God
Julle is soos volbloed steeksdonkies
Wat verwoed bly vasskop
As Ek julle met ‘n wortel dieper My goedheid wil in lei

Oe kinders sê Pappa-God
Julle moet asseblief nie so verwoed tee baklei
Nee liefste kinders sê Daddy-God
Nou-nou steek iets onnodiglik vas

Ja kinders
Sê Pappa-God
Soos ‘n pyn in jou been
Van al die gestyf trek

Nee sê Pappa-God
My kinders kom asseblief veel eerder
Nader aan My
Kom sien wat Ek vir julle instoor hou

Hierdie gerondskoppery
En vassteek-ery
Oe kinders sê Pappa-God
Asseblief dis tyd dat julle dit stopsit

Julle verwoede baklei
Sê Pappa
Bring julle net nêrens
Dit laat julle veel eerder verloor

Ja kinders
Sê Pappa-God
Dis dalk ‘n goeie idee
As julle net ‘n bietjie laat los

Ja-nee sê Pappa
Ja-nee
Net ‘n bietjie laat los van die leuens oor My
Waaraan jy so vashou

Oe Pappa se kinders
My liefste kinders
Sal julle asseblief veel eerder luister
Na My hart se opregte deel?

Ek’s lief vir julle
Wêreld
So baie lief
En dis net nie vir My reg dat julle so verlore is

Van die Begin
Sê Abba-God
Het Ek ‘n plan gehad
Om julle terug te bring

Kinders dit was so volledig
Al wat julle moet doen
Is ja sê
My offer van liefde en genade-vergifnis aanneem

Daddy se kinders
Kinders van die wêreld
Kan julle nie sien
Dit is soos die beste aanbod wat enige iemand julle ooit kan bied

Ja sê Pappa-Vader
Dis soos die beste kontrak ooit
Al wat jy moet doen
Is jou kant teken

Ja liefste kinders
Sê Pappa-God
Jou deel van die kontrak sê basies
Dat jy beloof om My liewer te kry, elke dag net ‘n bietjie meer

Ja My liefste kind
Kind van die wêreld
Dit sê ook Ek het nie jou sonde verdien
Maar tog het Ek dit op My geneem

Ja sê Pappa-God se Seun
Om die wêreld en jou te bevry
Van die sonde se seer
Het Ek dit kom doen

Ja-nee sê Pappa se Groot Seun
Vir My was dit verskriklik
Ek kon nie toelaat dat julle vir altyd in sonde se kettings vassit
Toe kies Ek gehoorsaamheid aan Abba se plan

Ja dit was nie aldag maklik
Sê Pappa se Seun
Om in hierdie wêreld en sy probleme vas te loop
Is nie altyd vet pret nie

Ja-nee van julle weet so goed
Waarvan Ek hier en nou praat
Julle weet hoe dit is om swaar te kry
Selfs as julle dit nie verdien

Ja-nee sê Pappa-God se Seun
So verstaan julle dalk ‘n bietjie meer
Oor wat Ek
Hier op aarde moes deurmaak

Partykeer
Sê Daddy-God se Seun
Het dit vir My gevoel Ek verdien die dood
Want mense wou My net die heeltyd veroordeel

Ek het net nie meer tred gehou
Sê Abba se Seun
Ek kon nie
Met als wat hulle gesê Ek het verkeerd gedoen

Oe dit was nie maklik nie
Sê Abba se Seun
Net soos wat Ek seker is
Dis nie altyd vir julle maklik nie

Maar dis so die moeite werd
Sê Abba se Seun
Om deur te druk
Om sterk te wees

Ja sê Daddy-God
Dis dikwels wat julle val
Dis dikwels dat daar kere is
Wat julle net niks verstaan

Oe kinders
Sê Pappa-God
Sal julle verstaan
Dat ook Jesus deur swaar tye en lyding moes gaan

Jesus was dit nie gespaar nie kinders
Nee die wêreld se mense
Het Hom ook hard met hulle woorde geslaan
Oor en oor het hulle bedoel om seer te maak

Kinders julle verstaan dit so
Ek kan sien
Daar is baie kere mense in julle eie lewens, mense na aan julle
Wat julle met hulle woorde slaan

Kinders
Ek verstaan sê Daddy-God
Dit voel baie dikwels vir julle
Soos die sweep-houe wat Jesus moes verduur

Oe kinders
Sê Pappa-God
Ek weet dat dikwels
Mense se woorde julle baie seermaak

Ja kinders, ja Pappa weet
Baie mense gebruik hulle ligtelik
Daar is baie mense wat net te gereeld
Te vinnig praat

Oe kinders sê Pappa-God
Oe kinders
Kan Ek julle vertel
Ek weet hoe dit is

Ek weet hoe dit voel om afgejak te word
Ek weet hoe dit voel
As My en My opinie afgemaak word tot niks
Kinders Ek weet hoe dit voel

Ek weet hoe dit voel
Sê Daddy
Want dis iets wat so baie gereeld
Elke dag met My gebeur

Dis nie maklik nie
Né kinders
Om My in oog te hou
En te sê als is okay

Dis moeilik My kinders
Dis moeilik
Ek weet
Ek verstaan

Ek wil julle tog leer
My liefste kinders
Om julle opinies
Rondom Myne te bou

Ja My liefste kinders
Al wat naderhand vir julle belangrik moet wees
Is Ek
En hoe Ek oor ‘n ding voel

Ja My liefste kinders
Dis belangrik vir julle om te begin besef
Daar is net een opinie
Wat waarlik tel

Ja My liefste kinders
Sê Pappa-God
Ek dink dis makliker om andere se opinies minder te laat tel
As julle weet wat Myne is

Ja sê Pappa
Ja Ek weet
Mense het altyd opinies
Maar dis Myne wat waarlik tel

Ek wil julle ook net leer
My liefste kinders
Ek wil hê julle moet weet
Dat My opinie baie meer as andere s’n tel

Ja sê Daddy
Ja kinders Ek verstaan
Mense gaan nie altyd van julle hou
Maar dis okay

Ja kinders
Ja sê Daddy
Ek verstaan
Maar tog moet ons aanhou om vir Lig te staan

Ons kan nie aanhou kinders
Om weg te trek
En stil te bly
Wanneer verkeerd aan jou deur kom klop

Nee My liefste kinders
Nee
Stilbly is nie altyd die antwoord
Vra My wanneer jy iets moet sê en wanneer nie

Ek weet kinders
Ek weet sê Daddy-God
Die waarheid gaan altyd vir mense ontstel
Maar tog het hulle nodig om dit te weet

Ja My liefste kinders
Ja
Julle het seker al gesien
Baie mense hou nie van die waarheid nie

Kinders sê Pappa
Hulle sê dit maak seer
Kinders sê Pappa dis partymaal nodig
Sodat Ek julle by vryheid kan uitbring

My waarheid val nie altyd sag op die oor nie
Sê Pappa
Baie kere nie
Kinders dit is so

Mense hou maar oor die algemeen
Meer van die donker goed in hulle lewens verdoesel
Hulle wil nie hê die Lig van God moet daarop val
Hulle wil met dit bly wegkruip

Ek wens so mense wou besef sê Pappa
Dat Ek die LEWE is
En die Lig
En dat net alles wat goed en mooi is van My af kom

Julle is so verkeerd
Sê Daddy-God
Julle wat so verkeerd glo
Hoekom wil julle nie na die Lig kom

My hart is baie kere seer
Baie kere as Ek sien
Mense vat die wêreld se opinie
Altyd baie meer as Myne

Dis vir My verskriklik
Sê Daddy
Tog kan Ek nie keer
Dit waarvoor die mense hulle eie wil gebruik

Oe kinders van die wêreld
Sê Pappa
Julle het altyd ‘n keuse
Altyd meer as wat julle besef

Julle besef dikwels nie
Sê Pappa-God
Die waarde van julle woorde
Die krag van julle besluite

Ek wil julle eintlik ook maar net vra
Kinders begin wys word
Met die woorde wat julle sê
Vra julleself is dit nodig, is dit nuttig

Ek weet sê Abba-God
Ek weet daar kom kere
Wat julle begin twyfel
Is Ek net goed?

Daar is party kere
Wat julle rerig daaroor wonder
Wat julle wil begin opgee
Omdat julle nie reg glo

Kinders dit is partykeer moeilik
Dis moeilik om te verstaan hoe Ek te werk gaan
Maar sal julle asseblief weet
Ek weet wat Ek doen

Dis baie kere
Dat julle vergeet
Ek groter is
En dan probeer julle My met julle klein verstaan kleinkry

Oe kinders
Sê Pappa-God
Dit kan nie gebeur
Ek wil dit graag-graag vir julle sê

Wanneer julle iets nie lekker verstaan
Kinders kom vra vir Pappa
Leiding, Goddelike verstaan
En geduld

Oe Pappa se kinders
Myne
Party kere gaan goeters vir julle grieks bly
Tot veel later

Ja party kere sê Pappa-God
Sal ‘n jaar of twee verbygaan
Voordat My Woord in vervulling gaan
Oor iets wat Ek gespreek het

Kinders sê Pappa-God
Dikwels gaan julle ‘n jaar of wat wag
Voordat gebeur
Wat Ek belowe het

Ja liefste kinders
Sê Pappa-God
Baie kere het My beloftes ‘n wag-tydperk
Net soos wat Abraham vir Sy beloofde seun Isak moes wag

Ja sê Pappa-God
Ja
Party gebeur dit dat mense hulle eie planne begin maak
Wanneer die wag-tydperk nie meer ‘n plesier is

Ja-nee sê Pappa-God
Dit gebeur gereeld, baie kere
Dat mense My beloftes aan hulle
Vroeër wil ryp hê

Ja sê Pappa
Dis dan wat eie planne gebeur
Eie planne wat maak
Dat hulle dinge in eie hande neem

Dis nie ‘n plek
Sê Pappa
Waar Ek My kinders wil hê
Nee dit kan gevaarlik raak

Ja kinders
Sê Pappa-God
Net soos Sara se slim plan
Om vir haar en Abraham ‘n seun te verseker

Ja sê Pappa-God
Sien
Dit gebeur baie kere dat mense dink
Ek benodig ‘n bietjie hulp

Ja sê Pappa
Baie kere is mense baie gretig
Om My planne vir hulle lewens aan te help
Ja kinders net soos Sara met haar slavin se seun

Oe kinders sê Pappa-God
Ek wil julle so graag geduld en vertroue in My leer
Geduld wat sê God se tyd is die beste
Vertroue wat sê God se hart is mooi

Geduld en vertroue soos dié
Is maar min te vind sê Abba
Op hierdie aardbol
Baie min

Mense is te gretig
Sê Abba-God
Hulle soek net altyd
Hulle wil en baie gou

Mense sê Daddy
Kan baie kere baie dinge laat gebeur
Tog kom daar kere in elkeen se lewens wat hulle weet
Net God, net God kan nou iets doen

Oe Pappa se kinders
Ek wil julle vra om te leer
God is getrou
En Sy tydsberekening is goud

Ja My liefste kinders
Ja
Pappa sal julle partymaal toelaat om ‘n detour te gaan loop
Voordat Ek julle bring by die plek voorberei

Dis vir My kinders
Om te besluit
Ja sê Pappa-God
Ja dit is so

Partykeer gebeur dit
Sê Pappa
Dat mense vasskop net soos ‘n steeksdonkie
Tog is daar enkeles wat My toelaat om voor te loop

Oe en is dit nie vir My mooi
Daai mense wat sê
Ons het gekies, Here loop voor
Waar U lei sal ons gewillig volg

Kinders Ek weet sê Pappa
Ek weet
Dis nie aldag maklik
Maar dis moontlik saam met My

Dis net omdat Ek julle wil uitbring
Kinders
By die beste bes en mooiste mooi
Voorberei vir julle

So Ek wil dankie sê
Sê ons groot Koning
Vir julle wat altyd glo
God is goed

Ek weet dis baie dikwels kinders
Moeilik om te glo
Moeilik om My te vertrou
As dinge om jou donker lyk

Tog is dit kind
Wanneer jou geloof die nodigste is
Wanneer dit die meeste beteken
Wanneer dit moeilik is

Ek wil julle aanmoedig liefste kinders
Kom nader aan My
Kom sien
Wat is voorberei vir julle

Genoeg wortels sê Daddy-God
Het Ek nou voor jou
Met die steeksdonkie-houding gehou
Nou is dit tyd dat jy volg

Ja kom nou My kind
Verlore kind, in-die-huis-kind
Kom volg My
Kom drink van die waters wat ewige rus beloof

Oe dié waters is so soet kind
So verfrissend
Julle sal dit so geniet
As julle net van die steeksheid wou laat gaaan

Kom nader My liefste kinders
Nader en dieper aan My
Kom swem in die waters diep
Kom geniet jouself

Ek het al gesê My kinders
Dis tyd dat julle saam met My
In die waters van hemelse geluk
Kom baljaar

Kom kinders
Kom nou
Kom gou
Soveel pret kan ons saam hê

My liefde is genoeg kind
Meer as genoeg
Om elke droë en dors stukkie in jou
Te les en te vul

Oe My kinders
Kom
Kom geniet saam met My die voorreg
Van Jesus in jou lewe hê

Kind sê Pappa-God se Seun
Geliefde kind van God
Dit is waarvoor Ek die prys vir jou en die wêreld se sonde betaal het
Sodat julle die vryheid in My kon vind

Lig en fladderend
Soos ‘n voëltjie
Kinders dis Ek
In elke hart wat My gevind het

Kinders sê Pa, die Hemelse Koning
Ek is nie swaar en vol straf
Oe nee sê Abba
Ek is vol LEWE en Lig

Kom geniet die wêreld
My kinders
Deur My oë
Saam met My

Daar is soveel
Soveel mooiheid in hierdie wêreld te vind
Kinders julle moet net begin om saam met My
Hand-aan-hand deur die lewe te stap

Dis Ek
Wat die lewe die moeite werd maak
Dis Ek
Wat soveel mooi in hom sit

Die lewe is ‘n lied
Oe kinders sê Pappa
Saam met My
Die mooiste lied ooit

Kom sing kinders, asseblief
Saam met My die hemelse akkoorde
Wat julle saai en doellose lewens
Optower in iets so vrolik

Die mooiste deuntjie
My kinders
Kan ons met julle lewens neurie
As julle My net wou toelaat

Kom nou kinders, kom nou
Van old school rock tot boere-orkes
Kinders sê Pappa
Ek weet van musiek-maak

Ja sê Pappa, ja
Ek weet baie van julle ken My nie so
Maar kinders asseblief kom vind uit
Dat Ek sit agter alles wat mooi is

Ek is die Skepper en Uitvinder daarvan
Hoe dan anders kind
Dit was eers by My
En toe kom dit deur jou

Ja kinders sê Pappa-God
Dit is hoe baie hemelse geskenke
Op aarde gearriveer het
Deur mense

Ja My liefste kinders
Ek is ook die Een wat sit agter elke ontdekking, uitvindsel
Wat hierdie wêreld al ooit gemaak het
Dis Ek wat die begeerte in mense sit om te ontdek, om te ontwerp

Oe dit is wel vir My so mooi
So mooi sê Abba
Daardie deursettingsvermoë
Waarmee die uitvinders te werk gaan

Oe ja sê Pappa-God, oe ja
Het julle al gesien
Oor en oor kere het hulle gefaal
Tog het hulle bly sê ek gaan nog een keer probeer

Oe kinders sê Pappa
Dit is wat die uitvinders op aarde
Laat verskil van vele ander mense
Daai van ek-gaan-nie-opgee

Dit, dit is vir My so mooi
Ja-nee Ek kan dit maar sê
Kyk net waar het dit hulle gebring
Baie van daai uitvinders se name pryk op die lys van Nobelprys-wenners

Oe dis mooi sê Abba
So mooi
Wat deursettingsvermoë kan regkry
Dit is hoekom My kinders Ek dit in julle ingebou het

Ja-nee sê Abba
Ja-nee
Alle mense besit dit
Net nie almal gebruik dit ewe gretig nie

Dis nog ‘n begeerte in My hart sê Pappa-God
Ek wil so graag hê
So graag hê mense moet besef
Die waarde waarmee hulle gemaak en aarde toe gestuur is

Ja dis vir My belangrik
Sê Abba
So so belangrik dat mense sal besef, elkeen
Hulle is hier met ‘n rede

Oe kinders sê Pappa-God
Oe kinders
Daar is soveel potensiaal in julle opgesluit
Voor die televisie-lê en laat-slaap wil net nie hê julle moet dit weet

Kinders sê Pappa-God
Kan Ek julle net vra
Begin committed raak
Al is dit net met een ding

Begin ‘n stokperdjie bou
Kinders ietsie wat julle kan geniet in stede van leeglê
En sien hoe vêr
Deursettingsvermoë in daardie area jou sal bring

Kinders Ek vra net tydjies
Tydjies om daardie potensiaal en goud in jou te ontgin
Ek wil so graag hê kinders
Die talente wat Ek in julle gesit het moet wakker word

Ja kinders, ja sê Pappa
Soos daai vlindersag soen
Wat die prins op die prinses se lippe laat in ‘n sprokiesverhaal
En sy dan ontwaak

Ja liefste kinders sê Pappa-God
Party van julle se talente sluimer al jare
Julle dink hulle bestaan nie
Al wat moet gebeur is dat julle hulle vind

Ja kinders, ja
Sê Pappa-God
Elkeen van julle het talente
Kyk net na dit wat julle verskriklik baie geniet om te doen

Is dit nou teken of swem
Is dit nou verf of hardloop
Kinders sê Daddy
Elkeen van julle het ‘n talent

Daar is soveel begaafde mense op aarde
Kinders sê Daddy die duiwel sê vir julle hulle is die enigstes met talent
Kinders sê Daddy dis nie so
Hulle het net al ontdek wat hulle talent is en daarmee begin woeker

Kinders sê Pappa
Ek sê weer
Doelgerigtheid en deursettingsvermoë verrig wondere
Probeer dit so keer of wat

Ja kinders, ja
Soveel kan julle op aarde regkry
Glo My
Julle is nie net gemaak om te bestaan

Soveel meer wag vir julle om ontdek te word
Soveel meer
Kom kinders begin hulle oopmaak
Die wonders van die lewe leef!

Oe ja die lewe het Ek gemaak
Sodat julle dit voluit kon leef
Sodat julle dit voluit kon geniet
Sodat julle nie vir ‘n inch minder hoef te settle

Ja sê Daddy, ja
Dit is dikwels dat dit gebeur
Dat mense settle
Sonder om waarlik ooit te leef

Kinders daar is wonderlike goeters
Wat julle op aarde kan ervaar
Wonderlike lieflike goeters
Wat die hart waarlik bly-maak

Hemel-geskenke
Noem Ek hulle sê Pappa
Of dit nou is uit-die-maag-lag
Of ‘n hemelse sonsondergang aanskou

Ek wou julle aandag maar net op dié goedjies begin vestig
Die goeters wat so opreg beeldskoon is
Die ware eg in die lewe
Nie die plastiek of namaaksel daarvan

Soveel opregte pret
My kinders
Kan julle uit hierdie wêreld put
Soveel, soveel opregte pret

As julle sukkel om dit raak te sien
Kinders vra My net
Vra My net
Ek wil julle so graag help

Om die ware mooi in hierdie lewe
Te begin raaksien
Oe hoe mooi is dit
Wonderlik-mooi voorwaar!

Die mooiste geskenk ooit
Is aan hierdie wêreld gegee
Die dag toe Jesus sê ja
Hy sal kom en herstel!

Oe so dankbaar is ek
So so baie dankbaar
Ons God is groot
Hy is waarlik wonderbaar!

Sy blink plan het gewerk
Vandag nogsteeds
Oor en oor
‘n Foolproof plan voorwaar!

Oe kinders van Abba
Kinders van die wêreld
Sal julle saam met my dankie sê
Sal julle saam met my bly vertrou?

Ja Abba-God weet beter
Baie beter as ons
En Sy hart sal ons bly vertrou
Totdat die einde van aardse tyd aanbreek

Ja Sy hemelse aangesig
Sal ons dan vir alle tyd daarna geniet
Sy hemelse aangesig
Wat skyn soos die son!

Amen.