Saam is ons sterker

Liewe vriend en vriendin,

Seën Anker van Hoop jou?

Dan wil ek vra dat jy asseblief sal oorweeg om my hande sterk te maak in hierdie pad saam Vader. Hierdie bediening en platform wil so graag Sy roeping en plan vir ons vervul. Om dit te doen benodig ek mense wat finansieël Sy missie ondersteun. Ek weet … Abba wil doen … soveel meer!

Ons hart by Anker van Hoop:
1) Inspireer mense om intimiteit met God te vind en rus hulle toe om dit te kweek.
2) Deel die goud van Sy hart en karakter met almal.
3) Kleur die wêreld prakties met God se liefde en omgee.

As dit iets is waarmee jou hart vereenselwig, asseblief ondersteun ons. Dit sal vir my so baie beteken.

Liefde, Letitia.
👇
Ons bank besonderhede:
Rekening naam: Anker van Hoop
Bank: Capitec
Rekening nommer: 1507489631
Takkode: 470010
👇
Fillipense 4:17
Efesiërs 4:12
Galasiërs 6:6
👇
Hoe ons begin het::
https://ankervanhoop.com/meer/about/
https://kingofkingsblog.com/grid/about-the-vessel/
👇
#AlsWatEkOpDieOomblikDoenIsGratisEnVerniet #DankieDatJyOmgeeOmGodSeKoninkrykTeGroei #GoeieGrondOmInTeSaai #DisOnsDonateursEnGodSeGenadeWatDieBedieningMoontlikMaak
#DankieDatEkJulleDieGeleentheidKanGeeOmNSeënTeWeesEnOmSeënTeOntvang #Sedert2013InVoltydseBediening #PadVanGeloof #gehoorsaamheid
👇
Het jy geweet?
– Baie van die gelowiges toerus gebeur ook op ons Facebook bladsy.
– Ek het baie onlangs nadat ek ‘n armte raak gesien het in Afrikaanse Geestelike Inspirasie ook ‘n Instagram rekening geskep. Volg brokkies vanuit my en Abba se verhouding daar & vertel die Instagrammers in jou lewe!

Alleen is ons sterk … saam is ons sterker.

Reghelp-Pappa

‘n Ruk terug hoor ek hoe my boetie vir sy seuntjie sê: “Dis omdat jy speel waar jy nie moet speel nie.” Oomblikke vantevore het kleinding kliphard begin skree, daai tipiese o-tog-wat-het-nou-gebeur-oomblik! Wat die oorsaak was van sy pynkreet weet ek nie maar sy pappa was dadelik naderby met sy reddende hande en vertroosting.

Onwillekeurig begin ek dink aan hoe dit baie dieselfde is met ons en die Here. Hoeveel kere waarsku Sy omgee ons (ek dink nou maar byvoorbeeld aan die stil sagte stem van Heilige Gees) om nie op sekere plekke, saam met sekere mense of met sekere dinge te gaan speel nie maar ore is min of hoe sê ons nog vir die kinders?  😉

Ek onthou aan die begin van verhouding met God hoeveel kere ek verskriklik veroordeel gevoel het as ek iets in die Bybel raaklees of iemand iets sê en ek die prikkel van Waarheid voel steek. Reghelp is nooit lekker nie tot jy besef dis eintlik nie veroordeling nie maar geleenthede vir pragtige groei (sien Romeine 8:1). Dit is, tot volwassenheid in Christus. Die doelwit vir enige Christen veral as jy intimiteit met Hom wil smaak.   

Met lesse geleer kan ek vandag vir jou sê dis eintlik ‘n wonderlike ding om toe te laat dat God se manier jou manier konfronteer en affronteer. Dis hoe die pad van LiG en Sy glorie meer in ons lewens begin skyn. Dis hierdie lewe in oorwinning. Ek bid meer mense begin dit glo!

Elke goeie mamma of pappa op aarde wil sy kind alle onnodige seer spaar. Geen ouer gaan sy of haar kind willens en wetens die gevaar instuur. Nee hulle leer hulle veel eerder hoe om dit te vermy nie waar nie? Presies net so met ons Pappa in die Hemel.

Kom ons leer die prag van God se hart ken. Om Sy manier te vertrou bo ons eie is eintlik ‘n skat want ek meen, kan daar rerig enige iemand beter wees om ons die ropes van die lewe te leer? ♥

Hierdie blog is ook vroeër op Voelgoed se Blogwerf gepubliseer.

Voorgee boomerang verhouding

Wees jouself. Iets wat soms moeilik is om reg te kry wanneer jy in die heilige teenwoordigheid van die asembenewende God sit. Dis nou as jy my eerlike opinie en ervaring se terugvoer vra. Om heeltemal oop te maak en God te vertrou met wat in die binnestes van jou hart aangaan is uitdagend. Wat as daar iets is waarvoor jy moet bely? 😉

Tog is ek so dankbaar dat Abba daar is, dat Hy wel wil hê ek moet na Hom kom en dat Sy hart so sag en verwelkomend wink. Altyd. Ek dink partykeer gaan ons te vinnig oor dié tipe waarhede want hulle raak cliche‘s van te-veel-hoor en dan maak ons hulle nie ons eie nie. As ons het sou ons mos nie geslote boeke vir God bly nie?

Deur die jare het ek beslis geleer, wees net jouself Letitia, al is dit soms scary, al kry jy dit nie altyd heel gemaklik reg nie. Hou net aan. Wees jou eerlike ontblote self met Pappa want Hy geniet dit ek glo. Dis wat ek ervaar as ek sien Sy oog wat knipoog en Hy sê: “My liefste kind, jy is op die regte pad, hou net aan, dis hoe ons verhouding sterker groei.”

Kom ons wees nie skaam liefste kind van God om Hom toe te laat in die diepste kamers van ons hart nie. Ja dis ‘n proses, ‘n lieflike reis maar jong as ons commit om te groei en om treetjie vir treetjie te bly groei gaan ons by die mooiste pieke van liefdesverhouding met Abba aandoen en dit maak die pad tot daar oor en oor die moeite werd.

Hou aan! Deel jou hart met Abba! Al is dit net vandag om aan Hom te erken … Daddy daai persoon het my die hoenders ingemaak of ek kan nie, ek kan nie sonder U, liefde vir die wêreld wys nie. Hy is so, so ‘n goeie Pappa. Amen? Amen!!

#VeralWanneerDieVersoekingGrootIsOmBesteVoetjieTeBlyVoorsit #LaatSakDieSkanse #LaatGodToeOmJOUTeSien #SoveelLiefdeIsHy

Jy kan die blog ook hier https://voelgoed.co.za/voorgee-boomerang-verhouding/ lees!