Hoe behou ons hoop?

Liewe vriende,

Ons leef tans in ‘n tyd waar hoop besig is om teen rasse skede te verdwyn uit die harte van soveel mense – jip net soos die sandstraaltjie deur die nek van ‘n uurglas – want die effekte van die Korona-virus begin ernstig aan lewens knaag.

pappa-God is steeds in beheer. hy wil ons hoop laat toeneem en help om stewig te staan teen al die aanslae.

Ek het onlangs ‘n potgooi-reeks “Hoe behou ons hoop?” opgeneem en deel dit graag met julle hieronder. As jy nie weet hoe jy hierdie seisoen gaan oorleef nie of dalk benodig jy net ‘n tikkie inspirasie nooi ek jou om die skakels te volg en te gaan luister.

  1. https://soundcloud.com/user-127446156/trek-nader-aan-god
  2. https://soundcloud.com/user-127446156/2-prop-in-by-hoop
  3. https://soundcloud.com/user-1274461…/3-lofprysing-aanbidding
  4. https://soundcloud.com/user-127446156/4-deel-jou-hart
  5. https://soundcloud.com/user-127446156/5-krag-van-die-woord
  6. https://soundcloud.com/user-127446156/6-god-is-groter
  7. https://soundcloud.com/user-127446156/7-dankbaarheid
  8. https://soundcloud.com/user-127446156/8-god-is-daar
  9. https://soundcloud.com/user-127446156/9-fondasies
  10. https://soundcloud.com/user-127446156/10-hoop-wat-gee

Mag dit ‘n kombers van Hemelse-vrede-want-God-is-in-beheer oor jou skouers kom gooi.

Sterk staan kind van God. Hierdie is ‘n gulde geleentheid vir groei in die Gees.

Kom ons onthou … HOOP LEEF!

En mag die God van die hoop julle vervul met alle blydskap en vrede deur die geloof, dat julle oorvloedig kan wees in die hoop deur die krag van die Heilige Gees!

Romeine 15:13

Jesus liefde,

Letitia

Fondasies (‘n Woord in seisoen)

Liewe vriende en vriendinne,

Laas week sit ek so bietjie by Jesus. Net om te besin. En om uit te vis waar Abba se hart is in hierdie opgesluit-in-ons-huise-deur-die-Corona-virus-seisoen.

Wat ervaar ek toe in die tyd van rustig raak en aandag gee aan Abba? Hoe Hy die volgende vir my kom wys…

Ek sien ‘n pilaar … stewig en sterk … onbeweegbaar vas. ‘n Ware kruidjie-roer-my-nie. En ek besef opnuut … Jesus is die pilaar van krag in die harte van Sy kinders. Dit is Hy wat ons onderhou en so styf vashou in elke teëspoed-tyd.

Tye van donkerte en onsekerheid soos die een waarin ons onsself bevind ontbloot net wat onder die oppervlak lê of is.

Hoe anders sal die wêreld die krag van die kerk sien as hulle fondasies nie geskud word nie?

Waarop is jou huis, vertroue, rus gebou? Op Christus of ‘n ander? Die Bybel sê net een gaan bly staan. Net een.

Jesus Christus.
Die Sterk Een.
Die Rots onder Sy kinders se voete.

Dis eintlik ‘n wonderlike ding. Die ding wat op die oomblik gebeur … die ruk en skud van fondasies … want … dit wys die betrouheid en krag daarvan.

God se Woord sê…

Geseënd is die man wat op die Here vertrou, en wie se vertroue die Here is.

Jeremia 17:7

Die Bybel beloof ook dat hulle wat op God vertrou nie beskaamd sal staan nie.

Die krag van perde, die hulp van Egipte…
Dis nietigheid.

Die krag van fondasies word in die tyd openbaar … dis al.

Ken jy al vir Jesus?
Het jy Hom al in jou lewensboot genooi?
Het jy die fondasies van jou lewe al op Hom gebou?

Oe julle Abba wag. Hy wag om vir julle sekerheid te gee. Oor die hiernamaals ja. Maar veral hier en nou. Hy wil vir jou die rustigheid en krag bring van ‘n onwankelbare fondasie. Sy Koninkryk kan nie geskud word nie.

Ja elke ander koninkryk gaan neergewerp word, die vestings van goud en vertroue wat ons gebou het. Abba kom gee hoop vandag … bou in geloof, hou aan en weet … dié fondasie kan homself nie te pletter val nie.

Wie is tog die Erekoning? Die Here, sterk en geweldig, die Here geweldig in die stryd. Hef op julle hoofde, o poorte, ja, hef op, ewige deure, dat die Erekoning kan ingaan! Wie is dan tog die Erekoning? Die Here van die leërskare – Hy is die Erekoning!

Psalm 24:7-10

Hy is ons magtige Toring in tawwe tye. Daar is soveel mooi verse in die Bybel hieroor.

Fokus altyddeur op Jesus en wandel in Sy volmaakte vrede (Jesaja 26:3-4).

Die Naam van die Here is ‘n sterk toring; die regverdige hardloop daarin en word beskut.

Spreuke 18:10

Kom ons laat hierdie tye toe om ons geloof in God sterker te weef en nie te laat uitrafel nie.

God is vir ons ‘n toevlug en sterkte; as hulp in benoudhede is Hy in ‘n hoë mate beproef.

Psalm 46:1

Rig jou oë tot die hemele. Waar kom ons hulp vandaan? Ons hulp kom van die Here wat hemel en aarde gemaak het.

Mag ons hierdie tyd regtig benut om God se hartklop te vind en te hoor.

Ek bid Abba se vrede oor julle elkeen se gemoed. Sy almag is op die Troon. Ewig in elke eeu. Amen.

Deel hierdie kuberbriefie gerus met ander om te inspireer.

Liefde vir almal, so baie.

Letitia

Twee ander dinge wat ek ook ervaar het ek met julle moet deel:

1) Linda Chuter van Lady Rose het haar boek “Purified 7 times over” uit gehoorsaamheid aan Abba gedurende hierdie lockdown periode gratis beskikbaar gestel. Dis ‘n hemelse uitnodiging vir nou. Laai die pdf weergawe af by hierdie skakel en lekker lees.

2) Worship SA is ‘n platform waar verskeie aanbiddingsleiers van regoor ons land daagliks tot die 15de April aanlyn-sessies lei. Dit begin 6 uur soggens en hou aan tot 12 uur saans. Gaan vind vars vrede en vreugde in Jesus saam met hulle op die Facebook bladsy.

Hierdie uitbeelding is vir my so pragtig & kragtig!

Sterk-staan!

So hier in Suid-Afrika staan ons op die drumpel van ‘n nasionale afsluiting … iets wat ons in my lewensjare op aarde nog nie ondervind het nie. Mense wêreldwyd lê ook maar laag tans. Verstaanbaar so. Die risiko wil ons verlaag.

Tog wonder ek … sien mense die wonderlike potensiaal opgesluit in die tyd tussen ons huis en erf se mure?

Julle Abba wil ons vandag bemoedig … Hou My hoog bo alles in hierdie storm en julle sal My vrede, hoop en vreugde steeds ken. Bo alles – ook die Corona Virus Covid 19 – troon Abba nogsteeds as Heer.

As jy sukkel om positief te bly of om die goed in dit wat soos een groot gemors voel te vind gaan klop liewe vriend en vriendin by Abba aan en vra Hom om jou te wys Sy goud in hierdie pad.

Hierdie is ‘n gulde geleentheid om God beter te leer ken. Trek nader, altyd nader aan Hom.

Pappa wil nie hê ons moet verslaan deur hierdie ding ons koppe laat hang nie. Nee Hy is die God wat steeds prag uit as kan voortbring. Die konsekwensies gaan ons dalk ervaar maar net so veel Sy getrouheid steeds. Soos deur al die jare voor dit.

Ons HOOP is Jesus Christus se koms na die aarde & Sy rotsvaste teenwoordigheid by ons in die dale en valleie van die lewe.

Mag jou geankerde geloof skyn in die tyd! Mag dit ongereddes lok na die redding van God! Die saadjies van LIG, LIEFDE en WAARHEID wat jy met jou woorde en dade saai in die tyd is heel moontlik die einste dit wat Abba wil, kan en sal gebruik om dit reg te kry.

Bybelverse wat by my opkom soos ek hier tik.
> Jesaja 43:2
> 1 Johannes 5:5
> Romeine 8:31
> Johannes 3:16

Gaan lees, onderstreep en oordink hulle bietjie. Laat toe dat die vrede wat hulle besit jou hart stywe drukkies gee.

Liefde boetie en sussie. Saam met Jesus gaan ons hierdeur, weet dit!

Letitia

#BlyPositief #BlyBely #GodIsGetrou #GodisGoed #GodIsMetOns #GodIsVirOns #GeloofInAksie #DieBybelSeBeloftesIsSoveelMeerAsSoetsappigeSuiker #StaanVas #GodIsGroter #TydOmTeSkyn #DonkerDaeNooiOnsUitOmGodSeMooiHartMeerTeOntdek
#HoeDonkerderDieNagHoeHelderderSkynGodSeLigInOns
#JesusRotsVanDieEeeue #BouJouHuisOpDieROTS