'n Seer hart, Byt vas, Nuwe hoop

Tyd van perfeksie

Kind van Abba-God
Moet nooit opgee
Dit is goue raad
Nie altyd maklik om reg te kry

Ja kind van God
Sê Abba se kind
Ek weet hoe dit is
As swaar aan jou deur kom klop

Ek weet sê Pappa-God se kind
Hoe dit is en hoe dit voel
Om met ‘n belofte van God
In jou hart rond te loop

‘n Hartsbelofte
Waarvan die vleeslike realiteit sê
Nee wat gee maar op
Dit gaan nooit gebeur

Ek weet hoe dit is
Liefste kind van Abba-God
Om te voel
Asof jy net in ongeloof vas kyk

Ek weet kinders van Abba-God
Hoe dit is sê Abba se kind
As moed-verloor so naby lê
As jy rerig begin voel dalk moet ek dit oorweeg

Tog weet ek ook
Liefste kind van Abba
Boetie en sussie van my
Hoe dit voel as God self die stuurman van Sy belofte in jou hart is

Ek weet kind van Abba-God
Hoe dit voel
As die Here sê
Nee liefste kind jy kan, jy moenie opgee

Jy weet liefste kind van Abba
Daai fluisterstem
Wat vir jou sê
Kom ons probeer net weer

Liefste kind van Abba-God
Sê Daddy se kind
Ek weet hoe dit voel
As God self Sy belofte in jou hart bewaar

Ja liefste kinders van Abba
Sê God se kind
Ek weet hoe dit is
Want ek ervaar dit al vir soveel jare

Die kere wat ek sê
Nee nie meer
Die kere wat ek uiter
Daddy hoeveel meer?

Ek ken die swaar
Ek ken die seer
Van uitstel
Daai wonder van gaan dit ooit gebeur?

Ek wonder maar net
Sê Abba se kind
Ken jy dit dalk ook?
Het jy raad daarvoor?

‘n Goddelike geduld
Het in my hart begin groei
‘n Geduld wat begin sê het
Kind wag net op God se tyd

Sy tyd is so perfek
So perfek vir elkeen van Sy kinders
Sy hart en karakter so suiwer
Ons kan Hom waarlik vertrou

Sien sê Daddy se kind
Ek weet nie van jou
Maar vir my was dit nie
Die maklikste om te leer

Oe nee, oe nee
In die begin het ek so geskop en gestoei
Daddy ek wil dit nie so hê
Hoekom moes dit so wees?

Oe deur die baie jare van wag
Vir my belofte om waar te raak
Het ek dit al soveel kere gevra
Het ek rerig al baie daaroor gewonder

Maar kind van God sê Daddy se kind
Ek wil net vir jou sê
Skop en boks help niks
Nie as jy bo alles in God se wil wil bly

Want sien sê Pappa se kind
So deur die jare
Het ‘n diep aanvaarding
In my hart begin wortel skiet

God weet wat Hy doen
Ek moet net vertrou
Sien Daddy-God se kinders
Vandag wag ek steeds vir Daddy-God se volle plan om te ontvou

So deur die jare sê Pappa se kind
Het ek al flitse ontvang
‘n Ietsie hier en ‘n ietsie daar
Oor wat die toekoms inhou

Ek dink Pappa-God het dit gedoen
Om my te help nie moed-opgee
Ek dink Hy het daarmee
Hoop in my hart kom inbou

Vir baie jare sê Daddy-God se kind
Wag ek al
Vir my belofte van God
Om sy vervulling te ontvang

Wanneer vra ek baie
Wanneer Pappa
Wanneer?
Dis nou as ek nie vir Abba-God bly kyk

Soveel kere het ek al fokus verloor
God se kind gebeur dit dalk ook met jou?
Dat die belofte groter raak as jou God
En dan al is wat jy raaksien

Oe ja ek weet sê Abba-God se kind
Hoe dit is
Hoe dit voel
Ek was al baie daar

Die kere wat ons so ‘n hoop en verwagting bou
Op ons belofte wat moet waar raak
Dat ons vergeet
Om ons oë op God te hou

En sien Daddy se kinders
Dit kon ek al vind
Dit is waar ons moed-verloor met ons belofte
Dis waar ons begin dink aan opgee

Pappa se kinders
Ons moet dit nie meer doen
Ons moet versigtig wees
Dat ons nie vir twyfel en vrees so ‘n deur oopmaak

Oe Pappa se kinders
Ek wou maar net vir julle sê
Kom ons wees en bly sterk in God
Veral in daai tyd van wag vir dit om te gebeur

God se beloftes
Kan nooit ooit groter wees vir ons
As God self
Nee Hy is die mooiste een

So kind van Abba-God
Kan ek jou net vandag bemoedig
Vat dit van ‘n sussie in Jesus
God is vir ons

Ja veral in die tye
Wat dit so moeilik is om te glo
Veral in die kere
Wat die realiteit van ons situasie iets anders van ons vra

Kinders van Abba-God
Dit is wat geloof behaag
Ja kinders van Abba-God
Wat Sy Woord glo

Oe dit bly
Die mooiste mooi vir geloof
As ons glo
Dit wat ons nie met die oog kan sien

Tog bly dit die swaarste swaar
Vir geloof
As ons nie glo
Dit wat ons nog nie kan sien

Sien Abba-God se kinders
Daddy vra een ding van ons
Bly vertrou My Woord is waar
Selfs as soveel ander iets anders van jou vra

Deur die jare
Kinders van Abba
Moes ek dit op die harde manier leer
Die manier wat maak dat mens dit nie kan vergeet

Ek wil jou dus maar net aanmoedig
Liefste boetie en sussie
Bly vertrou
God weet wat Hy doen

Sy tyd is gewoonlik nie ons s’n nie
Maar dit is die beste tyd
Dis een van die dinge wat ek moes leer
Dat Daddy ALTYD van beter weet

So deur die jare
Het die besef ook al gegroei
God is by my en Hy gee altyd om
Maak nie saak of die wêreld se dinge ook so sê

So dankbaar is ek tog
Sê Abba-God se kind
Vir elke goue les
Wat ek al saam met Daddy kon leer

Al was dit beslis nie maklik
Weet Ek nou
God is by my
Om My nooit ooit te verlaat

Sy liefde is so groot
En deur die jare
Het ek dit beslis
Op dieper en mooier maniere gesmaak

En sien kind van Abba-God
Dit maak die wag die moeite werd
Nie omdat ek noodwendig daarvan hou of dit verkies
Maar omdat ek al kon sien waarvoor God dit draai

Die mooiste lesse
Sê Abba-God se kind
Is in die wag-periodes van die lewe te leer
Dit het ek al gevind

Dis hoekom baie kere
As ek voel ek wil begin boks en skop vra
Daddy help my asseblief hierdeur
Help my om op U tyd te wag

Want sien Abba se tyd is altyd
‘n Tyd van perfeksie
‘n Tyd waar jy niks
Hoef by te voeg of weg te laat

En sien
Dis vir daai tyd wat ek wag
Ek wou jou maar net aanmoedig
Kom wag saam met my

Daar’s baie kinders van Abba-God
Met beloftes van Bo in hulle harte
Moenie opgee op hulle nie kinders van Abba
Hou vas aan hulle elkeen

Dis hoe hulle gebeur
Dis hoe hulle vervulling ontvang
Ons wat aanhou glo
Ons wat nie een keer op hulle opgee

Kinders van Abba
Sê Daddy se kind
Ek vra julle dus
Glo julle dis die moeite werd?

Hou dan aan boetie, sussies
Om vir jou belofte
Te bly intree
Ja baklei vir hom met die wapens wat Jesus gee

Staan op hom kind van God
Bely dit is waar, dit is so en dit gaan gebeur
Spreek lewe en nie dood
En voor jy weet het jou perfekte tyd aangebreek

Nooit ooit sal ek sê sê Abba-God se kind
Dat dit maklik is
Tog glo ek met elke stukkie in my
Dit is die moeite werd

Oor en oor en oor en oor
Dit is wat ek glo
Ek gaan sê
Die dag wanneer God se dag van vervulling vir my aanbreek

Tot dan
Kinders van Abba
Kom ons hou aan
Kom ons hou aan om te glo

Geloof eer God altyd
En ons gaan so die vrugte smaak wat glo-God inhou
Ja so selfs al kom die werklikheid se leuens
Sal ek steeds in geloof vashou

Want ek weet en ek glo
Met alles in my
Van dag een af
Het God aan my belofte gebou

Ja van dag een af
Toe ek nog nie lekker geweet het
Is dit God
Of verbeel ek my?

Nee Daddy se kinders
Nee jy sal weet
‘n Belofte wat God plant
Hy sit baie diep

Geen mens kan hom daaruit help
Geen mens kan hom wegvat
Nee net ons wat ons rug
Op God en Sy wil vir ons draai

Moet dit dan asseblief nie doen nie
Kinders van Abba
Dis die moeite werd
Om op ‘n belofte van God te wag

My hart gaan dit nog proe
My lewe gaan dit nog smaak
Ek profeteer en spreek dit oor my lewe
Die dag as God se tyd-van-belofte vir my aanbreek

Tot dan
Liefste kinders van Abba
Moet ons aanhou om die pad van geloof
Saam met God te loop

Ons moenie ophou vertrou
Ons moet aanhou glo
Die kere wat dit moeilik raak
Bly bid en kyk na Bo

Dis hoe ons deurtrek
Kinders van Abba-God
Dis hoe ons sterk word in geloof
Dis hoe geloof die mooiste vrugte in ons lewens voortbring

Hou aan glo
Kind van God
Hou net aan glo
Die donker dae kom, maar die mooies ook weer

Elke seisoen is nodig
Kind van God
Om die mooiste eienskappe in ons lewens in te bou
Kom ons sê nie nee dankie daarvoor

As ons kon sien
As ons net wou begin glo
God kan selfs die verkeerd gebruik
Om mooi in ons lewens te bou

Dis hoekom kinders van Abba
Daar altyd vir die uitgeworpenes
Verkeerdes en die sonder hoop
Hoop sal wees

Ja-nee
Niemand is te vêr van God
Niemand, niemand
Nooit nie

Altyd-altyd is daar hoop
Vir ‘n nuwe begin
Vir nuwe glo
Vir die wat nie opgee

Kinders van Abba-God
Kom
Kom glo asseblief
Dat God vir jou is

Deur die donkerste nagte
Sal hierdie woorde hoop aan jou hart gee
Veral as jy dit glo
Veral as jy vashou aan hulle

Kom kind van Abba
Kom
Jy wat vashou aan ‘n belofte van God
Kom ons druk deur

Deur saam met God
Tot ons die oorwinning smaak
Is dit nou ‘n belofte van God uit Sy Woord
Of een wat Hy kom bêre het in die dieptes van jou hart

Hou aan glo
Hou aan glo
Moenie kind van God
Asseblief, ooit op een opgee

Amen.

Advertisements
'n Seer hart, Blinde oë, Nuwe hoop

Die wonder van als-deel

Die vreugde van
Als-met-U-deel
Dit bly vir my so mooi
Ek’s baie dankbaar daarvoor

Dankie Abba-Vader
Dat ek nooit skaam-hoef-te-kry
Dankie dat dit ware vryheid is
Om U in al my weë te bly ken

Ek wens ek kon die wêreld laat voel Abba
Wat ek voel
Wanneer ek my hart voor U oopmaak
U na binne nooi

Ja daar’s soveel kere Abba
Wat ons nie besef
Wat ons nie dink
Maar ons kan met U deel

Ja elke stukkie bekommernis
Elke stukkie seer
Ons kan dit vir U bring
Ons kan U vra help my asseblief hierdeur

Daddy die wêreld se mense
Is so gewoond
Aan vir hulleself baklei
Aan dit op hulle eie maak

Daddy hulle weet nie
Hulle besef nie
Daar is ‘n God daarbo
Wat waarlik omgee

Ja Daddy
U geniet dit om van ons te hoor
En U wil so graag help
Om ons laste ligter te maak

Daddy ons wil nie kom kla nie
Ons wil nie murmureer nie
Ons wil kom sê Daddy ons verstaan nie als
Maar ons wil saam met U hierdeur

Want Abba-Vader
Dis U wat ons sterk maak
Dis U wat ons weer geloof gee
Om die nuwe dag in die oë te kyk

Daddy U wil so graag hê
Ons moet vir U vertel wanneer ons seer het
U wil so graag hê
Ons moet U toelaat om dit beter te maak

Kinders van Abba-God sê Daddy
Dit is so My kinders
Maar dit gebeur te gereeld
Dat julle terugtrek

Asseblief My kinders
Julle moet dit nie meer doen
Julle kan waarlik
Als vir My vertel

Van julle vreugdes-bly
Tot dit wat julle moedeloos maak
Julle kan My vertel van die drome in julle hart
En My toelaat om saam te droom

Kinders daar’s niks
Rerig niks
Wat julle ooit nodig het
Om vir My weg te steek

Kinders sê Daddy
Dis so lekker as julle
Julle harte met My deel
Dit wys vir My dat julle graag intimiteit met Myne wil bou

Kinders dit is vir My mooi
So baie mooi
En Ek geniet dit so
Baie dankie daarvoor

Dis gereeld sê Daddy-God
Dat Satan dit regkry
Om julle te verhinder
Om juis dit te doen

Kinders sê Daddy
Ek wil julle net vertel
Dis hy wat nie wil hê
Ons harte moet eenheid bou

Dis omdat hy weet
Liefste kinders
Watter gevaar dit vir hom
En jou verhouding met hom inhou

Ja sê ons liefste Pappa-God
Kinders dit is so
Vir baie mense vertel hy daagliks hoe om te leef
En hulle doen dit baie goed

Kinders sê Daddy
Dit is so
Hy is met baie van julle een
Een van sin, een van verstand

Ek bedoel nou maar kinders
In die manier hoe julle dink oor dinge
Dis presies dieselfde
Dis in baie dinge een

Oe kinders sê Abba-Vader
Ek wil so graag hê dinge moet anders wees
Ek wil so graag hê
Jy moet soos Ek begin dink

My manier is lewe
Liewe kind
Sy manier is dood
Ek wil dit net graag weer vir julle sê

Oe My liefste kinders
Sê Abba-God
Kom vertel eerder ook vir My
Jy wil graag leef soos Ek doen

Kinders sien julle
Sê Abba
My manier is lewe
My manier is hoop

Daar’s te veel van julle
My liefste kinders
Wat met Satan se muisneste in julle koppe sit
Ek wil hê julle moet dit uitskop

Ja My liefste kinders
Sê Pappa-God
Net soos wat ‘n mamma-voël maak
Met ‘n baba-voëltjie wat sy weet gaan dit nie maak

Kinders sê Daddy-God
Asseblief
Julle moet begin weet wanneer dinge nutteloos is om aan te dink
Wanneer dit glad nie waarde inhou

Daar’s te veel van julle sê Abba-God
My kinders
Wat vashou aan die wêreld se manier van dink
Wanneer julle dink

Kinders weet julle nog nie
Sê Abba-God
Besef julle nog nie
Ek en die wêreld se manier is nie eenderse dink

Ek wil julle vra
Liefste kinders
Begin toelaat dat My manier
Julle gedagtes vorm

Oe kinders
Sê Abba-God
Dit gebeur te gereeld
Dat julle met die wêreld se manier saamstem

Kinders Pappa wil julle vra
Kom hoor eerder by My
Kom hoor hoe Ek oor ‘n ding voel
Kom hoor hoe My hart klop

Kinders sê Daddy-God
Dit gebeur te gereeld
Dat julle in gedagtes
Afdwaal na hoe die wêreld dink

Julle moenie toelaat kinders
Sê Daddy
Asseblief
Dat die wêreld se opinie julle opinies bepaal

Dis wat in baie opsigte gebeur
Liefste kinders
Het julle nog nie gesien?
Ek weet, Ek’s seker julle het al

Oe kinders sê Abba
Oe kinders
Dis hoekom Ek so gereeld vra
Kom leer My hart ken

Daddy se kinders
Sê Pappa
Julle moet My hart ken
Anders gaan julle aanhou om in die wêreld se verkeerde opinies te verdwaal

Julle moet geanker wees
In waarheid
Liefste kinders
My waarheid

Daar’s soveel mense op aarde
Sê Daddy
Soveel
Wat totaal en al verlore voel met wat die wêreld bied

Ja sê Abba
Want vandag sê een sus
En ander dag sê een so
G’n wonder sê Abba dat julle aanhou om so te verdwaal

Oe kinders
Sê Abba-God
Die wêreld wil hê jy moet een ding weet
En dit is dat jy My nie nodig het

Al die ‘waarhede’ sê Abba
My kinders
Wat vir julle hierdie ‘waarheid’ vertel
Moet julle weet is ‘n leuen

Ja sê Daddy-God
Uit die put van die hel
Ons kan dit so saamvat
Hulle elkeen

Oe kinders
Sê Abba-God
Dis vir My so belangrik dat julle in hierdie wêreld met sy leuens
Veilig sal voel

Dis hoekom dit My hartsbegeerte is kinders
Om julle daagliks
Dieper te grondves en te wortel
In wie Ek waarlik is

Ja liefste kinders
Sê Abba-God
Ek wil hê julle moet daagliks
Dieper groei in My waarheid

Dis vir My aller-belangrik kinders
Dis vir My aller-belangrik
Ek wil hê julle moet dit besef
Anders gaan Satan en die wêreld julle maklik verlei

Kinders sê Abba-God
Dis dus g’n verrassing
As My kinders
So deur die wêreld se opinies gevorm word

Dis omdat hulle nie gegrondves is
In My waarheid
En hoe Ek oor dinge voel
Dat hulle so vinnig en lekker met die wêreld saam-praat

Oe kinders sê Abba
Oe kinders
Dis so belangrik vir julle om te weet
Dis gevaarlik om saam met die wêreld te stem

Kinders sê Daddy, asseblief
Moet dit nie meer sommer net doen
Kom vra My veel eerder
Daddy wat dink U hieromtrent?

Kinders dis so belangrik
So belangrik
Vir julle om te weet, om te ken
Die goue waarheid in julle Koning se hart

Met daardie waarheid
Sê Abba-God
Kan niks anders vergelyk
Kinders daar is geen ander waarheid buite Myne nie

En kinders
Dis daar
Dis juis daar waar Satan sy voet in die deur kry
Want hoeveel van julle My kinders glo nog onomwonde Ek is absolute waarheid?

Kinders sê Daddy-God
Hierdie wêreld
Het julle al soveel verdraagsaamheid kom leer
Met ander waarhede

Kinders sê Daddy
Dit hoort nie so
Julle kan nie verskoning maak vir die Waarheid
Omdat julle nie valses wil affronteer

Oe kinders sê Abba-God
Dis soos die koning
Wat voor sy slawe moet buig
Dis absoluut belaglik

Kinders
Sê Daddy-God
Maar dis al hoe dit geraak het
Die wêreld se manier het al goed in julle gedagtes begin rondkrap

Kinders sê Daddy
Kinders julle moet besef en weet
Wat die waarheid is
En dan vas daarop bly staan

Oe kinders sê Abba
Oe kinders
Dit is My hart
Dit is wat Ek wil hê julle moet weet

Ek vra nie baklei met elkeen wat jy ontmoet
Oor wat die waarheid is
Nee kind Ek vra jou
Om die waarheid met jou lewe te leef

Oe kind sê Abba
Oe kind
Dis die waarheid
Wat mense op die mooiste manier na My bly trek

Laat jou lewe toe
Sê Daddy-God
Om ‘n getuienis vir My te wees
Kan Ek jou dit vra

Kind sê Daddy-God
Liefste liefste kind
Besef julle hoe vêr strek die voorbeeld
Van ‘n kind wat waarlik vir My leef?

Oe dit bly mooi
Sê Daddy-God
Dit bly so so mooi
Kinders wat saam met My omgee oor ‘n wêreld wat verlore gaan

Kind van God is wat Ek so graag
Elke mens op aarde wil noem
Kind van God sê Abba
Kind van God daarbo

Die Een wat in jou hart woon
Die Een wat die heelal in Sy hand hou
Hoe mooi is dit sê Abba
Dit is, wie Ek is

Begin jou hart deel kind
Asseblief meer en meer
Sê Abba
Begin ontdek die wonderlike vryheid wat daarin lê

Altyd sê Abba
Altyd wil Ek meer aan julle gee
Wil Ek julle meer van My leer
Wie sal ja sê daarvoor?

Kinders die waarheid in My hart
Die waarheid in My Woord
Is so baie mooi
Asseblief, asseblief kom vind dit

Geen ander, geen niks is soos Ek
Die onverganklike Een
Vir ewig en altyd
Vir nou ook, amen

Dis wie Ek is liefste kinders
Dis wat My Woord is
Waarheid
Waarmee geen ander kan stry

Amen.

'n Seer hart, Liefde so groot, Nuwe hoop

Skaamte se dood

Die groot voorreg
Wat ek het
Om als met Pappa te deel
Die goed maar ook die sleg

Liefste wêreld
Besef julle die wonder
Die wonder om na Pappa te hardloop
En al die skaam met Hom te deel

Dis te veel kere sê Daddy-God
My kinders
Dat julle bly wegkruip
Met die verkeerd wat julle doen

Kinders sê Pappa
Liefste kinders van My hart
Pappa wil julle kom wys
By My is daar geen veroordeling nie

Hierdie wêreld
Kry dit so reg sê Abba-God
Om julle te skei van My
Om julle te vertel julle moet self met julle sonde deel

Kinders sy vertel vir julle
So gereeld
Die hoer van hierdie wêreld
Die verkeerde manier

Sy vertel vir julle, julle moet bly weg-kruip
In die skaam-wees bly sit
Tot julle My liefste kinders
In soveel waardeloosheid sit

Liefste-liefste kinders
Sê Pappa-God
Myne, Myne
Kom asseblief na My

Kom laat toe sê Pappa
Dat My liefde met julle skaamheid deel
As julle net kon verstaan
Ek wil julle so graag vry hê

Vry van haar aantuigings
Vry van haar beledigings
Skuld-op-julle-bly-pak
Dis al wat sy doen

Liefste kinders sê Daddy-God
My waardevolle kosbare kinders
Kom asseblief na Daddy
Laat Ek julle wys, hoe lyk vryheid vir My

Dis jy wat jou hart met My bly deel
Kind dis hoe Ek jou vry-maak
As jy als vir My vertel
Ook hoe skaam jy oor sekere dinge in jou lewe voel

Oe besef julle
Pappa se kinders
Ek’s by julle
Elke keer as julle voor sonde val

Julle besef dit nie gereeld
Maar liefste kinders
Daddy is daar
Gereed om julle uit die put van self-veroordeling te help

Julle moet asseblief sê Daddy-God
Nie bly wegkruip
Kinders dit help nie
Die donkerte waarin julle bly sit

Oe kinders sê Pappa-God
Oe kinders
Daddy wil julle vra
Kom asseblief na My

Kom kyk hoe lyk vryheid vir My
Kom vind uit
Asseblief liefste kinders
Daddy wil julle vry hê

Die skuld wat op julle skouers gelaai word
As julle in die donker daarmee bly
Kinders dis verskriklik
Bring die verkeerd-doen veel eerder vir My

Kinders
Ek wil daai skaamheid nie deel van julle lewens hê
Ek wil dit afbreek
Ek wil laat dit kraak met My perfekte liefde vir julle elkeen

Ja sê Daddy-God
Liefste kinders
Van julle sit vas
In marmerblokke gebou met skaamte

Kinders sê Daddy
Asseblief
Ek wil julle bevry
Ek wil julle los-maak

Daddy is besig
Liefste kinders
Om die swaar van julle skouers af te help
Met hierdie woorde wat Ek stuur

Asseblief liefste kind
Asseblief
Begin als met My deel
Veral dit waarvoor jy so skaam kry

Kinders sê Daddy-God
Asseblief
Begin om My
Deel van julle verslawings op aarde te maak

Kinders sê Daddy-God
Daai verslawing aan pornografie
Daai verslawing aan verkeerde dinge
Begin om My lig daarin te nooi

Begin My net vra
Sê Abba
Asseblief
Om jou daarmee te help

Kind besef jy sê Daddy-God
Wil jy weet
Ek’s baie groter
As elkeen van hulle

Ja liefste kind
Sê Pappa-God
Begin asseblief om My lig in elke area van jou lewe in te nooi
En jy sal so sien

Liefste kinders sê Daddy-God
Skaam-wees kan nie in My oorvloed liefde en aanvaarding oorleef
Daarom hou asseblief aan om dit vir My te bring
Kinders sê Daddy-God dis hoe Ek julle skoonkry

Ek wil hê julle moet begin bak kinders
In My warm liefde en aanvaarding
Rerig
Ek wil hê julle moet begin gewoond raak daaraan

Kinders
Sê ons liefste Daddy-God
Sal julle verstaan
Ek wil julle deur die donker areas van julle lewens help

Kinders Ek wil nie hê
Sê Daddy-God
Dat julle in die donker sal bly
En elke krummeltjie leuen van die Satan opeet

Hy laat julle so skaam-kry kinders
Ek weet
Ek kan sien
Dis hoekom julle My nie in die oë kan kyk

Liefste kinders
Sê Daddy-God
Hoekom anders wil julle nie na My toe kom
Hoekom anders vermy julle alles en almal wat van die LiG is

Kinders
Dis omdat julle skaam-kry
Dit is omdat julle glo
Julle is nie goed genoeg om in My teenwoordigheid te leef

Oe kinders sê Abba-God
Oe kinders
Julle is so verkeerd
Julle is goed genoeg, meer as

Dis omdat julle waarde as mens
In julle skaamkry en foute lê
Dit is liefste kinders
Hoekom julle nie terug na Pappa toe wil kom

Liefste kinders
Sê Daddy-God
My hart is altyd so verwelkomend teenoor julle
Ek wens julle kon sien hoe graag Ek wil hê julle moet kom

Julle skaamheid
Is geen niks vir My
Sê Daddy-God
Kinders julle sal sien

Dis die vinnigste
Dat donkerte vlieg
Sê Daddy-God
As hulle met My LiG en waarheid kennis maak

Kinders sê Daddy-God
Asseblief
Bring jou skaam-wees vir My
Kom kyk wat Ek als daarmee kan doen

Julle waarde lê dieper
Liefste kinders
Dit lê nie in wat julle reg of verkeerd doen
Dit lê als in My

Ek wil so graag hê
Liefste seun en dogter
Dat julle
In hierdie bevrydende waarheid sal begin leef

Kinders sê Daddy-God
Besef julle
Besef julle dat My hart breek
Elke keer as Ek sien julle wil bly wegkruip

Kinders sê Daddy-God
Die tronke se deure is lankal reeds oop
Tog besef julle nie
Ek hoef nie meer hier te sit

Hier is die warm uitnodiging My liefste kind
Asseblief kom uit
Kom sit by jou Pappa in die hemel
Begin om als met My te deel

Begin net deel My liefste kind
Dat dit nie vir jou lekker is
Om so vêr van My te wees
En dat jy My verskriklik baie mis

Kinders begin net vir My vertel
Asseblief
Dat jy nie meer ‘n muur
Tussen My en jou hart wil hê

Oe kinders
Sê Abba-God
Oe kinders
Ek mis julle net soveel

My hart pyn
My liefste kinders
Pyn as Ek dink
Hoekom kan jy nog nie by My wees

Ek het soveel verlange
Soveel verlange in My hart
Na jou
My verlore afgedwale kind

Daddy sê
Asseblief My liefste kinders
Julle wat vêr van My af voel
Asseblief, asseblief kom nader aan My

Ek mis julle so groot
So baie
Sê Pappa-God
Ek wens julle kon My hart sien

Van julle My liefste-liefste kinders
Wat al ontdek het
Die wonder van als
Met jou Pappa in die hemel deel

Kinders dankie
Sê Pappa-God
So baie dankie vir die vertroue wat julle in My plaas
Dat julle My met julle geheime vertrou

Kinders sê Daddy
Kinders
So baie dankie daarvoor
Asseblief hou aan om dit vir My te bring

Sodoende
Kan Ek daarmee werk
Sodoende
Kan Ek vryheid bly bring

Kinders sê Daddy
Kinders
Liefste-liefste kinders
Dit is My hart vir julle

Sien sê Daddy-God
Die Satan sal vir julle bly vertel
Julle kan dit nie doen
Julle kan nie als vir My vertel

Kinders sê Daddy-God
Liefste-liefste kinders
Ek veroordeel nie
Ek was skoon

Die kere wat jy val
Kom net weer na My
Bring alles na die LiG
Oor en oor

Dis hoe ons die onkruid
Wat die Satan
In julle lewens geplant het
Bly uitroei

Ja liefste kinders
Sê Pappa-God
Ek vra julle
Volg asseblief My Raad

My raad is vir julle
Om julle waarde te ken
Om te onthou
Ek is God s’n

Kinders
Dis nie iets wat kan gebeur
As jy in die donker bly sit
En nie als vir My bring

Maak My asseblief deel
Dogter, seun
Van die donkerte
Wat in jou lewe wil bly wegkruip

Bring dit kind
Als vir My
Bring dit kind
Na die Kruis van Golgota

Oe My Seun se bloed is genoeg
Meer as genoeg
Vir die swartste sondaar
Asseblief weet dit vandag

Oe kind Ek glo in jou
Daddy weet
Jy kan in vryheid begin loop
Bring als vir My

Als kind
Asseblief als
Jou swakhede
Ek kan wondere daarmee verrig

Dis rerig nonsens sê Abba
Rerig nonsens
Dat die wêreld en vyand vir julle vertel
Dat Ek perfekte mense soek

Oe God se kinders
Verlore kinders
Julle sal nooit in elke tree
Volmaak kan wees

Daai voorreg liefste kinders
Sê Abba-God
Is slegs vir My
Beskore

Oe ja liefste kinders
Oe ja
Die wonderlikste mooi dinge
Kan Ek met stukkende lewens maak

Daar’s soveel hoop vir jou kind
Soveel
Jy wat nou hier lees
Ek hoop dat jy dit in jou hart voel brand

Kom nader
Asseblief
Seun en dogter van God
Dit is wie jy is

Dis tyd sê Abba
Dat hierdie wêreld se mense
Hulle waarde onthou
Dis tyd dat hulle besef

Vir meer is ons gemaak
Soveel meer
Wegkruip-in-die-donker
Dis wat My lewe aan bande lê

Kinders sê Daddy
Kinders
Ek wil so graag hê
Julle moet kom huppel in die vryheid van My genade

Vry kind
Vry!
Ek wil hê jy moet kom dans
Van vreugde in die rondte draai

Oe kinders
Sê Daddy-God
Vir vryheid is julle gemaak
Nie om in die donker weg te kruip

Kyk na jou lewe kind
Besef sê Daddy
Besef asseblief
Ek en jy is nie in als een

Ek wil vra kind
Begin om daai areas met My te deel
Daai areas waar jy weet en besef
Hier kruip ek weg van God

Van julle sê Daddy
Is al jare lank vas in die donker
Julle besef nie eers meer
Ek wil julle red

Kom vry
Liefste seun
Liefste dogter
Kom na My

Als in die LiG kind
Bring als na die LiG
Dit is waar Satan se donker
Houvas verloor

Moenie wegkruip kinders
Asseblief
Kom uit vanagter die bosse
Waar jy skuil

Ek wil jou aantrek kind
Ek wil vir jou vertel
Dat daar nogsteeds
So ‘n mooi plan vir jou lewe is

Die vreugde van als met My deel
Kind dit is waarlik mooi
Dis vryheid
Dis waar skaamheid jou nie meer kan terughou

Amen.

Ietsie wat ek nie oornag reggekry het nie maar klein treëtjies bring groot groei mee soos mens daarmee aanhou. Probeer dit boetie, sussie. Dis ‘n wonderlike waarheid! Het julle dalk ‘n storie of staaltjie wat julle wil deel in die verband? Deel gerus, ek hoor graag van jou! 🙂