Reghelp-Pappa

‘n Ruk terug hoor ek hoe my boetie vir sy seuntjie sê: “Dis omdat jy speel waar jy nie moet speel nie.” Oomblikke vantevore het kleinding kliphard begin skree, daai tipiese o-tog-wat-het-nou-gebeur-oomblik! Wat die oorsaak was van sy pynkreet weet ek nie maar sy pappa was dadelik naderby met sy reddende hande en vertroosting.

Onwillekeurig begin ek dink aan hoe dit baie dieselfde is met ons en die Here. Hoeveel kere waarsku Sy omgee ons (ek dink nou maar byvoorbeeld aan die stil sagte stem van Heilige Gees) om nie op sekere plekke, saam met sekere mense of met sekere dinge te gaan speel nie maar ore is min of hoe sê ons nog vir die kinders?  😉

Ek onthou aan die begin van verhouding met God hoeveel kere ek verskriklik veroordeel gevoel het as ek iets in die Bybel raaklees of iemand iets sê en ek die prikkel van Waarheid voel steek. Reghelp is nooit lekker nie tot jy besef dis eintlik nie veroordeling nie maar geleenthede vir pragtige groei (sien Romeine 8:1). Dit is, tot volwassenheid in Christus. Die doelwit vir enige Christen veral as jy intimiteit met Hom wil smaak.   

Met lesse geleer kan ek vandag vir jou sê dis eintlik ‘n wonderlike ding om toe te laat dat God se manier jou manier konfronteer en affronteer. Dis hoe die pad van LiG en Sy glorie meer in ons lewens begin skyn. Dis hierdie lewe in oorwinning. Ek bid meer mense begin dit glo!

Elke goeie mamma of pappa op aarde wil sy kind alle onnodige seer spaar. Geen ouer gaan sy of haar kind willens en wetens die gevaar instuur. Nee hulle leer hulle veel eerder hoe om dit te vermy nie waar nie? Presies net so met ons Pappa in die Hemel.

Kom ons leer die prag van God se hart ken. Om Sy manier te vertrou bo ons eie is eintlik ‘n skat want ek meen, kan daar rerig enige iemand beter wees om ons die ropes van die lewe te leer? ♥

Hierdie blog is ook vroeër op Voelgoed se Blogwerf gepubliseer.

Draadjie-van-Hoop

Ken jy
God se hartklop
Het jy Sy stem
Al vir jouself gehoor?

Ons Pappa-God
Wil so graag kinders hê
Wat nie net aan tradisie
Se rokspante vashou

Ons Pappa wil so graag hê
Ons moet na dieper en meer begin vra
Alles wat Hy in die Gees
Vir ons voorberei het

Dikwels sê Daddy
Is dit vir julle My kinders
Moeilik om te verstaan
Dis wat Ek so graag wil hê

Hoekom vra Pappa
Hoekom
Verhinder so baie van julle
Die Gees se werkinge in julle lewens

Liefstes sê Daddy-God
Dit gebeur so gou
En so gereeld
Ek kry dikwels nie kans om te doen wat Ek graag wou

Julle verhinder My sê Daddy
Om te beweeg in jou lewe
Omdat jy nie vir My Gees se werkinge in jou lewe
Ja sê

Liefste sê Pappa
Dit pla My so baie
So geweldig
Dis asof daar die heeltyd struikelblokke opgerig word tussen My en jou

Liefste sê Pappa
Liefste-liefste kind
Pappa wil jou vra
Sal jy My asseblief net bietjie meer vryheid in jou lewe gee

Ek word so gereeld
Sê Daddy-God
Aan bande gelê
Met wat Ek mag en wat Ek nie mag doen in My kinders se lewens nie

Daddy U mag dit doen
En dat
Maar Daddy asseblief
Dit mag nie so gebeur

Oe ja-nee
Baie kere
Liefstes sê Daddy
Word Ek vertel hoe ‘n ding mag of nie mag gebeur

Ek word vertel
Sê Pappa
Ja regtig
Baie kere

Ek weet dis nou nie jy
Sê Pappa
Ja-nee Ek weet 😉
Dis nie jy, dis al die ander

Ja sê ons liefste Daddy
Ek is goed
Ek is mooi
Ek weet wat Ek van julle vra

Julle is so verkeerd
My liefstes sê Daddy
As julle My wil voorskryf
Oor hoe iets moet gebeur

Dis nie hoe dit moet wees
Liefste kind van My hart
Wag op My
Doen wat Daddy jou vra

Ja sê Daddy
Daar is party kere
Wat ‘n duidelike ja of nee van My nie nodig is
Maar dan is daar ander kere wat dit noodsaaklik is

Liefstes sê Daddy
Ek wil net vra
Vertrou, vertrou My
Met alles wat jy het

Ja sê Daddy, ja
Jy kan altyd weet dat Ek van beter weet
My liefste kind
Dis beter so

Daar’s te min mense sê Abba-God
Wat verkeerd-glo hieroor
Hulle dink of weet nie
Hulle kan My raad vra oor enige iets

Liefstes sê Abba
Kom net nader
Nader aan My
Laat Ek jou wys hoe dit werk

Ja sê Daddy
Ja
Daar is so baie
Wat Ek julle op hierdie pad van Lig kan wys en leer

Kinders
Daddy vra net
Kom en word wys
Kom leer van My

Julle hoef nie al die besluite van julle lewens
Self te neem
Rerig julle kan oorgee
En My veel eerder vertrou

Ek sal julle
Die regte pad wys
Die een wat lewe
Die een van oorvloed

Oe liefstes
Sê Daddy
Dis te min
Dis te min dat julle My waarlik vertrou

Laat My voorloop
Liefstes
Asseblief altyd
Vra ons Pappa-God

Julle vra te min
Daddy loop voor
Wys my die pad
Waarheen, waarheen nie

Daar is hoogstes liefstes
In My
Wat julle net sal bereik
As julle vra daarna

Ja liefstes
Sê Daddy
Daar is soveel meer
Maar dit gaan vat dat julle saam met My op water loop

Ja liefstes
Sê Daddy
Dit gaan partykeer geweldig diep lyk
Maar julle gaan My moet vertrou

Ek hou vir julle net die beste instoor
Net die mooiste
Ek het kinders nodig
Wat dit saam met My sal glo

Ja sê Daddy
Liefstes
Dis wat julle moet doen
Wanneer die moeilike donker twyfel-dae kom

Vertrou My diep
Dieper
Diepste
Dis wat Ek vir My kinders wil sê

Julle moet vertrou
Julle moet glo
Julle moenie opgee
Wanneer Ek voorloop

Sien kind sê Daddy
Dis altyd die gedagtes
Wat Satan kom plant
Gedagtes wat twyfel bring

Moenie ooit toelaat
Sê Daddy
Dat Satan julle vertroue in My
Verhinder om te groei

Ja hy gaan altyd probeer
Sê Abba
Maar wees bewus
Kyk die kat goed uit die boom

Dis sy hart sê Pappa
Dat Ek en jy
Nooit nader aan mekaar groei
Dis wat hy altyd probeer verhoed

Kom ons knielhalter
Bietjie sy planne
Sê Abba
Kom ons ry dit net ‘n bietjie in die wiele

Ja deur jy liefste kind
Wat jou vertroue in My plaas
En ja sê
As Ek jou in ‘n sekere rigting wil lei

Moenie net altyd wil vasskop
Liefstes van My hart
Abba s’n
As Ek jou vra om in ‘n sekere rigting te beweeg

Ja sê Daddy, ja
Jy het die stappe dalk nie so geantisipeer
Maar kind sê Abba
Ek is nogsteeds in beheer

Raak rustig sê Abba
Ja rustig in julle hart
Vertrou My altyd-deur
Laat toe dat Ek voorloop

My genade is altyd genoeg
Sê ons liefste Pappa
En wanneer Ek julle iets vra
Weet dat Ek julle die vermoë sal gee om dit reg te kry

Ja julle hoef nie altyd
Sê Daddy
In ‘n frenzie te gaan
Te sê dinge moenie so gebeur

Ja sê Daddy
Ja
Dit gaan dalk ‘n klein bietjie anders gebeur
Maar Ek weet hoekom Ek vra

Vertrou My net altyd veel eerder
Sê Pappa
Vertrou My
Doen wat Ek vra

Wanneer Ek in ‘n rigting lei sê Abba
Wat jy nie rerig verstaan
Moet jy weet dis nie altyd nodig om eers te verstaan
Voor jy doen wat Ek vra

Geloof is glo
Sê Abba
Geloof is om te doen
Wat Ek vra

Ja liefste sê Abba
Wanneer Ek vra
Doen asseblief
Dis hoe Ek weet dat julle glo

Moenie net doen
Tot daar waar dit vir julle gemaklik is
Nee kind
Doen dit asseblief end-uit

Ja alles wat Ek vra
Loop asseblief die pad
Van volle gehoorsaamheid
Tot die einde toe

Julle liefde is mooi
Sê Abba
Ek wil net vra
Kan julle My help deur meer te groei?

Meer te groei in julle liefde
Sodat julle My
Alhoemeer kan vertrou
Dis hoe dit makliker raak

Ja dit is so liefstes
Hoe meer julle My ken
Hoe makliker sal dit wees
Om My waarlik te vertrou

Ek wil nie net hê
Liefstes
Sê Daddy
Dat dit wat tussen ons is leë hol woorde bly

Moet asseblief nie sê
Sê Abba-Vader
Dat julle My vertrou
As julle nie bereid is om ‘n tree te gee as Ek vra

Nee liefstes
Asseblief
Pappa vra veel eerder
Vertrou My asseblief, rerig

Ja diep en uit julle hart
Leer My ken
Rerig-rerig erig
Leer My ken

Diep
En uit My hart
Wil Ek jou ook vra
Sal jy My dieper vertrou

Sal jy leer uitsien
Na dit wat Ek verborge hou
Selfs al kan jy dit nog nie lekker sien
Sal jy asseblief, groot asseblief

Ja sê Daddy
Ek weet
Kinders vra ook so as hulle iets graag wil hê
Mamma, pappa groot asseblief kan ek dit kry?

Liefste sê Daddy
Dit is Pappa se vra vandag
Groot asseblief
Sal jy My liewer kry?

Daar is ‘n liedjie
Sê Abba
Diep en mooi is hy
Dalk het julle hom al gehoor

Oceans
Oceans is sy naam en hy sê
Take me deeper than my feet could ever wander
And my faith will be made stronger in the presence of My Savior

Dit is hoe dit is
My liefste kinders
Pappa wil julle na veel verder plekke vat
As wat julle ooit alleen sal kan bereik

Ek wil julle op My skouers tel en sê
Kinders kom nou
Kom ons gaan verken
Kom Ek wys julle wat is moontlik by My

Julle geloof is maar dikwels klein
Sê Abba
Dikwels so klein
Wanneer dit by My en vertrou My kom

Oe liefste sê Abba
Oe liefstes
Kom net nader
Kom sien daar is soveel wat ons saam kan bereik

My liefde vir julle
Is so groot en so mooi
So grênd
Sou kinders ook sê

Kinders kom sê Pappa
Kom asseblief
Ek wil julle wys en leer
Ek is God van die onmoontlike

Ek wil julle aantrek
Sê Pappa-God
So graag
Met die potensiaal van die hemele

Ek wil julle aantrek
Met groter vermoë
Groter doelgerigtheid
Om julle drome te bereik

Oe liefstes
Sê Abba
Kom, kom laat Ek julle wys
Daar is drome wat hierdie wêreld nog nie bereik het nie

Ja-nee kyk kinders
Sê Abba
By My is groter en dieper en mooier
Altyd nog ‘n opsie

Asseblief kinders
Asseblief
Kom glo Pappa
Die horisonne in My hart is breed

So onbereikbaar groot
Is die visie in My hart
Ek hou van groot-droom sê Abba
Ek is baie lief daarvoor

Ek weet sê Daddy
Dat Ek baie kere, baie van My kinders se harte
In hulle kele laat klop
Met die goed wat Ek vra

Ek weet dit sê Pappa
Ek weet
Dit laat hulle bene bewe
Dit laat hulle baie bewerig voel

Oe liefstes sê Daddy
Ek weet
Ek weet dis baie groot
Om baie kere die gewig van hemelse drome te dra

Dis te groot
Dis te groot sê My kinders dan
Ek kan nie, ek kan nie
Dis te veel vir my

Dis net, kind
Seun en dogter sê Pappa
Ek wat jou vra om saam met My
‘n Hemelse droom waar te maak

Liefstes sê Daddy-God
Dit moet ‘n droom wees
Te groot vir jou
Anders is dit mos nie ‘n hemelse droom 🙂

Drome groter as hierdie wêreld s’n
Dit is die tipe drome
Wat Ek love om waar te maak
Deur My kinders op aarde wat saam met My werk

Liefstes sê Daddy
Sien
Sien dis net hemelse drome
Wat op aarde ‘n weg moet kry om te gebeur

Dis hoekom Ek altyd-altyd vra
Kinders asseblief
Vertrou Pappa veel eerder
Met dinge wat Ek vra

Ja dis nie altyd maklik
Maar dit is altyd moontlik
As julle My net altyd sal toelaat
Om die voor-loop te doen

Ja sê Daddy-God
Ja dit is so My kinders
My hemelse drome kan baie kere
Net gestalte deur mense kry

Ja mense wat sê
Okay
Goed Pappa, goed
Kom ons wys hierdie wêreld ‘n ding of twee

‘n Ding
Wat hulle nog nie beleef of ervaar het nie
Kind
‘n Ding baie groot

Sien, sien sê Pappa
Ek hou van duplikate ook
Ek hou van dinge doen wat Ek lankal terug reeds al gedoen het
Ek hou daarvan as dit mense nogsteeds in stom-verwondering laat

Tog hou Ek net so baie daarvan
As Ek hierdie wêreld
Iets kraakvars en splinternuut kan bied
Iets nog nooit gesien of ervaar

Dis hoekom Ek partymaal sê Daddy
Verspotte goeters van julle vra
En mense dan sê
Ag jy is mal

Mal sê Daddy
Net soos wat mense vir Noag gesê het
Toe hy vir jare en jare
Gehoorsaam aan die ark bou

Hoeveel jare lank
Sê Abba
Het mense met hom die spot gedryf
Voordat die dag van reënval finaal aanbreek

Oe kinders sê Daddy
Ek wil hê julle moet verstaan
Mense gaan dikwels en baie kere
Die hemelse drome in julle harte afkraak

Ja hulle gaan ook sê
Hy of sy het nou finaal
Al hulle varkies verloor
Maar kind dis net omdat hulle nog nie kan sien

Hulle kan nog nie sien
Sê Abba
Die reën wat alreeds in jou gees geval het
En besig is om nat te maak

Oe liefstes sê Pappa
Asseblief onthou net
Ek is vir julle
Altyd-deur

Ja, ja
Dit gaan nie altyd maklik wees
Die lewe is moelik
Maar hemelse drome is moontlik saam met My

Sal julle asseblief saam met My werk
Kinders asseblief
Julle wat met hemelse drome sit
Julle wat weet dit gaan net met God se hulp gebeur

Ja sê Daddy, ja
Julle weet
Julle sit al jare met hierdie swaar gewig op julle skouers
Hoe, wat, waar, wanneer?

Oe kinders sê Pappa
Ek sal julle help
Elke tree
Hoe om hierdie hemelse plan tot uitvoer te bring

Ja sê Daddy, ja
Vertrou net My hart
Weet
Dat Ek besig is

Julle vra so gereeld
Here wys my
Waarnatoe
Wanneer

Kind Ek sal
Ek sal
Ek belowe
Hou jy jou ore net wawyd oop

Sodat wanneer Ek spreek
Jy dadelik sal hoor
Net soos Samuel sal jy dan antwoord
Spreek Here, U dienskneg luister

Oe
Ore ingestel op die Koning
Vir verdere instruksies en leiding
Hoe baie mooi is dit vir My

Julle
Julle geliefdes van My hart
Sê Abba
Ek is altyd vir julle

Hou net daaraan vas
Sê Abba
Die dae wanneer die lewe moeilik is
En mense nie altyd verstaan

Ja sê Pappa, ja
Mense gaan nie altyd jou journey verstaan nie
En jy nie ‘n ander s’n
Want julle is op verskillende plekke van julle journey

Oe My kinders, liefstes sê Daddy
Altyd sal Ek poog, altyd
Om mense in jou lewe te bring wat jou journey verstaan
Wat die pad saam met jou kan loop

Ja vriende en familie
Sê Daddy
Naastes
Is dikwels nodig vir jou om jou pad te loop

Ek is die Een sê Daddy
Wat dikwels verbintenisse skep
Mense jou pad laat kruis
Met wie jy ‘n padjie gaan loop

Ja dis Ek sê Pappa
Dikwels Ek
Wat maak dat julle nuwe en vreemde mense ontmoet
Wees op die uitkyk daarvoor

Dis omdat Ek net weet liefstes
Die een is nodig vir die volgende seisoen
Waarin My kind beweeg
Ek sal onderskraging stuur

Oe My kind
Dis maar hoe Ek werk
Altyd op die uitkyk
Vir jou My kosbare kind

Daarom sê Daddy
Volgende keer as julle paaie met iemand nuuts kruis
Weet dit is heel moontlik
Iets wat Ek in die mou voer 😉

Oe ag kind
Ek terg jou net
Ek wil net hê jy moet weet
Ek is maar altyd besig met goed wat jy nie aldag kan sien

Ja kind, ja sê Pappa
Altyd besig met ietsie in die lewens van My kinders
Dis vir My so mooi
So mooi as julle My net vertrou

Kom vra maar altyd
Sê Abba
Net ‘n stukkie nuwe wysheid
‘n Stukkie van waarmee Ek in jou lewe besig is

Ek sal jou altyd wys kind
Ek sal jou altyd lei
Pappa is vir jou
En altyd besig agter die skerms

Ja sê Abba
Ja dit is so
Julle sien dit baie dikwels
Eers vele-vele jare later

Oe dit is hoekom dinge so uitgewerk het
Dit is hoekom dinge so moes gebeur
Nou verstaan ek
Vir die eerste keer

Oe ja-nee sê Abba
Oe ja-nee
Dis maar hoe Ek baie kere
My hemelse planne laat uitwerk

Julle dink partykeer
Dinge is maar niksvermoedend so
Oe nee kinders, oe nee
Pappa is altyd besig met ‘n plan

Altyd maar altyd
Het Ek ‘n plan waarvolgens Ek werk
Ek sal nou nie sê
Ek kry als reg wat Ek graag wil hê moet gebeur maar Ek probeer

Ja Ek probeer altyd
Om dinge beter te maak
Om dinge te laat uitwerk
Vir My kinders

Ja, ja
Partykeer is daar stampe en stote
Ja partykeer is daar hobbels waaroor ons moet oor
Maar dis asof hulle die reis net alte mooi maak

Ja dis nie altyd lekker
Maar kinders
Ek het die vermoë
Om selfs die slegste sleg mooi te maak

Ja dis maar net wie Ek is
Dis maar net wat Ek kan doen
Ek twyfel
Sal mens ooit beter kry?

Ek is die beste-beste God
Waarvoor hierdie wêreld ooit kon vra
Party mense betwyfel dit nogsteeds baie sterk
Maar dit is so

Liefliker as lieflik
Mooier as mooi
Liefstes sê Daddy
Dit is Ek die ewige God

Ek is God
Die ander is gode
Ek wil net graag vir julle sê
Ek is die enigste god wat met ‘n hoofletter-g geskryf kan word

Ja-nee sê Pappa-God
Ja-nee
Die ander is spring-chickens teenoor My
Ek is die real deal

Die realest truest deal
Wat enige iemand ooit kan kry
Dit is Ek
Die ewige God

Kom nader wêreld
Kom leer My ken
Toe-nou kom
Toe-nou kom

Ek paai en mooi-praat
Van julle nou al vir jare
Tog nogsteeds
Tog wil julle harte hard hou

Ag Ek verstaan nie
Sê Abba
Ek verstaan nie hoekom
Jy jouself so hardkoppig wil hou

Wat het dit jou in die sak gebring
Sê Abba
Wat het dit jou al ooit in die sak gebring
Behalwe ‘n hengse hoofpyn?

Ja Ek weet sê Abba
Ek weet
Julle kry hulle gereeld
Migraines dis mos wat julle hulle noem

Migraines sê Abba
Het al half-pad van die mensdom opgeeët
Met al sy migraine fixes
Sal apteke nooit uit besigheid gaan

Oe nee sê Abba
Oe nee
Dis een van hulle beste verkopers
Julle het seker al gesien

Liefstes sê Abba
Die van die wêreld ook
Ek wil net sê hierdie briefie skryf Ek
Sodat ook daardie hoofpyn ligter teen jou slape sal begin klop

Ja sê Pappa-God, ja
Ek verstaan
Die fisiologie van die mensdom
Ek het julle aanmekaar gesit

Ja sê Pappa
Daar in die tuin van Eden
Toe Ek die asem van lewe
In jou longe inblaas

Soos ‘n wafferse dokter of homeopaat
Kan Ek ook My vinger
Op die presiese probleem-area sit
Ek weet waar die probleem lê

Oe kind sê Daddy
Oe kind
Ek kan net sê
Heelwat van die oorsaak is jy wat nie jou vertroue in My belê

Ja mense van die wêreld
Dokters en so
Hulle sal nie baie maklik
Dit as rede vir jou uitwys

Oe nee sê Pappa
Oe nee
Dit is mos maar nou so
Baie van hulle probeer julle mos oortuig dat Ek nie rerig is

Ja ‘n fabrikasie van mense se gedagte-wêreld
Goeie en sterk verbeelding
Ek kry daai een nogals dikwels 😉
Of is dit hulle kort ‘n kruk om deur die lewe te gaan

Ek weet nie
Of julle al gesien het
Maar My kinders se “kruk”
Werk nogals baie heerlik 😉

Oe ja
Die lekkerste wandelpadjies het ons al saam beloop
Die wonderlikstes
Die waarvan die hemel droom

Wil julle nie bietjie saam met ons kom sit
Julle verlorenes van hart
En saam met ons
Hemelse drome begin te droom?

Oe hulle is te lieflik
Of te grys
Soos die ouer mense soms sê
Ek wonder weet die jonges van dae wat daai woord beteken?

Gaan vra julle oumas en oupas
Sê Abba
Hulle sal vir julle vertel
Dis wanneer iets baie oulik is

Oe liefstes sê Daddy
Oe liefstes van My hart
Hoor asseblief
Ek gee om

Ek gee om vir julle
So so baie
Ek wil julle vertel
Verlorenes, julle ook

Julle dink genoeg kere
Ek gee nie om
Sê gereeld
God, Hy sal nie belangstel in ons

Oe kinders van die wêreld
Kan julle hemelse Vader net vir julle sê
Julle is so verkeerd
Ashoop, dis waar Ek meeste van My kinders gaan haal

Daai plek waar hulle so skuldig is
Daai plek waar hulle so skuldig voel
Dis dan wat Ek steeds kom en sê
Kind Ek is goed en Ek wil jou hê

Mense verstaan nie My goedheid nie
Sê Abba
As Ek julle kon sê op ‘n skaal wat julle verstaan sou Ek sê
200% net goed

Daar kan nie ooit meer goed as Ek
In hierdie wêreld of enige ander plek bestaan
Ek is die ware betekenis
Van alles wat goed en mooi is

Dis so moeilik sê Abba
So moeilik
Om dikwels vir julle te verduidelik
Want julle dink dat dit net woorde is

Ek is nie net mooi woorde nie
Sê Abba
Nie, nie, nie
Nooit nie

Julle liefde vir My is so flou
Sê Abba-Vader
Want julle ken My nie
Nie voorwaar nie

Daar’s te veel voorwaardes
Sê Pappa-God
Baie kere
Gekoppel aan wie Ek is en wat Ek kan doen

God is goed
As Hy vir my deurkom
God kan ek vertrou
As Hy doen wat ek vir Hom sê

Liewe ouers kinders
Liewe ouers
Ek dink dat dit verskriklik narrow-minded is
Ek dink dat julle beslis nie die groter prentjie sien

As julle My net vertrou en liefhet
As Ek volgens julle pype dans
Liefste kinders
Is julle liefde vir My voorwaar baie vlak

Ek wil julle by die plek uitbring
Sê Jesus Christus, die Seun
Waar julle liefde vir My
Voorwaar so diep en eg is

Was die Kruis van Golgota
Nie genoeg sê Hy
Nie genoeg om te bewys hoe diep kosbaar en spesiaal jy vir My is
Was My prys nie duur genoeg?

Kinders sê Abba
Dis tyd dat julle na die Kruis begin kyk
Dis tyd dat julle begin onthou
Hoekom is dit nie genoeg vir jou om te weet Ek is net goed

Ek weet nie sê Abba-Vader
Van enige ander koning
Wat sy seun vrywillig sou opgee
Om die sondige afvallige mense van sy koninkryk te red

Mense doen nie sulke goeters nie kinders
Ek weet nie
Het julle al gesien?
Dalk, dalk net vir iemand vir wie hulle baie lief is

Ja dan sal mense
Hulle lewens opgee
Dan sal hulle sê
Dit is die moeite werd

Oe geliefde sê Abba
Die hele wêreld
Julle was vir My genoeg
Dis hoekom Ek My-Seun-het-gestuur

Ja Ek het dit gedoen
Sê Abba
Om julle te bevry van sonde
Sodat julle nooit ooit weer haar slaaf hoef te wees

Party mense kies dit vandag nog
Steeds vrywillig
Ek weet nie
Seker omdat hulle nog nie die dodelike effek daarvaan gesmaak het

Ja
Sonde lei net na een plek
Eers donkerte in jou siel
En dan die donkerte wat die ewigheid inhou

Ons noem dit die tweede dood
Of is dit ewige hel
Daarnatoe sal gaan almal wat hulle rûe op God
En Sy verlossingsplan gedraai het

Ja mens kan dit so sê
Sê Abba
Of mens kan sê
Hulle wat nie My offer van liefde en genade wou aanneem

Sien daar was ‘n prys
Aan die Kruis van Golgota betaal
‘n Prys om jou siel vry te koop
Omdat jy vir sonde gesê het ja

Jy moes met jou lewe daarvoor boet
Elke liewe mens wat sonde gepleeg het
Toe sê Ek nee wag
Ek sal My Seun in hulle plek stuur

Wie wil hulle hê het Satan gesê
Geskel hulle het jou verlaat
Hulle sal weer
Moet hulle nie ‘n kans gee!

Ek hoop nie sê Daddy
Ek het My kanse verspeel
Ek hoop nie so maar toe sê Ek ja
Ja! Ek sal hulle nog ‘n kans gee

Ek kon net nie sê Abba
Op julle My kosbare skepping opgee
Ek het net nie geweet hoe
Toe gee Ek maar Myself as offer vir jou sonde

Ja Ek kon nie, Ek kan nie
Nou-nog nie
Ek weet nie hoe om van daai draadjie-van-hoop tussen ons te laat gaan
Hoe sny Ek hom vir altyd flenters

As julle My net kon wys hoe
Sou Ek dit dalk doen
Dis partymaal so moeilik
So seer om aan daai stukkie hoop vas te hou

Ek hou vas
Maar al wat Ek kry is skoppe, vuishoue en slae
Van almal wat in hierdie wêreld glo
Dat Ek die grootste vark is wat op twee bene loop

Mense verafsku My
Hulle vloek My
Hulle jou My uit
En al wat Ek doen is, Ek kan nie op HOOP opgee

Hoekom, hoekom nie
Hoekom kan Ek nie laat gaan
Daddy hulle maak so seer
Kan U nie sien?!!

Dis die Heilige Gees se stem
Dis Sy wat so gereeld vir My sê
Hulle wil nie
Hulle wil nie terugkeer

Hulle wil nie glo
Dat jy ewig mooi is nie
Hulle wil die Waarheid nie leer ken
Hulle wil blind bly

Oe magtie
As Ek net kon opgee
As Ek net nie meer kon glo
Daar is nog hoop

Dit is so verdomp moeilik
So moeilik om te bly glo
Als gaan nog uitwerk
Als gaan draai vir goed

Dis so moeilik
Want alles sê nee
Alles sê
Gee maar op!

Dis so so moeilik
Ek wens net Ek kon laat gaan
Ek wens dit was nie ‘n issue
Ek wens Ek kon die wêreld los om verlore te gaan

Ja-nee sê Daddy
Ja-nee
Dit sou soveel van My probleme
Eensklaps oplos

Dis mos wat die wêreld wil hê
Woeps-waps
Als verby
Nou kan hulle maar in die hel brand, wat gee Ek tog om

Dit lyk My sê Abba
Dis My omgee wat die groot probleem is
Help My om te laat gaan
En Ek doen dit met graagte

Sien sê Abba, sien
Ek het ook hulp nodig
Ek wil so graag hê julle moet sien
Ek sukkel so baie om op te gee op julle

Hierdie verlore-gaande wêreld
Het nogsteeds
Net so ‘n spesiale plekkie in My hart
Hoe kan dit wees?

Ek dink sê Abba
Dis omdat Ek weet
As mense net die Waarheid kon begin sien
Sou hulle opreg-opreg dankbaar wees Ek het nie opgegee

Soos soveel ander
Alreeds ontdek het
Dit is so
Dit is baie waar

Oe geliefdes
Geliefdes van My hart
Wanneer gaan julle sien
Ek is net goed

Net-net goed
Geen sleg kan in My woon
Dit is net nie moontlik nie
Nie ooit

Amen.

Tyd van perfeksie

Kind van Abba-God
Moet nooit opgee
Dit is goue raad
Nie altyd maklik om reg te kry

Ja kind van God
Sê Abba se kind
Ek weet hoe dit is
As swaar aan jou deur kom klop

Ek weet sê Pappa-God se kind
Hoe dit is en hoe dit voel
Om met ‘n belofte van God
In jou hart rond te loop

‘n Hartsbelofte
Waarvan die vleeslike realiteit sê
Nee wat gee maar op
Dit gaan nooit gebeur

Ek weet hoe dit is
Liefste kind van Abba-God
Om te voel
Asof jy net in ongeloof vas kyk

Ek weet kinders van Abba-God
Hoe dit is sê Abba se kind
As moed-verloor so naby lê
As jy rerig begin voel dalk moet ek dit oorweeg

Tog weet ek ook
Liefste kind van Abba
Boetie en sussie van my
Hoe dit voel as God self die stuurman van Sy belofte in jou hart is

Ek weet kind van Abba-God
Hoe dit voel
As die Here sê
Nee liefste kind jy kan, jy moenie opgee

Jy weet liefste kind van Abba
Daai fluisterstem
Wat vir jou sê
Kom ons probeer net weer

Liefste kind van Abba-God
Sê Daddy se kind
Ek weet hoe dit voel
As God self Sy belofte in jou hart bewaar

Ja liefste kinders van Abba
Sê God se kind
Ek weet hoe dit is
Want ek ervaar dit al vir soveel jare

Die kere wat ek sê
Nee nie meer
Die kere wat ek uiter
Daddy hoeveel meer?

Ek ken die swaar
Ek ken die seer
Van uitstel
Daai wonder van gaan dit ooit gebeur?

Ek wonder maar net
Sê Abba se kind
Ken jy dit dalk ook?
Het jy raad daarvoor?

‘n Goddelike geduld
Het in my hart begin groei
‘n Geduld wat begin sê het
Kind wag net op God se tyd

Sy tyd is so perfek
So perfek vir elkeen van Sy kinders
Sy hart en karakter so suiwer
Ons kan Hom waarlik vertrou

Sien sê Daddy se kind
Ek weet nie van jou
Maar vir my was dit nie
Die maklikste om te leer

Oe nee, oe nee
In die begin het ek so geskop en gestoei
Daddy ek wil dit nie so hê
Hoekom moes dit so wees?

Oe deur die baie jare van wag
Vir my belofte om waar te raak
Het ek dit al soveel kere gevra
Het ek rerig al baie daaroor gewonder

Maar kind van God sê Daddy se kind
Ek wil net vir jou sê
Skop en boks help niks
Nie as jy bo alles in God se wil wil bly

Want sien sê Pappa se kind
So deur die jare
Het ‘n diep aanvaarding
In my hart begin wortel skiet

God weet wat Hy doen
Ek moet net vertrou
Sien Daddy-God se kinders
Vandag wag ek steeds vir Daddy-God se volle plan om te ontvou

So deur die jare sê Pappa se kind
Het ek al flitse ontvang
‘n Ietsie hier en ‘n ietsie daar
Oor wat die toekoms inhou

Ek dink Pappa-God het dit gedoen
Om my te help nie moed-opgee
Ek dink Hy het daarmee
Hoop in my hart kom inbou

Vir baie jare sê Daddy-God se kind
Wag ek al
Vir my belofte van God
Om sy vervulling te ontvang

Wanneer vra ek baie
Wanneer Pappa
Wanneer?
Dis nou as ek nie vir Abba-God bly kyk

Soveel kere het ek al fokus verloor
God se kind gebeur dit dalk ook met jou?
Dat die belofte groter raak as jou God
En dan al is wat jy raaksien

Oe ja ek weet sê Abba-God se kind
Hoe dit is
Hoe dit voel
Ek was al baie daar

Die kere wat ons so ‘n hoop en verwagting bou
Op ons belofte wat moet waar raak
Dat ons vergeet
Om ons oë op God te hou

En sien Daddy se kinders
Dit kon ek al vind
Dit is waar ons moed-verloor met ons belofte
Dis waar ons begin dink aan opgee

Pappa se kinders
Ons moet dit nie meer doen
Ons moet versigtig wees
Dat ons nie vir twyfel en vrees so ‘n deur oopmaak

Oe Pappa se kinders
Ek wou maar net vir julle sê
Kom ons wees en bly sterk in God
Veral in daai tyd van wag vir dit om te gebeur

God se beloftes
Kan nooit ooit groter wees vir ons
As God self
Nee Hy is die mooiste een

So kind van Abba-God
Kan ek jou net vandag bemoedig
Vat dit van ‘n sussie in Jesus
God is vir ons

Ja veral in die tye
Wat dit so moeilik is om te glo
Veral in die kere
Wat die realiteit van ons situasie iets anders van ons vra

Kinders van Abba-God
Dit is wat geloof behaag
Ja kinders van Abba-God
Wat Sy Woord glo

Oe dit bly
Die mooiste mooi vir geloof
As ons glo
Dit wat ons nie met die oog kan sien

Tog bly dit die swaarste swaar
Vir geloof
As ons nie glo
Dit wat ons nog nie kan sien

Sien Abba-God se kinders
Daddy vra een ding van ons
Bly vertrou My Woord is waar
Selfs as soveel ander iets anders van jou vra

Deur die jare
Kinders van Abba
Moes ek dit op die harde manier leer
Die manier wat maak dat mens dit nie kan vergeet

Ek wil jou dus maar net aanmoedig
Liefste boetie en sussie
Bly vertrou
God weet wat Hy doen

Sy tyd is gewoonlik nie ons s’n nie
Maar dit is die beste tyd
Dis een van die dinge wat ek moes leer
Dat Daddy ALTYD van beter weet

So deur die jare
Het die besef ook al gegroei
God is by my en Hy gee altyd om
Maak nie saak of die wêreld se dinge ook so sê

So dankbaar is ek tog
Sê Abba-God se kind
Vir elke goue les
Wat ek al saam met Daddy kon leer

Al was dit beslis nie maklik
Weet Ek nou
God is by my
Om My nooit ooit te verlaat

Sy liefde is so groot
En deur die jare
Het ek dit beslis
Op dieper en mooier maniere gesmaak

En sien kind van Abba-God
Dit maak die wag die moeite werd
Nie omdat ek noodwendig daarvan hou of dit verkies
Maar omdat ek al kon sien waarvoor God dit draai

Die mooiste lesse
Sê Abba-God se kind
Is in die wag-periodes van die lewe te leer
Dit het ek al gevind

Dis hoekom baie kere
As ek voel ek wil begin boks en skop vra
Daddy help my asseblief hierdeur
Help my om op U tyd te wag

Want sien Abba se tyd is altyd
‘n Tyd van perfeksie
‘n Tyd waar jy niks
Hoef by te voeg of weg te laat

En sien
Dis vir daai tyd wat ek wag
Ek wou jou maar net aanmoedig
Kom wag saam met my

Daar’s baie kinders van Abba-God
Met beloftes van Bo in hulle harte
Moenie opgee op hulle nie kinders van Abba
Hou vas aan hulle elkeen

Dis hoe hulle gebeur
Dis hoe hulle vervulling ontvang
Ons wat aanhou glo
Ons wat nie een keer op hulle opgee

Kinders van Abba
Sê Daddy se kind
Ek vra julle dus
Glo julle dis die moeite werd?

Hou dan aan boetie, sussies
Om vir jou belofte
Te bly intree
Ja baklei vir hom met die wapens wat Jesus gee

Staan op hom kind van God
Bely dit is waar, dit is so en dit gaan gebeur
Spreek lewe en nie dood
En voor jy weet het jou perfekte tyd aangebreek

Nooit ooit sal ek sê sê Abba-God se kind
Dat dit maklik is
Tog glo ek met elke stukkie in my
Dit is die moeite werd

Oor en oor en oor en oor
Dit is wat ek glo
Ek gaan sê
Die dag wanneer God se dag van vervulling vir my aanbreek

Tot dan
Kinders van Abba
Kom ons hou aan
Kom ons hou aan om te glo

Geloof eer God altyd
En ons gaan so die vrugte smaak wat glo-God inhou
Ja so selfs al kom die werklikheid se leuens
Sal ek steeds in geloof vashou

Want ek weet en ek glo
Met alles in my
Van dag een af
Het God aan my belofte gebou

Ja van dag een af
Toe ek nog nie lekker geweet het
Is dit God
Of verbeel ek my?

Nee Daddy se kinders
Nee jy sal weet
‘n Belofte wat God plant
Hy sit baie diep

Geen mens kan hom daaruit help
Geen mens kan hom wegvat
Nee net ons wat ons rug
Op God en Sy wil vir ons draai

Moet dit dan asseblief nie doen nie
Kinders van Abba
Dis die moeite werd
Om op ‘n belofte van God te wag

My hart gaan dit nog proe
My lewe gaan dit nog smaak
Ek profeteer en spreek dit oor my lewe
Die dag as God se tyd-van-belofte vir my aanbreek

Tot dan
Liefste kinders van Abba
Moet ons aanhou om die pad van geloof
Saam met God te loop

Ons moenie ophou vertrou
Ons moet aanhou glo
Die kere wat dit moeilik raak
Bly bid en kyk na Bo

Dis hoe ons deurtrek
Kinders van Abba-God
Dis hoe ons sterk word in geloof
Dis hoe geloof die mooiste vrugte in ons lewens voortbring

Hou aan glo
Kind van God
Hou net aan glo
Die donker dae kom, maar die mooies ook weer

Elke seisoen is nodig
Kind van God
Om die mooiste eienskappe in ons lewens in te bou
Kom ons sê nie nee dankie daarvoor

As ons kon sien
As ons net wou begin glo
God kan selfs die verkeerd gebruik
Om mooi in ons lewens te bou

Dis hoekom kinders van Abba
Daar altyd vir die uitgeworpenes
Verkeerdes en die sonder hoop
Hoop sal wees

Ja-nee
Niemand is te vêr van God
Niemand, niemand
Nooit nie

Altyd-altyd is daar hoop
Vir ‘n nuwe begin
Vir nuwe glo
Vir die wat nie opgee

Kinders van Abba-God
Kom
Kom glo asseblief
Dat God vir jou is

Deur die donkerste nagte
Sal hierdie woorde hoop aan jou hart gee
Veral as jy dit glo
Veral as jy vashou aan hulle

Kom kind van Abba
Kom
Jy wat vashou aan ‘n belofte van God
Kom ons druk deur

Deur saam met God
Tot ons die oorwinning smaak
Is dit nou ‘n belofte van God uit Sy Woord
Of een wat Hy kom bêre het in die dieptes van jou hart

Hou aan glo
Hou aan glo
Moenie kind van God
Asseblief, ooit op een opgee

Amen.